女神話我考試排名高過佢 就滿足我一個願望: 第六章----雪彤的反應

返到屋企之後，雪彤就衝佐過嚟。

「浩雪，今年我全級排第6呀，你呢？又一百幾名呀？」雪彤語帶恥笑。

頂......咁睇小我？等我串返你先！

「乜你咁睇小我㗎？我今年全級第4呀！」我説。

「下？我唔信！攞你份成績表出嚟！」雪彤不服氣地説。





我俾佐份成績表佢睇，佢好驚訝咁望住我份成績表。

「冇......冇可能㗎！」雪彤説。

哈哈哈，雖然贏唔到曉琳，但係我贏佐雪彤呀！

算係少少安慰啦！

「點會冇可能呀？你呀哥咁勁！」我説。





「唔會㗎，明明浩雪上年只係一個廢青，淨係識打機，又唔幫手做家務，又唔識整野食，功課又係我幫佢做，乜都要我幫手，佢冇可能咁勁㗎......」雪彤將心底話全部細細聲咁講哂出嚟。

「喂，我聽到㗎！」我好嬲咁講。

佢無理到我，繼續喺到自言自語，不過今次我聽唔到佢講乜。

頂，雪彤係咪癲佐呀？

咁又係既，無端端俾一個廢青，呀唔係，俾一個隱藏實力既人超越，係我都會癲啦！





過佐幾分鐘之後，雪彤終於冷静佐落嚟，仲笑笑口咁同我講：「浩雪，你真係好叻呀！我煮好飯㗎啦，炒埋啲餸就食得啦，快啲去沖涼啦！」

媽呀！呢個雪彤好恐怖呀！

我唔敢遺抗佢既命令，快快手沖完涼出嚟食野。

雖然雪彤表面冷静佐落嚟，但係心入面一定好唔冷静！

因為啲餸全部難食佐十倍，雪彤仲要叫我全部食哂......

排名高過佢啫，唔使咁嬲既......

食完之後，我入返房同曉琳whatsapp。

我：今日我呀妹知道我UT排名高過佢之後，即刻癲哂咁，啲餸又整得勁難食......





曉琳：哈哈抵死！

曉琳：等等先。

曉琳：你有呀妹？仲要同一間學校同一級？

Oh shit，衰多口，向曉琳透露出我有呀妹呢個事實。

我：唔係呀，我左手傳音入密俾我個腦呀哈哈。

我已經語無論次啦！

曉琳：你玩我呀？同我講真話！





我：如果你中四果陣仲想知既話，我就同你講啦！

曉琳：點解要等到中四呀？我而家想知呀！

我：呢個係高度機密，現階段不可透露。

曉琳：你咪唔好講囉！

唉，好似得罪佐曉琳添。

我冇覆佢，應該話唔敢覆佢。

我熄佐燈，瞓着佐。

第二朝起身，雪彤已經返佐學，飯枱上面擺住一碟西式早餐。





味道已經正常返，睇嚟佢已經下佐淡氣。

返到班房之後，曉琳即刻問：「究竟你呀妹係邊個呀？」

「都話中四先講到，你點迫我都唔會講㗎啦！」我説。

「唉，好啦咁，中四一定要話我知呀！」曉琳説。

「得啦得啦！」我説。

「算你啦！」曉琳説。

跟住呢一個月都係返學，同曉琳傾計同埋放學，不斷循環。





音樂堂果陣，我地既音樂老師Miss.Pang説：「各位同學，上學期考試將會以二人一組既形式進行，一組揀一首歌出嚟唱，首歌要係純音樂版本，男女可以一組，有冇問題？」

呢個時候，我見到曉琳向我打佐個眼色。

咦？唔通曉琳揾我一組？

「喂你見唔見到呀，女神向我打眼色呀，佢揾我同佢一組呀！」前面一位男同學説。

「收皮啦！佢係向住我打㗎！」前面另一位男同學説。

成班白痴仔，曉琳係向住我打㗎！

落堂之後，曉琳問我：「我地到時唱咩歌呀？」

屌......要問唔該你細聲啲啦，全班男同學啤住我呀！

「點解女神會同個死窮撚一組㗎？」有啲人唔服氣咁自問。

曉琳開始留意到啲目光，塊面即刻紅哂。

「快啲上去啦！」曉琳拖着我的手説。

屌.....做乜拖住我隻手呀，我又進一步受到鄙視.....

雖然佢隻手好滑。

「咁我地唱咩歌呀？」曉琳問。

我腦入面浮現佐「羅生門」呢首歌。

呢首歌得喎，曉琳又唱到女音。

「嗯......就羅生門啦！」我説。

「好呀！我好鐘意呢首歌㗎！」曉琳激動地説。

咦？原來曉琳都鐘意聽麥浚龍既歌㗎？識貨喎！

「咁就呢首啦！」我説。