[真人真事][校園][純愛]緣定·十年前: 第二十三章
咁之後我同呀余仲有跑狗,同埋另外兩個茄喱啡放左學就成日去練波,
唔夠人嘅關係所以叫埋前文講過嘅朋友A,朋友B同朋友C
![](https://lihkg.com/assets/faces/normal/good.gif)
呀雪都話叫我專心練,
放學唔駛陪佢溫書,
佢原本話想嚟睇我地喺街場練波,
我話唔好喇
![](https://lihkg.com/assets/faces/normal/sosad.gif)
嗰度又污糟又多蚊又冇得坐
![](https://lihkg.com/assets/faces/normal/dead.gif)
喺學校先睇啦
![](https://lihkg.com/assets/faces/normal/clown.gif)
老實講,
我梗係唔想佢嚟啦
![](https://lihkg.com/assets/faces/normal/clown.gif)
除左街場真係污糟,多蚊同埋冇得坐之外,
最重要嘅係上次隻跑狗同呀雪傾計嗰樣好古惑,
肯定有景轟
![](https://lihkg.com/assets/faces/normal/hehe.gif)
再加上跑狗呢條友啲運動細胞又真係幾唔錯
![](https://lihkg.com/assets/faces/normal/donno.gif)
佢話好耐冇踢過,
但我睇佢好快就上左手
![](https://lihkg.com/assets/faces/normal/donno.gif)
叫呀雪嚟睇我地練波,
咪即係俾左球單刀條跑狗等佢有得威水
![](https://lihkg.com/assets/faces/normal/kill.gif)
唔得唔得,
吹咩?我就係咁小器
![](https://lihkg.com/assets/faces/normal/kill.gif)
各位巴絲都知班際比賽,
全班大部分人一定會好緊張,
又會同隔離班鬥出口術
![](https://lihkg.com/assets/faces/normal/sosad.gif)
明明大家之前仲一齊玩,一齊食飯
![](https://lihkg.com/assets/faces/normal/sosad.gif)
一到班際比賽就可以掉返轉變敵人
![](https://lihkg.com/assets/faces/normal/dead.gif)
咁都得
![](https://lihkg.com/assets/faces/normal/wonder.gif)
都算喇,
有啲同班同學嗰排仲煩到隻狗咁
![](https://lihkg.com/assets/faces/normal/dead.gif)
日日問大唔大信心呀
![](https://lihkg.com/assets/faces/normal/clown.gif)
練波練勤力啲呀咁
![](https://lihkg.com/assets/faces/normal/clown.gif)
我心諗練波練勤力啲就贏咩挑
![](https://lihkg.com/assets/faces/normal/clown.gif)
同佢地講又唔明
![](https://lihkg.com/assets/faces/normal/dead.gif)
答又答得多覺得煩
![](https://lihkg.com/assets/faces/normal/kill.gif)
雖然我知佢地係關心自己班,
但你唔覺得煩我都覺得厭啦
![](https://lihkg.com/assets/faces/normal/dead.gif)
算,
好記得第一場踢之前嗰晚,
呀雪喺msn震一震我
![](https://lihkg.com/assets/faces/normal/angel.gif)
我:「乜料?」
呀雪:「聽日加油呀
![](https://lihkg.com/assets/faces/normal/angel.gif)
我:「多謝先
![](https://lihkg.com/assets/faces/normal/angel.gif)
呀雪:「原來你都會做運動嘅
![](https://lihkg.com/assets/faces/normal/angel.gif)
我好想講:「為左你一句我先做咋.」
但我份人咁淆底梗係唔敢講啦
![](https://lihkg.com/assets/faces/normal/frown.gif)
所以話:「少姐唔代表冇嘅.」
呀雪:「今次你唔驚拎晒啲牌搞到其他人冇得拎咩
![](https://lihkg.com/assets/faces/normal/wink.gif)
屎忽鬼,咁都記得
![](https://lihkg.com/assets/faces/normal/sosad.gif)
我:「再讓人拎牌自己就冇牌架喇,點都拎返個先
![](https://lihkg.com/assets/faces/normal/good.gif)
呀雪:「傻仔俾心機啦,你得嘅
![](https://lihkg.com/assets/faces/normal/good.gif)
收到呀雪嘅鼓勵戰力仲唔大增(唔係條賓周)
![](https://lihkg.com/assets/faces/normal/good.gif)
踢波嘅場面我就唔多講喇,
驚悶親大家
![](https://lihkg.com/assets/faces/normal/sosad.gif)
只可以話我地條籖靚到爆
![](https://lihkg.com/assets/faces/normal/sosad.gif)
十六強(第一場)打中二,
八強打中一,
咁就入左四強
![](https://lihkg.com/assets/faces/normal/sosad.gif)
唔知係咪有人收買左抽籖嗰條友
![](https://lihkg.com/assets/faces/normal/agree.gif)
四強打中四B班,即係我以前鍾意嘅呀瑩嗰班,
又會咁啱都有
![](https://lihkg.com/assets/faces/normal/clown.gif)
中四B班睇落唔係好勁
![](https://lihkg.com/assets/faces/normal/clown.gif)
係得我個fd(前文提過嘅朋友C)比較突出,
諗住都輕輕鬆入決賽架啦,
點知一開波俾人入左兩波
![](https://lihkg.com/assets/faces/normal/chicken.gif)
成隊難免好亂,
好彩下半場俾我地屎忽撞棍入返兩球
![](https://lihkg.com/assets/faces/normal/hoho.gif)
呀余同跑狗入嘅,
戰情去到二比二,非常緊湊,
說時遲那時快,
已經就嚟完場,
如果比數維持二比二就要互射十二碼
![](https://lihkg.com/assets/faces/normal/kill.gif)
就喺哩個時候,
對面四個球員(唔計龍門)有三個上左嚟攻,
留返一個喺自己後場,
我地連同對面都喺我地自己半場度混戰緊,
之後唔知點解個波落左喺我隻腳度
![](https://lihkg.com/assets/faces/normal/oh.gif)
我梗係拿拿臨帶住個波攻門,因為時間無多,
對面都唔係傻嘅,
知道我地會打反擊,
所以留左個喺後場度等我,
之後我見到跑狗成支節喺中間標左上嚟(我喺左路),
哩一刻我做左人生最愚蠢嘅決定,
就係將左個橫傳左俾跑狗攻門
![](https://lihkg.com/assets/faces/normal/sosad.gif)
hihi喇今次真係俾左球單刀呀跑狗
![](https://lihkg.com/assets/faces/normal/sosad.gif)
對面個防守球員自然追唔到,
梗係啦,
佢對住全校短跑最快嗰個,
追條毛咩
![](https://lihkg.com/assets/faces/normal/sosad.gif)
跑狗亦不負眾望將個波送入網,
完場雞聲亦喺哩個時候響起,
我地贏左入到決賽,
成班人當左跑狗係功臣
![](https://lihkg.com/assets/faces/normal/dead.gif)
湧埋去佢嗰度慶祝,
哩個時候我真係有啲不是味兒
![](https://lihkg.com/assets/faces/normal/dead.gif)
如果唔係我大方橫傳俾佢
![](https://lihkg.com/assets/faces/normal/clown.gif)
佢向左走向右走有得入咩
![](https://lihkg.com/assets/faces/normal/clown.gif)
學校班人又係膚淺
![](https://lihkg.com/assets/faces/normal/angry.gif)
淨係識睇入波
![](https://lihkg.com/assets/faces/normal/dead.gif)
助攻呢啲咁高尚嘅野又唔留意
![](https://lihkg.com/assets/faces/normal/dead.gif)
用屎眼睇波嘅
![](https://lihkg.com/assets/faces/normal/kill.gif)
不過諗諗下都係輸自己
![](https://lihkg.com/assets/faces/normal/sosad.gif)
扭埋個防守球員咪得囉
![](https://lihkg.com/assets/faces/normal/sosad.gif)
駛乜橫傳呢
![](https://lihkg.com/assets/faces/normal/clown.gif)
到時就係我做英雄啦
![](https://lihkg.com/assets/faces/normal/good.gif)
成班人湧埋嚟又可以承機食囡囡波餅
![](https://lihkg.com/assets/faces/normal/love.gif)
嘥晒,
呀余喺更衣室都抽左我一下水:「咁唔獨食呀
![](https://lihkg.com/assets/faces/normal/biggrin.gif)
我:「食屎啦
![](https://lihkg.com/assets/faces/normal/dead.gif)
之後放左學,
呀雪叫我陪佢去商場行,
行緊嘅途中,
呀雪:「今日我地贏左喎,唔開心咩
![](https://lihkg.com/assets/faces/normal/angel.gif)
我:「冇呀,我地哩啲做大事,梗係贏左決賽先慶祝
![](https://lihkg.com/assets/faces/normal/kill.gif)
呀雪:「係咩,但今日我見到有人喺球場贏左波都冇表情面燶燶喎
![](https://lihkg.com/assets/faces/normal/angel.gif)
我:「嘩雪姐你見到啲咩係我地見唔到架,好驚喎大佬.」
呀雪:「我知你諗乜,丁仔呀,你今日好勁呀
![](https://lihkg.com/assets/faces/normal/good.gif)
如果冇你將個波傳俾呀X(跑狗),結果可能已經唔同喇」
呀雪真係好鬼心水清,咁都知
![](https://lihkg.com/assets/faces/normal/clown.gif)
![](https://lihkg.com/assets/faces/normal/clown.gif)
我:「你又有啲慧根喎.」
呀雪:「你叻啲,行啦,呢排你咁落力,請你食雪榚呀
![](https://lihkg.com/assets/faces/normal/wink.gif)
我:「當我係狗呀獎勵我
![](https://lihkg.com/assets/faces/normal/wonder.gif)
呀雪:「咁仲食唔食呀
![](https://lihkg.com/assets/faces/normal/angry.gif)
我:「食
![](https://lihkg.com/assets/faces/normal/sosad.gif)
入到決賽我地俾之前講嗰隊好勁嘅中五炒三球
![](https://lihkg.com/assets/faces/normal/clown.gif)
最後拎銀牌
![](https://lihkg.com/assets/faces/normal/clown.gif)