《廿一歲個年，我成為左隱世富豪》－大結局: 第四十三章：危險
今晚欣婷就好口福啦，可以試到我煮既野食，正當我預備緊啲餸既時後，欣婷突然打比我。
「喂，你係邊啊？唔係黎接我咩？」係喎，大鑊，凈係掛住煮餸，唔記得接佢添。
「我黎緊，塞車！」呢個係我對欣婷講既第一個大話。
「好啦，我等你啦。」
我立即衝出去，上車就去醫院。
「呼，唔好意思啊，頭先真係好塞車。」
「係咩，我見頭先成條街都無車喎...」我吞左啖口水。
「你係咪呃我啊。」
「其實我係屋企掛住煮野食比你，先唔記得時間...」
「算你啦，見你煮野食比我，下次唔準再呃我。」
「好啦。」
「阿哥？」
「呢個，就係你新女朋友？」
「係啊，佢叫欣婷。」
「Hi，秋婷啊，大家都有個婷字喎。」
「哈，你個妹都幾得意喎。」
「對得佢耐啲就覺得煩。」其實阿妹佢一啲都唔煩，我亦好錫佢。
「哎呀，你係人哋面前咁話我！」
「行啦，你隨便坐啦。」
「嗯，有錢人屋企果然唔同，真係好豪華。」
「係咪好似電視劇個啲豪宅咁呢。」阿妹問欣婷。
「係啊。」
「聽講你做醫生架喎。」
「咁你一定好好人，又有愛心。」其實醫生可能先係最冷血既人，不斷見到人既生老病死，一切都已經司空見慣。
「我都想做醫生架，唔知要點先可以做醫生架？」原來阿妹佢夢想係做醫生，我都唔知添...
「咁我話你知啦，其實做醫生呢...」趁佢地傾計，我返入去廚房煮埋啲餸佢。
「哇，好似好好味咁喎。」欣婷入到廚房就流晒口水咁。
「你出返去先啦，我未煮完啊。」
「好香啊。」
「你地唔係傾緊計咩？」
「係啊，不過好似有人打電話比佢。」
「哦...」
「邊個黎架？」
「無睇清楚喎，不過個名好似係有個月字。」月？唔通係奇月？雖然奇月將我踢左出黎，但係我都無叫阿妹同佢分手，希望阿妹可以藉此成長，唔好咁容易信人。
「做咩？」
「無。」
「不如我幫你煮啊，你都攰啦。」
「唔使啦，你揸手術刀就得啫，菜刀你都得？」
「睇少我？」
「好，你黎。」
「咁你坐低啦。」
「嗯。」
我無坐低，一直係佢後面望住佢，好鍾意望住自己愛既人係到煮野食，好認真，好有。
「個背影好靚...」
「咩話？」
「無，我話你切完就話比我知啦。」我偷偷將佢煮野食既背影影低，好靚，根本就係賢妻。
「做咩啊？」我行過去從背後攬住佢，欣婷都放低左把刀，好溫柔咁對我講。「我愛你。」
「我都愛你。」
「哎呀，好癡纏噢...」又係呢個阿妹...
「做咩啊，我係咪阻住你地？咁我出返去先啦。」
「企係到。」當佢想走既時候，我立即叫停佢，佢個樣好似好驚咁。
「幫手攞啲餸出去。」
「係既...」
「哈，好惡喎，呢個阿哥。」
「對你好咪得囉。」
我地輕輕錫左對方個嘴一下就出返去。
「你個仔，我地隨時可以將佢消滅。」
「但係如果你想同佢重聚，我地都唔會阻止你。」
「你既選擇係咩？」
「我...」空化集團既秘密武器就係「雨彈」，人造雨，每一滴雨可能係毒針，有炸藥成分既雨，腐蝕性液體，中左邊樣，隨時都會無命。
「對唔住，為左和平，我犧牲一切，都唔會將個樣野比你。」
「捉佢個仔返去。」
「係。」陳希即刻皺一皺眉。
「要捉就捉我，點解要搞誠翔。」
「捉左你有咩好處？捉左你個仔，不斷羞辱佢，鞭佢，剝佢手手腳腳，睇下你到時肯唔肯將武器比我地。」
「最多，同歸於盡。」Dennis聽完之後，呆左一呆。
「你唔係主張和平架咩？而家又想同歸於盡？」
「人黎，封住個門口。」
「係！」
「我地今日特登只係帶左五個保鏢黎，表示誠意，但係而家你就封住個門口，咩意思。」
「呢到就係雨彈，如果你地其中一個肯飲左佢既話，我就將武器比你地。」
陳希將一個銀色既密碼箱攞出黎，然後打開，見到一支試管裡面係透明既液體，就咁睇真係唔知傷害性咁大。
「我地唔會飲。」奇月話。
「好，開門。」
「麻煩你地離開。」
「你小心啲，我地一定唔會放過你。」
陳希只係點點頭咁目送佢地離開。
「即刻同我揾誠翔係邊！」
「係。」
「嗯，好飽啊。」
「估唔到誠翔煮野都會咁好味喎。」
「你就幸福啦，可以成日食到誠翔煮既野食。」阿妹同欣婷講。
「我？點解會成日食到既？」
「你係到住咪得囉。」
「喂，又黎，成日亂講野。」搞到欣婷有啲怕羞。
「其實我無所謂架...」
「聽到未啊，人哋都話無所謂，咁你幾時過黎住？」
「下？我...」
「夠啦，阿妹你入去切啲生果出黎。」
「哦...」
「我個阿妹係咁，成日都亂講野，你唔會介意架呵？」
「點會呢，我又唔係個啲唔玩得既人。」
「咁如果要你過黎住呢...」其實我個心都係想同欣婷一齊住。
「無所謂啊，幾時都得，呢到返醫院又近，又有人煮野食，又可以每一秒都見到我既愛人，最緊要都係要有人幫我搬囉...」明明呢到返醫院仲遠左，呢個欣婷真係傻。
「好，咁你今晚就過黎住啦。」
「今晚？」
「你唔係話幾時都得咩？」
「好啦，我地過多陣就去啦。」
「知唔知誠翔係邊？」
「已經入侵晒所有路邊閉路電視，監測器。」
「呢個，係咪佢？」
「係！即刻揾人過去捉住佢。」
「但係，佢好似同緊女朋友一齊。」
「唔使理，凈係捉王誠翔一個就得。」
「係。」
「好耐無搭過丁丁啦。」難得烽火聯盟仲願意將丁丁留低，唯一被停駛既，就係港鐵，港鐵已經變晒做停屍間，下面全部都係經過殺戮既屍體。
「哈，係啊。」
「落車啦。」
「嗯。」
「就係佢，捉住佢！」
「你地做咩啊！放開我！」
「誠翔！放開佢啊。」
「你走啊，欣婷，即刻返屋企！」
「唔可以...」欣婷已經哭成淚人，只能夠親眼目睹自己男朋友被捉走。
「你走，當咩事都無發生過！」
「上車！」
欣婷立即打電話比秋婷，但係秋婷並無聽電話。
因為，秋婷亦已經被人捉走。
「誠翔...你係邊啊！」周圍都無人，欣婷只係同緊空氣呼叫，無人能夠救佢。
「叮！」欣婷電話收到一個信息。
「打比呢兩個人，佢地會幫你。」係誠翔既信息。
欣婷立即打比其中一個電話號碼。
「喂！係咪阿天？」
「我係...你係？」
「我係欣婷，誠翔既女朋友，佢比人捉走左，佢話打比你地其中一個就可以救返佢出黎。」
「比人捉左？」
「係啊，唔該你啊，用盡一切方法都要救返誠翔。」
「嗯，你而家係邊？我過黎揾你。」
「我係...」（故事即將進入尾聲，情節亦會越黎越緊湊，所以希望大家投票，將你想要既結局話比我知，又或者可以揀Happy Ending定係Sad End）（投票將會係一月十號截至）