女神話我考試排名高過佢 就滿足我一個願望: 第二十七章

「我返嚟啦！」我説。

咦？雪彤呢？

我揾哂成間屋都揾唔到雪彤，可能佢仲未返。

平時雪彤都唔出街嘅，佢去咗邊呢？

我攤喺梳化睇TTB嘅膠劇，睇到大約九點半雪彤先返嚟。





「今日咁遲先返嘅？」我問。

「冇呀，同朋友食埋晚餐先返啫。」雪彤説。

「同岳希晨呀？」我説。

「係呀……唔係呀，希晨佢冇嚟呀，佢陪我食飯咋。」雪彤説。

「陪你食飯？」我問。





「呀！唔係呀！唔同你講啦！講多錯多……」雪彤説。

「你咁緊張做咩啫？」我説。

「我驚你鬧我呀……」雪彤説。

「點解要鬧你呀？」我不解地問。

「我驚……你會唔鐘意希晨呀。」雪彤説。





「噗……哈哈哈……」

「笑咩喎！」雪彤紅着臉説。

「哈哈哈……笑死我啦！」我繼續。

「夠啦！」雪彤大吼。

「得啦，唔笑啦哈哈……」我説。

「哼！嬲死你呀！」雪彤説。

冷靜之後，雪彤嬲爆爆咁坐喺梳化。

「其實點解你會認為我唔鐘意岳希晨？」我問。





「你記唔記得岳希晨第一次同你講野嗰陣呀？」雪彤問。

「記得呀，咁又點呀？」我説。

「嗰陣佢同你講完野之後，我見你好似嬲嬲地咁伏喺張枱到。仲有琴日希晨嚟咗之後，你就好嬲咁衝咗出去，所以……」雪彤説。

呃……

我相信佢已經誤會哂。

明明我對岳希晨就冇反感，琴日好嬲咁衝出去都係因為陳桂方。

個傻妹好蠢呀！





「所以……呀哥你唔嬲咩？」雪彤問。

「你認為呢…...」我無奈地説。

「呃……即係……」雪彤遲疑地説。

「我冇嬲呀……」我説。

「呃……呃……」雪彤個腦好似死咗機咁。

「快啲沖涼啦！仲企喺度做乜？」我説。

「哦……」雪彤呆滯地説。

佢係咪傻咗……





唉，返房打機算。

「那故事倉促結束不到氣絕便已安葬……」手機響起。

「喂？」我説。

「雪雪！」手機的另一頭傳出曉琳的聲音。

「曉琳？做乜呀？」我問。

「冇呀~唸住問你記得返『嗰樣野』未啫。」曉琳説。

「未呀……究竟係咩呀~」我問。





「唔話你知！你一定記得返嘅！」曉琳説。

「盡量啦~咁聽日喺我屋企門口等啦。」我説。

「好呀，拜拜！」曉琳説。

「拜拜！」我回應。

嗯……究竟唔記得咗啲乜呀……

執下間房睇下先。

一個鐘後

嗯……揾嚟揾去都揾唔到呀！

我瞓喺床上面不停咁翻弄雪之戒。

雪之戒發出微弱嘅白光，好似提醒我唔記得咗啲乜。

真係好煩呀~