<測謊眼>唔洗呃我啦，我一眼睇得出你係唔係處女: 17
「昨夜你是不是睡醒了就回房間啦？」我率先打破沉默。「對。不好意思，昨天我失禮了。」Mönkh雙頰微微發紅的答道。看來是我自己爬回床上，太多的幻想真的對身體有害。「你也一起來聽課嗎？」「不了，我有別的東西要預備，中午再見。」「那我也過去了，拜拜。」跟額前沒有紅點的Mönkh道別過後，我獨個兒穿過掛滿名畫的走廊到達莊園一隅的書房，Braco已經用粉筆在黑板上畫了一些文字。「可以開始啦。」我隨便挑了個座位，這堂課的學生只有我一個。「等我寫埋少少先...得啦。向我開始之前，你有無特別問題想問？」Braco寫的全是英文，可能是因為中華文字始終結構較複雜吧。「無。」我搖搖頭。「咁我就由頭開始講起啦。我地呢啲可以透過雙眼獲得平常人無既能力既人，就叫做異瞳者Special Visionist，發動能力既雙眼就叫做異瞳The Eyes。大部份既異瞳者都係向對某啲野有強烈渴望既時候得到相關既能力，不過都會有少數既例外，向突然之間獲得特別既能力。」看來我應該就是那些少數的例外，我自欺地心想。「一般人一生只會獲得一種能力，不過透過訓練可以令到能力慢慢提升，呢樣野會之後再講有多過一種能力既人我地會叫佢做Super Special Visionist，中文可以譯做超級異瞳者，你嫌太長可以叫佢地做超瞳者。向異瞳會近一百年歷史裡面，有記錄低擁有多過一種能力既人唔多過十個，因為一個能力對身體既負荷已經好大。」 「咁元祖佢係唔係超瞳者？」這是我最快聯想到的事。「兩位元祖入面，只有Martin Sanchez係，Dr. Cooper並唔係超瞳者。嚴格黎講，Dr. Cooper係離開異瞳會果時只有一種能力，但之後有無新能力覺醒我地就唔知啦。」「佢兩個啲能力係咪都好屈機？」我猜身為創辦人的他們，應該會有不同凡響的異瞳吧。「關於唔同能力一陣我會再講，先講左啲基本法則先。大部份異瞳者都係兩隻眼同時擁有能力，有啲情況會係左右眼既應用有分別，例如左眼可以睇到人既過去，右眼睇到未來，不過都係同一種能力，就好似Mönkh既軌跡之瞳一樣。你話你得一隻眼發動到能力，係非常特殊既情況，可能係你未學識運用能力，一陣會再教你。」如果Braco的職業真是教師的話，其實也真的很適合，因為他的表達及理解能力都很不錯。「今日仲要上實習班？」我不是抱怨，只是想問清楚一點。「係呀，不過會放個短break比你既。另一樣關於異瞳既重要資訊係，能力係有遺傳既可能，有接近五分一既異瞳者既父母其中一人都係異瞳者，當中有超過一半同父母既能力十分相似。如果雙親都係異瞳者，生出黎既更加有八成幾會係異瞳者。」 如果異瞳是可以遺傳的話，說不定我這能力就是從混蛋老爹那裡繼承也說不定。如果他也的是異瞳者，那麼究竟我是繼承了他的異瞳還是連判別處女這能力也是遺傳的？不是說異瞳的覺醒與渴望有關，如果能遺傳的話不就自相矛盾了？「你唔係話同強烈渴望有關架咩，點解又可以遺傳既？」Braco拿起保溫壺喝了一口咖啡，然後才回管我的提問。「有時候遺傳基因會令到父母同仔女之間既渴望差唔多，所以就會得出差唔多既能力。有人話人既一生其實已經係寫好左係基因入面，由出世果刻一切已經係注定。雖然我唔信呢個講法，但係都唔可以排除異瞳基因會影響到一個人既諗法呢個可能性。」我的一生一早便被注定？無論這說法有沒有科學根據，我也不會選擇相信。即使不能完全掌控自己的命運，如果連在洪流裡挣扎的權利都被剝削的話，這樣的人生實在太可悲了。「有無方法知道自己係唔係遺傳？」對了，我爸會否一早就知道異瞳會的事呢？「好簡單，問你既父母就可以啦。我雙親都只是普通人，我估你應該雙親也是，因為係資料庫都無佢地的紀錄。除非...」「除非佢地無加入異瞳會？」「嗯，唔係每個能力者都會加入我地異瞳會，大部份都只係會繼續日常生活，仲有啲會去左『毒蛇之眼』果到。」「我呀爸七年前離家出走之後就再無返個屋企，算啦都係唔好再提呢個人。」「好啦咁等我講下有關能力既發動同分類啦。其實我地會幫唔同能力評級，評級會按實用性同稀有程度黎參考，最高係S級，最低係E級，不過都只係一個參考既指標。」不知道我這能力會獲得甚麼評級？