女神話我考試排名高過佢 就滿足我一個願望: 第五章-----結果

「好啦，各位同學，而家聽到名既就出嚟攞英文卷。」Miss.Wong説。

呢個係今日派既第一份卷，好緊張呀！

「王家俊同學。」

「李家朗同學。」

「陳曉琳同學。」
.




.
.
「陳浩南同學。」

「林浩雪同學。」

呀，終於到我啦！

攞完卷之後，我望一望分數，





94/100

我就唔信曉琳可以高分過我！

「浩雪，你幾多分呀？」曉琳問。

「OK啦，94分囉！」我答。

「哇！咁高？」曉琳驚訝地説。





哇哈哈，即係我高分過佢啦！

「好彩我高分過你啫！」曉琳説。

咩話？

我即刻搶佐佢份卷嚟睇。

94.5/100

屌......有冇咁戲劇性呀？

「超，0.5分啫！」我口硬地説。

「我都係高分過你呀，吹咩？」曉琳邊説邊吐出舌頭。





可惡呀.......我居然駁唔到佢......

「好啦各位同學，而家出嚟攞數學卷啦！」Miss.Wong説。

「數學科係我既強項！一定可以高分過你！」我對曉琳説。

「睇下點？」曉琳得戚地説。

49/50

今次贏啦！

「我有49分呀？你呢？」我笑説。





「sorry ar，我滿分呀。」曉琳笑説。

我即刻搶佐佢份卷。

50/50

無懈可擊既答案。

跟住派既5份卷，我都低過曉琳，雖然只係一兩分，對於我嚟講已經輸得好慘......

「點解會咁㗎......」我歎道。

「哈哈哈，想赢我？下世先啦！」曉琳得戚地笑説。

佢塊面已經冇之前咁紅，應該係因為自己贏佐之後開始冇咁緊張。





「我要求重賽！考試果陣嚟多次！」我説。

「下？乜你咁㗎......」曉琳無奈地説。

「我係咁㗎啦，我係咁厚面皮㗎啦！」我無賴地説。

「唉......怕佐你，重賽咪重賽囉。不過你十七日之後要開始陪我温書啦喎。」曉琳説。

「下？點解呀？」我問。

「咩呀，十七日之後咪係考試前一個月囉。」曉琳説。

「WHAT THE FUCK?咁快？」我説。





佢震佐一下，然後好嬲咁講：「唔準講粗口呀！」

OK FINE,YOU WIN.

「唔講咪唔講囉。」我説。

「咁咪乖囉！」曉琳又轉佐個語氣同我講野。

曉琳係咪有人格分裂......

不過好似所有女人都係咁......

女人心，海底針......

不過成績表仲未派得，我問Miss.Wong點解，佢話未出。

未出？你都講得出全班有兩個人全级頭五，但係成績表未出？

玩鳩我咩而家？

算，我忍！

之後既日子，我都仲係同曉琳有講有笑，打情罵俏？

全班都冇乜人對我同埋曉琳指指點點，可能因為我成績好好，除佐一啲所謂既「有米仔」。

由於我喺學校扮窮，班自認為「有米仔」既同學就標籤佐我為「死窮撚」。

雖然我係有啲嬲，但係我要忍住，我點都唔可以同佢地講：「我身家幾十億，咁我仲係咪死窮撚呀？」㗎嘛！

其實仲有最重要既一樣野，我根本冇同曉琳拍拖......

如果要講我地既關係，可以話係高級朋友囉。

一個禮拜之後，成績表終於派返俾我地啦！

雖然已經知道自己輸佐俾曉琳，但係都想知道自己既名次，收到之後，睇佐一睇，

班名次：2/36

唉，仲唸住有奇迹出現......

級名次：4/180

嗯.....OK啦，都有第4。

「曉琳，你全級第幾呀？」我問。

「第3呀，你呢？」曉琳説。

「第4呀，低你1名。」我説。

「考試加油啦！」曉琳説。

「考試一定贏你！」我説。

「睇下點！」曉琳説。

-------------------------------
支持呢篇文既人，
可以留言發表自己既意見架！