男校生活史･回到起點: 第八章 回憶3 (Special Chapter@31/12/2016)

有一句說話, 我真係好認同, 就係世界上, 係冇不勞而穫嘅事。
 
係中二呢一年, 我只係覺得自己一直咁比人利用, 當時, 我每一次見到呢一班師兄都只會覺得佢地係咁推波。
 
因為有四個, 我就稱佢地為四會長, 佢地仲係同一級。
 
「呀肥敏, 你攪搞左個Ice Breaking既遊戲設計未呀, 我地要開會再傾啦喎！」
 
肥敏只係因為我肥而得來, 總之係肥仔都總要有個肥字在囗先會安樂。
 




「你今日放學留係活動室, 我地要補課呀, 跟住再過來睇你地啦。」
 
「但我今日要補習呀。」我自小讀書唔太好, 成績唔太好, 所以父母希望我補習有一個好D既成績。
 
「你人仔細細補乜呀, 我地高Form就話要補姐, 你地呢D咁簡單……你呀一定要留低呀, 兩日後就入camp, 你應該要準備好所有野架wo!」佢語氣還好。
 
「得得得, 我留底。」
 
乜都係我做好咩, 點解攪活動會咁辛苦架, 當初我只係想識多D人, 玩下先會入來。
 




「放鬆一下啦你，佢地下年都畢業啦!到時咪到我地主場, 我場話事囉, 你唔係想走去同呀Sir話呀……」Johnny一邊打緊份活動計劃, 一邊同我講。
 
我一手攞左佢手上既鍵盤同滑鼠, 然後繼續幫佢打埋其餘嘅內容。
 
其實果四會長本質上係好好人, 仲成日請我地食野。不過, 就總係中意推波比人架姐。
 
直到有兩個入到尼, 當然就係睇下我地準備成點啦, 咁望下望下, 對住部電腦指下指下。
 
「果兩段音樂呢仲未Download落尼？」其中一個問出囗。
 




「未呀, 我地唔識。」我當時只係中二, 而以前都好小打機或者用電腦做野, 所以乜都唔識叫正常掛……
 
「得我教你, 你地望住我點做。」其中一個會長出手相助。
 
其實我估係因為當時已經夜晚7點幾, 佢地都想番屋企食飯, 又或者係, 佢地唔想因為我做錯左野, 而令佢地既Camp有多個失敗位, 所以先幫我地姐。我又係度猜猜測測。
 
果一刻, 我仲未知我一直都學緊好多知識, 係課外既知識, 只係一直一直咁埋怨佢地, 覺得佢地迫我做好多野, 仲差D想喊出尼。
 
直到同呢一班師兄既關係熟絡左之後, 我又開始被邀請到唔同既學會幫手, 甚至入埋校隊。
 
呢一切聽起上來好似真係靠關係上位, 但事實上我真正靠既係自己既實力。
 
係風風雨雨中, 我中二中三可以話攪活動既時間仲多過讀書既時間。
 
「等我數下先, 星期一三練波, 星期二學琴, 星期六紅會, 星期四五多數開會處理自己既Plan, 星期二四又要補習, 星期……」不斷數不斷數, 媽我好亂呀。




 
大忙人一詞可說是這樣練成的。
 
係呢幾年嘅學校生活真係學識咗唔少, 自從King Sir邀請咗我加入學會之後, 我見識多咗, 更加喺學校嘅唔同活動都活躍咗上嚟, 認識嘅同學都多咗。
 
從回憶中回來, 其實而家雖然學校好多人都識我, 但係, 真係唔係個個都接受到呢一種壓力, 無形嘅壓力。

<故事待續......>
------------------------------------------------------------------------------------

如果大家覺得好睇就留個言啦! 支持一下小弟~​

1/1/2017: 第九章