男校生活史･回到起點: 第九章 遇見

入大學, 個個父母都希望自己嘅仔女, 可以入到一間好嘅大學, 出人頭地。
 
有邊個父母同你講, 唔想佢個仔入大學, 呢句就一定係假嘅。係現今社會上, 根本就係冇可能發生嘅事, 特別係香港。
 
當然, 我知道而家所做嘅一切, 最後都要後果自負。難得有一個咁好嘅機會畀我發展, 當然我都會好好珍惜, 然而我亦唔希望失去咗依個機會。
 
所以話, 當一個人喜歡一樣嘢嘅時候, 自然就會追隨佢, 自然就會堅持下去。
 
喺呢一個星期, 朝早要跑返學就跑返學, 去霸位食飯就霸位食飯, 返學嘅日子一日一日咁過, 而時間亦一日一日流逝。
 




幾乎每一日返學巴士上都係擠滿曬人群, 而今日返學嘅時候亦不外乎一樣。
 
嘟......嘟......嘟......嘟......嘟......嘟......
 
「麻煩乘客行入啲呀唔該曬唔該曬。」
 
其實每一日返學, 一上到車我第一時間都會瞓覺, 因為實在太眼瞓。
 
「唔該, 唔該。」當時有位女生, 就企咗喺旁邊拍醒我。
 




我連忙將旁邊個書包拿起, 講咗聲唔好意思, 係呢一刻真係好尷尬。
 
但當佢坐咗落嚟, 我就發現佢就係......就係......當日流鼻血嗰個女仔。

我終於明白, 點解當初對佢嘅感覺會咁面善。而係呢一刻, 我感到更加尷尬, 唔知佢仲記唔記得我呢。
 
「Hi。」當初我以為佢喺度講緊電話, 但我望住佢, 就發現原來佢對住我講。
 
尷尬嘅場面一日發生一次就夠, 但我估唔到一日發生左兩次, 仲要短短唔夠一分鐘發生兩次。
 




「Hi又係你嘅, 你住喺呢頭附近㗎。」當務之急, 我真係唔知有啲乜嘢可以講,心跳亦跳得越嚟越快, 簡直紅都面曬。
 
「係呀......我住喺荃灣區架。Um......上次真係多謝你。」佢跟我握過手。
 
「唔使多謝啦......我都係將我學到嘅嘢用出嚟啫。」
 
「係呢, 我叫黃俊敏呀, 你可以叫我阿敏㗎, 你叫咩名呀......」我為咗唔想有Dead air嘅情況出現, 我不斷咁樣搵話題講, 希望可以同佢傾耐啲, 唔知點解, 真係好想同佢繼續傾落去。
 
「阿敏......好女仔呀你個名。」佢對住我笑咗一笑。
 
其實我唔係好明白, 當時我又唔係同佢唔係好熟, 點解佢可以咁樣笑到出嚟。
 
「我叫李凱琳, 你叫我凱琳都得㗎啦...... 哈哈! 」
 
「係啦, 我今年中四, 你中幾呀?」佢主動問我, 而我當然要答佢啦。




 
「我中五呀。」
 
「幸會幸會呀, 原來係師兄。」
 
我成日都喺度諗, 究竟同男仔溝通與同女仔溝通有啲乜嘢分別要注意呢?

個人認為, 讀男校最大嘅問題就係會失去咗同女仔嘅溝通能力, 所以喺嗰一刻, 我覺得自己唔知想講啲乜嘢。
 
但就係呢一日, 就係咁Ig同snapchat就得到手。
 
<故事待續......>
------------------------------------------------------------------------------------
Sorry ah各位, 我前兩日唔舒服, ​遲左, 請見諒!
如果大家覺得好睇就留個言啦! 支持一下小弟~​