女神話我考試排名高過佢 就滿足我一個願望: 第二十九章

時光飛逝，話咁快就到中四開學日。

今日好罕有咁六點半起身梳洗。

「呀哥，快啲啦~」雪彤催促。

「知啦知啦~」我説。

雪彤好似有啲緊張，因為今日係佢第一日唔戴口罩。





「唔好咁緊張啦~」我説。

「啲同學同埋希晨笑我樣衰咁點算喎！」雪彤繼續喺鏡前整理儀容。

「如果你樣衰嘅話，世界上就再冇人靚㗎啦……」我無奈地説。

「我先唔信你呀！」雪彤説。

唉……佢要整到幾時呀……





「叮噹」門鈴響起。

Shit,琴日唔記得同曉琳講今日唔使等我返學。

雪彤用一個抱怨嘅眼神望住我。

我好無奈咁行去打開門。

「早晨呀雪雪！」曉琳精神奕奕地説。





「早晨呀，入嚟坐陣先啦。」我説。

「唔使返學咩？」曉琳不解地問。

「入嚟先講啦！」我説。

「哦。」曉琳説。

曉琳入到屋，呆望住照緊鏡嘅雪彤。

「雪雪，點解屋主着住我地學校嘅校服嘅？」曉琳問。

雪彤聽到之後，轉身望住曉琳。

「初次見面，我叫林雪彤，係林浩雪嘅呀妹。」雪彤鞠躬説。





「林雪彤……即係日日戴口罩返學嗰個？你係雪雪呀妹？」曉琳驚訝地問。

「係，因為屋企有少少原因，所以我中四先可以唔使戴口罩返學同埋唔可以俾人知道我地嘅身份。」雪彤斯文有禮地説。

平時又唔見你用咁嘅語氣同我講野，一有第二個人喺度就扮哂蟹……

「咁你地嘅真正身份係？」曉琳問。

「林氏企業繼承人。」我笑説。

曉琳冇再追問，同我一齊坐喺梳化等雪彤。

若干分鐘後~





「好啦，我地行啦！」雪彤説。

原本有啲睡意嘅我一聽到呢句就即刻醒哂。

「終於走得啦……」我歎説。

受到所有人注視嘅我地，喺一片驚訝嘅聲音之下返到學校。

「拜拜啦呀哥/雪雪！」喺4A班門口，雪彤曉琳同我分别。

唉……早知就唔考去4D啦……

入到班房，方野吉坐喺其中一個位望住我。

我坐喺佢隔離個位，問：「你做乜笑成咁呀？」





「聽講你今日同兩個女仔返學喎！」方野吉笑説。

「做咩啫……」我説。

「一個係你條女，咁另一個呢？你唔係一腳起雙飛掛？」方野吉淫笑。

「你都低能嘅，嗰個係我呀妹嚟㗎。」我糾正。

「唔係掛，之前未見過佢嘅？」方野吉質問。

「佢中一至中三都戴住口罩，所以你先認為你未見過佢啫。」我説。

「嗯……佢係？」方野吉疑惑地問。





「林雪彤呀。」我沒好氣地説。

「哦！原來係佢！」方野吉擺出一副「師父明白了」的表情。

------------------
嚟緊嗰一個半月我會潛水，我要全力温書。

如果留唔到喺B班，我就連文都冇得寫㗎啦！

要委屈你地一陣啦！

希望考試順利啦！