《廿一歲個年，我成為左隱世富豪》－大結局: 第四十四章：拯救
「你而家係邊，我過黎揾你。」
「我係北角...」
好快，就有架黑色寶馬黎左。
「上車。」
「你就係欣婷？」阿天望住倒後鏡講。
「嗯。」
「知唔知個班咩人，又或者見唔見到佢地既樣？」
「無，見唔到，佢地全部都著住黑色衫，黑帽同埋口罩。」
「得，我點都幫你揾返黎。」
「你話打比其中一個電話號碼，咁另外個個係邊個？」
「嗱，個名係欣翹。」
「哦...」誠翔都醒目，知道烽火聯盟入面邊個幫緊佢，邊個害緊佢。
「你地係烽火聯盟既人？」
「係...」
「嗯...」
「你地係咪好討厭我地？」阿天竟然問出咁既問題。
「下！唔係...」
「真心個句呢？」
「其實，你試下有一日唔做烽火聯盟既人就會明白。」
阿天再無回答佢，只係繼續專心咁揸車。
「你地跟住落黎會點？」呢句野嚇一嚇阿天。
「我地？唉，我地跟住落黎會消滅香港...」
「消滅香港...屠城？」
「類似。」
「你地捨得咩？」
「對於我地，無咩捨得唔捨得，完成一切任務先係我地眼前既目標。」
「就係因為誠翔有情有義，先會比人踢出黎？」
「係...咁樣令到傾向暴力政治個邊惡化，最後決定屠城。」
「點解要屠城。」
「算啦，你知道太多對你唔好，我地專注救返誠翔啦。」
「點解啊！你唔愛我啦？」穎心係到痛苦，樣子非常難受。
「唔係啊，你聽我解釋啦。」穎心一下就撥開阿明隻手。
「既然你都同左佢一齊，我地亦無謂再見啦！」穎心將訂婚戒指狠狠咁掉左落地下，然後離開。
「我...係咪好衰？」藍心問阿明。
「傻妹，呢個係我既選擇，唔關你事，最緊要，我愛既係你。」
「嗯。」
趁藍心行前，阿明執返起訂婚戒指，擺返係口袋到。
「喂？」
「去我公司，誠翔比人捉左，我懷疑係Dennis佢地做。」
「OK。」
「我地而家去邊？」
「去我公司，個到我諗有野可以幫我地揾返誠翔。」
「佢係？」
「誠翔女朋友。」欣婷沉左一沉，望住欣婷。
「我叫欣婷。」
「得啦，我地開始啦。」
「誠翔係邊到比人捉走？」
「北角。」
「我知道Dennis佢地去左揾空化集團既主席，仲話係誠翔失散多年既阿媽。」
「竟然...」
「唔通佢地想攞誠翔威脅空化集團，將最終既武器交出黎？」
「有咁既可能。」
「但係我地只能夠暗中行事，因為我地絕對唔夠佢地玩。」
「趁而家係夜晚，出發。」
「好，攞齊裝備，欣婷，你係到等消息。」
「好。」
「如果你唔係鍾意誠翔，你會唔會救佢。」
「你講咩。」
「你唔係鍾意誠翔咩？」
「痴線。」
「唔好呃我啦，係人都睇得出。」
「真係...?」
「其實我只係欣賞佢，無話咩鍾唔鍾意。」
「哈，OK。」
「你知唔知佢地會將誠翔綁係邊？」
「而家揾緊路邊監測器，希望睇到。」
「欣翹，睇下。」電腦熒幕的確見到誠翔被綁架既一幕。
「見唔見到跟住去邊？」
「去左西貢方向行。」
「唔通係西貢屠宰場？」
「係，得個到有地方！」
「好。」
「王誠翔，好耐無見啦喎。」Dennis一盤冰水淋落誠翔到。
「呸！」
「哈，你以為自己仲係有權勢，地位既人？」
「我從來都無諗過。」
「哈，平時你都玩得人多，你係呢啲密室裡面殺左幾多人？講！」
「我唔知」
「唔知？！就係因為你殺左太多人先會唔知！」
「我而家就比你嘗試下比人虐待既滋味！」
「啊！！」Dennis誠翔既尾指砍左落黎。
「幫佢打嗎啡。」
「係。」
「你殺左我，你都唔會統治到呢個世界！」
「你錯啦，我根本無諗過統治呢個世界，我只係想毀滅呢個世界。」
「點解你會變成咁...唔係，你根本就係咁。」
「你講咩話？」
「記唔記得Joyce？」
「Joyce？點解你知道呢個人？」
「因為，我曾經係你中學同學。」
「咩話？我中學生涯根本就未遇過你。」
「唔緊要，我遇過你咪得，仲記得，你好鍾意Joyce架喎。」
「你...！」
「點解你會知道！」
「如果你屠城，咁Joyce咪好慘囉，你又唔可以救佢出黎。你試諗下，佢比人炸到粉身碎骨，比人打到半死，趴左係到，捉住你褲腳，要你救佢，咁你點啊？」
「你收聲！」
「嘭！」
奇月一槍打落我大髀到。
「Dennis，你走先，唔好比佢擾亂你。」
「嗯。」
「你對付到Dennis，但係對付唔到我。」
「你睇下。」係我身邊既已一塊黑幕突然拉下。
「欣婷！」
「哈，無錯，係你最愛既細妹。」
「你班賤人，點解要搞我阿妹！」
「無辦法，邊個叫你家母咁固執。」
「阿媽？...」
「哈，係啊，你失散多年既母親啊。」
「你地想點！」
「嘭！」一刻間，全場變黑，毒氣彈亦同時掉入，欣翹同阿天分別衝入去將防毒面具幫誠翔兄妹戴上。
「走！」
「咳咳！」奇月訓左係地下，毒氣雖然無長期傷害性，但係可以將人淚腺放大，呼吸困難。而離開左既Dennis完全唔知到誠翔已經比人救走。
「呼！」
「上車，快！」上左架黑色七人車，迅速就離開現場。
「你地...」誠翔放低防毒面具，見到欣翹同阿天。
「睇下你個妹先啦。」
「阿妹！」
「咳咳！水...」秋婷佢面青口唇白，非常難受。
「水，呢到。」我將水慢慢倒入阿妹個口到。
「慢慢飲。」
「嗯...咳咳。」
「呼...」
「多謝你地。」
「傻啦，我地仲係拍檔。」哈，烽火聯盟都會衍生拍檔。
「你唔痛咩？」阿天指住我既傷口。
「佢地幫我打左嗎啡。」
「醫院應該將你黑名單左，又已經咁夜，邊個會救到你...」
「唔使啦，我女朋友係邊？佢係醫生。」
「哦...佢係我公司。」
「你公司安唔安全？」
「放心啦，佢係地庫，無密碼都入唔到去。」
「嗯。」
「你口唇都開始白啦。」
「快啲，綁住佢大腿！」欣翹除低頸巾，綁住我中槍附近既位置。
「唔該...」
「你隻手指...」
「算啦，比包紙巾黎。」我用晒啲紙巾，包住尾指。
雖然打左嗎啡，但係痛楚依然清楚，而且越黎越痛...（故事即將進入尾聲，情節亦會越黎越緊湊，所以希望大家投票，將你想要既結局話比我知，又或者可以揀Happy Ending定係Sad End）（投票將會係一月十號截至）