[真人真事][校園][純愛]緣定·十年前: 第二十四章
玩完班足,去到二月喇,
嗰年嘅農歷新年係喺二月,
咁除左農歷新年之外,
二月最重要嘅一日就係情人節,
嗰年學校返埋情人節就放新年假,
而當時嘅我對哩個情人節冇乜特別大嘅感覺
![](https://lihkg.com/assets/faces/normal/frown.gif)
一來冇情人,
二來冇假放
![](https://lihkg.com/assets/faces/normal/clown.gif)
最慘係朱古力都唔多粒
![](https://lihkg.com/assets/faces/normal/frown.gif)
有幾次係問呀佘佢地有冇唔要嘅朱古力先有得食咋陰公
![](https://lihkg.com/assets/faces/normal/clown.gif)
講起上嚟都笑死人,
預計今年個情況都差唔多
![](https://lihkg.com/assets/faces/normal/frown.gif)
不過今年我多左個任務,
就係要睇住呀雪會派朱古力俾邊個
![](https://lihkg.com/assets/faces/normal/agree.gif)
自從上次除夕嗰晚同佢傾計之後,
我都幾肯定佢心入面係住左個人,
之但係呢個人係乜水就真係唔知
![](https://lihkg.com/assets/faces/normal/cry.gif)
所以我決定今個情人節細心觀察,
我上次淨係問佢鍾意邊個,
佢已經面紅兼口窒,
憑住呢樣野,睇佢平時都唔夠吉屎同佢鍾意嘅男仔講野架喇,
肯定會趁著情人節送野俾人表露心意
![](https://lihkg.com/assets/faces/normal/agree.gif)
起碼收嗰個唔敢拒絕,
又唔會令佢覺得唐突,
肯定係咁,唔駛審喇
![](https://lihkg.com/assets/faces/normal/good.gif)
其實我又覺得呀雪唔使咁驚丫,
以佢個樣,
我唔相信會有男仔會say no
![](https://lihkg.com/assets/faces/normal/tongue.gif)
咁到左情人節嗰日,
好多人喺度互派朱古力,
最好笑有啲人派賓周樂
![](https://lihkg.com/assets/faces/normal/sosad.gif)
買都去買吉百利啦頂你
![](https://lihkg.com/assets/faces/normal/sosad.gif)
笑鬼死,
咁我全日昅實呀雪,
佢真係收到好多朱古力,
班狗公好進取
![](https://lihkg.com/assets/faces/normal/oh.gif)
呀雪細細聲:「丁仔食唔食啲朱古力呀?
佢地俾好多我,我食唔晒,同埋驚肥
![](https://lihkg.com/assets/faces/normal/kiss.gif)
我:「驚肥又成日飮野同食甜野
![](https://lihkg.com/assets/faces/normal/wonder.gif)
呀雪:「比你食就食啦,又要講一輪
![](https://lihkg.com/assets/faces/normal/angry.gif)
我:「好喇我食
![](https://lihkg.com/assets/faces/normal/sosad.gif)
班狗公嘅心血有九成都喺我個肚度
![](https://lihkg.com/assets/faces/normal/hoho.gif)
傻豬嚟嘅,
![](https://lihkg.com/assets/faces/normal/clown.gif)
![](https://lihkg.com/assets/faces/normal/clown.gif)
呀雪收就收好多,但好似冇派俾人
![](https://lihkg.com/assets/faces/normal/oh.gif)
題外話,
呀余都收唔少,
其中一粒係呀婷親手整,
實甜死佢,
我同呀余講:「食完咪扯旗呀
![](https://lihkg.com/assets/faces/normal/kill.gif)
呀余:「你估係你咩成日扯
![](https://lihkg.com/assets/faces/normal/clown.gif)
![](https://lihkg.com/assets/faces/normal/clown.gif)
不過呀婷嗰粒真係幾好食(佢都有派俾我),
至於我就慘啲,
收得好少
![](https://lihkg.com/assets/faces/normal/frown.gif)
好彩呀雪俾左好多我,
算數.
本來諗住全日昅實呀雪,
之但係事情出左變化,
就係我要落去校務署拎返之前班足塊獎牌
![](https://lihkg.com/assets/faces/normal/oh.gif)
大家肯定會覺得奇怪,
點解我要落去校務署拎獎牌而唔係早會上去拎
![](https://lihkg.com/assets/faces/normal/clown.gif)
因為我間學校冬天就好少有早會,
原因係學生怕凍唔想喺操場食風,
之後啲濕勁學生會就同校方反映不如冬天少啲舉行早會
![](https://lihkg.com/assets/faces/normal/dead.gif)
![](https://lihkg.com/assets/faces/normal/dead.gif)
校方又批左,
咁啱依家係凍天
![](https://lihkg.com/assets/faces/normal/clown.gif)
所以我要落去校務署拎獎牌,
最弊係落左去我咪唔可以全日昅實呀雪
![](https://lihkg.com/assets/faces/normal/sosad.gif)
好,我決定去搵呀余幫手先,
我:「大佬幫我拎埋得唔得
![](https://lihkg.com/assets/faces/normal/hoho.gif)
呀余:「唔係唔想幫你,不過校務署話校長見人先俾.」
我:「咁狗架
![](https://lihkg.com/assets/faces/normal/dead.gif)
於是我就被逼落左去,
落到去聽完校長勁嗡一輪就即刻狗衝返上去,
仲慘過做賊
![](https://lihkg.com/assets/faces/normal/dead.gif)
之後上返去呀雪問我:「你咁急做咩呀
![](https://lihkg.com/assets/faces/normal/wonder.gif)
我:「校長個屎忽鬼叫我落拎之前班足塊獎牌囉.」
呀雪:「俾牌你又話人
![](https://lihkg.com/assets/faces/normal/devil.gif)
我心諗梗係小勁佢啦,阻住我個計劃
![](https://lihkg.com/assets/faces/normal/kill.gif)
呀雪:「俾我睇下,
咦,又幾靚喎
![](https://lihkg.com/assets/faces/normal/angel.gif)
我:「覺得靚咪拎去,又唔係金色
![](https://lihkg.com/assets/faces/normal/z.gif)
呀雪:「唔得,呢個牌係你好俾心機拎返嚟,
你keep住啦
![](https://lihkg.com/assets/faces/normal/angel.gif)
之後我繼續昅實呀雪,
佢都好似冇俾朱古力人,
又或者係我啱啱落去嗰陣俾左喇
![](https://lihkg.com/assets/faces/normal/frown.gif)
去到放學,呀雪無啦啦問我不如今日去商場行下,
反正返埋今日就放假,
想懶一日唔去圖書館,
咁我就話好啦
![](https://lihkg.com/assets/faces/normal/good.gif)
行行下佢除低書包,
拎左粒朱古力出嚟,
呀雪:「俾你.」
我:「原來你仲有啲未拎出嚟嘅,古惑
![](https://lihkg.com/assets/faces/normal/donno.gif)
呀雪:「點呀?好唔好食?」
我:「仲好食過頭先嗰啲喎,
又夠甜又夠奶味,好正
![](https://lihkg.com/assets/faces/normal/good.gif)
你邊個粉絲咁有taste
![](https://lihkg.com/assets/faces/normal/wonder.gif)
呀雪:「自己整架
![](https://lihkg.com/assets/faces/normal/angel.gif)
我:「唔係掛,原來你整野咁勁,仲好食過出面買,
夠甜又有奶味嗰下正.」
呀雪:「識你咁耐點會唔知你口味丫
![](https://lihkg.com/assets/faces/normal/angel.gif)
平時鍾意食甜野,
飮熱華田,熱咖啡,熱奶茶又要多奶
![](https://lihkg.com/assets/faces/normal/devil.gif)
我:「估唔到你又幾醒,
不過點解你頭先唔派
![](https://lihkg.com/assets/faces/normal/wonder.gif)
呀雪:「我整得好少咋......
費事俾得呢個就俾唔到嗰個,
點呀,仲要唔要
![](https://lihkg.com/assets/faces/normal/wink.gif)
我:「要.」
之後呀雪拎左一袋出嚟,
我:「你咁叫整得好少
![](https://lihkg.com/assets/faces/normal/wonder.gif)
呀雪:「係呀,如果俾左你食先,佢地可能要幾個食一粒先食到
![](https://lihkg.com/assets/faces/normal/biggrin.gif)
我:「點都好,多謝
![](https://lihkg.com/assets/faces/normal/angel.gif)
之後我地行左陣就歸家,
哎呀,唔記得問呀雪仲有冇派俾第二個添.