[真人真事][校園][純愛]緣定·十年前: 第十章

第二日返到去,
第一堂就係數學堂
咁我地早會完之後就上班房埋位等數學老師嚟,
一上到去呀雪就指住本筆記簿同我講:「今朝起身都有睇一睇你尋日啲notes 」
講完之後仲單一單眼,
嗰個樣又係世界級
我嗰刻呆左一呆,之後先講:「係咩,識咪好囉.」
呀雪:「話晒呢個都係我高中嘅第一個小測,唔想衰左個頭 」
我:「唔係我你都幾大機會衰 」
呀雪:「至叻係你喇 」




之後就小測,
我始終對測嗰課幾熟,所以好快做完,
做完後之後昅下呀雪做成點,
佢咬住支筆諗野個樣又係超晒班
俗語:好pure好true呀

咁呀sir話夠鍾喇,
收晒卷後呀雪就即刻問我識唔識,
我:「識呀,你呢 」
呀雪:「ok啦,個把握大過以前測嗰陣嘅.」




我:「尋日做左成幾十題,個把握咁都大唔過以前就食得屎啦 」
呀雪:「又講核突野,咁本身數學麻麻丫嘛 」
我:「唔考都考左咯,驚都無謂啦.」
呀雪:「多謝你丫衰人 」
我:「點解我無啦啦變左衰人?又唔係冇名你叫 」
呀雪:「我覺得你叫衰人好貼切呀 」
之後小息呀余又跟呀雪叫我做衰人
仲要扮把女仔聲,
嘔心到





放學,
呀雪:「丁仔你得唔得閒呀 」
我:「做咩呀,帶我去威 」
呀雪:「係呀,咁你去唔去呀?」
我:「有景轟,做乜咁好死先 」
呀雪:「見你尋日又教我又帶我去食魚蛋,咪諗住請你食野當多謝囉,
真係對你好啲都唔得 」
我:「咁去囉,不過你會唔會落毒喺啲野食到架 」
呀雪:「冇你咁好氣,會落呀,咁你去唔去呀 」
我:「照去,難得有免費野食 」
呀雪:「行啦衰人 」
咁我地就一齊行去個商場,
途中都有傾尋日個話題,
呀雪:「估唔到你有聽stephy啲歌 」
我:「原本因為人靚,之後聽聽下又覺得幾好聽 」




呀雪:「你有冇聽過黑白照同藍孩子?勁好聽.」(嗰陣佢首首本名曲電燈膽未出 )
我:「有呀.」
之後我係咁易唱左幾句,
呀雪:「衰人你又唱得幾好聽 」
我:「唔係掛 」
呀雪:「真架,搵日去唱K好唔好?」
我:「反正我咁毒都冇野做,好呀 」
呀雪:「嘻嘻 」
又出佢個招牌笑容
之後去到商場,
呀雪:「呢度啲雪榚好好食架,你食咩名?」
我:「朱古力丫唔該.」
之後呀雪就同店員講,「一個朱古力味,一個士多啤莉味丫.」
我:「嚟左呢區半個月已經知邊度有好食野咁勁嘅 」
呀雪:「早幾日同daddy媽咪行過呢度咪知囉.」




我:「成日掛住食,遲早變豬呀你 」
呀雪:「你就變豬,衰豬 」
講完之後佢知道個名太瞹昧,即刻面紅同頭耷耷
我笑笑口咁講:「咩呀,我叫衰咩 」
之後呀雪用手掩住返面,
我:「講啦講啦,衰咩呀 」
呀雪:「唔知呀唔知呀!」
我:「唔知還唔知,你都要攞雪榚架 」
呀雪:「衰人又玩人 」
我:「唔知邊個玩先呢 」
呀雪:「唔知呀 」
我:「個雪榚又幾好食喎.」
呀雪:「係呢,冇介紹錯呢 」
我:「真係幾正.」
呀雪:「不如一路行一路食?」




我:「好呀 」
呀雪:「嗰間有運動鋪,睇唔睇踢波野呀你 」
我:「估唔到你記得我踢波喎 」
呀雪:「尋晚先講完.」
我:「唔睇喇,行吉之島算.」
呀雪:「都好 」

行行下,竟然被我地班個話事人呀兒見到
呀兒:「你兩個,嘿嘿 」
佢走左之後,呀雪講:「死啦,呀兒會唔會週圍講架 」
我:「我地冇野咪得囉,唔淆喎 」
呀雪:「嗯.」
呀雪去到吉之島乜都睇一餐,
好似細佬女咁,好搞笑 」
行左一陣我都送佢返屋企,




呀雪:「今晚msn啦拜拜 」
我:「拜拜 」
返到去打左陣機(同埋丁)
之後呀雪就msn震我,
呀雪:「多謝你今日陪我行左吉之島咁耐 」
我:「咁我都好多謝你今日嗰杯雪榚 」
呀雪:「下次一個禮拜去一次!」
因為我地學校一個禮拜會有一日放早
我:「好.」
之後我地傾左輪無聊野,
又玩左陣msn game,
發覺佢都唔係好渣,
咁又一日,
講開又講
以前做中學生嗰陣成日想快啲變大個出嚟做野,
但到依家大個左又想返去做中學生嗰陣
因為嗰陣真係最開心嘅,
有啲野,真係一去難再遇上一次