女神話我考試排名高過佢 就滿足我一個願望: 第二十八章

我腦入面不停咁浮現追曉琳嗰陣時嘅經歷。

由一開始同佢比賽，到買戒指表白，一切都覺得好神奇。

究竟點解佢會淨係會同我呢個男仔傾計喪玩？

呃……等等先！

戒指？月之戒？





SHIT!

原來我一直都唔記得嘅野，就係月之戒呀！

屌點解我咁蠢㗎！

唸起曉琳失落嘅樣，我就覺得……

自己真係好白痴呀！





死得啦死得啦……

死啦……月之戒去咗邊呀……

我不停揾間房，想揾返月之戒出嚟。

最後，我嘅視線停留喺一個戒指盒上面。

咁奇怪嘅？





我記得我從來都冇將月之戒擺喺盒到㗎？

我更加未見過呢個盒。

我打開個盒，月之戒完好無缺咁喺入面。

欸？

真係好奇怪。

我將個盒攞起細看，盒身刻住「風花雪月」四個小字。

唉唔理啦，聽朝先算。









第二日~

呼，今次冇瞓過龍啦掛。

望一望個鐘，而家啱啱好七點。

快啲去刷牙洗面先！

一出房，就見到雪彤喺飯廳食早餐。

「早晨！」我説。





「咦？今日咁早起身嘅？」雪彤錯愕地問。

「約咗人返學呀～」我説。

「扮咩呀？約咗陳曉琳就出聲啦！」雪彤不屑地説。

……

「我出去啦，拜拜！」雪彤説。

嗯……仲有十分鐘，做乜好呢……

我打開電視，電視播緊財經新聞。

「林氏企業本季度升幅再破紀錄，升幅近11.4%……」新聞員説。





好吧，我呀媽賺錢真係好勁……

「叮噹」門鈴響起。

我打開門，着住整齊校服嘅曉琳企喺門口。

「咁早呀~」我説。

「驚你又遲起身呀~」曉琳説。

「我似係啲咁嘅人咩？」我説。

「琴日嘅事已經充分證明到呢個事實。」曉琳吐着舌説。





「琴日只係意外，意外~」我解釋。

「信你？」曉琳輕挑地説。

我偷偷地將手擺喺佢條腰到，深呼一口氣就吱落去。

「嘩哈哈……哈哈……救命呀！哈哈哈哈……」曉琳俾我吱到收唔到聲。

「投降未？」我問。

「投降啦投降啦……唔好再吱啦……」曉琳無力地説。

曉琳弱點發現！

嘻嘻……

「曉琳。」我輕喚她的名字。

「做咩呀？」曉琳問。

「合埋眼，轉身。」我説。

曉琳雖然疑惑，但係都聽咗我講。

我拎出月之戒，將佢掛喺曉琳條頸到。

曉琳打開對眼，呆望住月之戒。

「衰人！終於記返起啦？」曉琳抽泣。

「唸咗一日啫，唔好喊啦。」我説。

「我邊有喊喎，有幾滴眼淚啫。」曉琳狡辯。

有分別咩……

「唔好再喊啦，再喊就唔靚啦～」我説。

「都話我冇喊囉！」曉琳説。

一分鐘後

「返學啦，再唔行就遲到啦。」我説。

「嗯！」曉琳雙眼紅腫地説。

我地拖住手慢慢行返學校。

---------------------
不經不覺，原來我已經更咗半年文，
好多謝由第一章追到而家嘅朋友(唔知有冇)，
而家出文越嚟越慢又越嚟越低質，
但係我會努力寫好每一篇文。