《廿一歲個年，我成為左隱世富豪》－大結局: 第三十二章：冷血
佔領左差唔多一個禮拜，我地烽火聯盟都唔想浪費時間，決定進一步攻擊香港。
「Oscar聽住，各區佔領人數達五十三萬，我要你分開唔同隊，分別攻破政府大樓，堵塞重要馬路，甚至將港鐵閘口封閉，機場，要令所有航班停飛，降落，所有碼頭都要有人駐守，明白？」Oscar係我地派既人，負責做指揮官，同埋管理佔領人士。
「所有行動統一係今晚十二點進行，我地聯盟會支援你地。」
「明白，武器用...？」
「所有前線市民用高壓水喉，後排用鐵棍，磚頭等做游擊。」
「記住攞盾牌。」
「知道。」
距離行動開始仲有四個鐘。
「阿天！」阿天既女祕書突然衝入會議室，係耳邊講左啲野。
「明白，我而家處理。」
「咩事？」我問道。
「Flyupon集團既應用程式被黑客攻擊，洩漏用戶資料。」
「咩話！」我地聽完都好震驚，因為計劃啟動左，我地每一間公司都要確保自己個個產品順利。
「我而家即刻返公司處理！」每一次開會，差唔多都會係天聲集團。
「我地黎幫手！」
「好，我想誠翔去一去我公司，其他人幫我處理洩漏既資料同埋反攻黑客，拜託大家！」
上左阿天架跑車，十秒都無，就衝左六個紅燈，睇黎真係好大件事。
「係呢，點解凈係叫我去你公司？」
「因為得你幫到我。」
「係咩事？」
「係空化集團既攻擊。」
「點解...明明尹樂已經加入聯盟，點會攻擊你地集團？」
「其實，佢老豆一直都搞緊我地集團，一開始，之所以有咁多人可以抵禦到應用程式既入侵，都係因為空化集團既阻擾。」
「你...同佢地有咩淵源？」
「我同過尹樂一齊。」
「下...」
「唔講住，落車先。」
上到辦公室，的確係開發應用程式既集團，電腦都多過人，仲比我厲害。
「你想我點幫你？」
「將所有洩漏既資料，更改為無人，未設立既資料。」
「而家？做呢樣野起碼要全日。」
「無辦法，我地公司啱啱研製左部超級電腦，你試下可唔可以盡快更改，同埋，聯絡國際聯盟同埋國家受影響既國家領導人。」
「你最後既目的都係想咁啫。」
「嗯...如果你唔願意既，我唔逼你。」
「放心啦，上次你同欣翹點幫我，我有眼見，今次我都會盡我力量幫你。」
「多謝你，咁我處理返我內部啲野先。」
「你好，花拉落奇總理？」我打既係西班牙總理既電話。
「你好，你係？」
「我係王誠翔，你知唔知道Flyupon既情況？」
「噢，知道啊，揾我有事？」
「係，想你幫忙。」
「哈，想我幫你解圍？對我有咩著數先。」
「你唔好唔記得，你同個個十四歲妹妹既相係我手上。」
「你...你而家威脅我？」
「係，一句，Yes定No。」
「你想我點幫？」
「叫你地國家電視台，新聞部，國家報紙將洩漏既資料更改為...」
「我會傳送比你，一個鐘之內。」
「無問題，咁你係咪會刪除張相？」
「事成後，我親自揾你。」
「好，一言為定。」
「早前宣布Flyupon發行既應用程式遭黑客入侵，導致客戶資料洩漏，經實屬後，係謠言，各國領導人，國家電視台等，亦譴責黑客所為，呼籲市民可以繼續安全使用應用程式。」
「做得好，誠翔。」
「咁空化集團個邊...？」
「我聯絡左尹樂，佢都話唔知情，不過已經終止左黑客攻擊。」
「但係相信佢老豆一定唔會咁容易就放棄。」
「頭先，你好似未講完。」
「其實，我為左利益，先同尹樂一齊。」
「個陣時，Flyupon就黎破產，資金耗盡，尹樂又係我中學同學，而且一直都鍾意我，咁我咪藉機扶助返Flyupon增長，直到可以自己維持返經濟，同埋成為全球頂尖研發應用程式集團後，我就同尹樂分手；佢老豆知道之後，即刻咬住我間公司唔放，不過，有樣野，我好唔好意思，就係尹樂，仲鍾意我。」
「原來係咁，放心啦，有咩事我都會幫手，到啦，落車啦。」
「多謝大家既幫忙，令到計劃可以繼續順利啟動...」
「唔好講咁多垃圾，坐低，隨時發動攻擊。」原來，時間仲有半個鐘就要攻擊香港，對於我黎講，的確有啲唔捨得，不過，我記得第一日烽火聯盟開會，講過既說話...
「每一個烽火聯盟既成員，係計劃預備，啟動既時候，都唔可以帶著感情，感情，只會妨礙我地做野；不論係你男朋友，女朋友，老豆，阿媽，邊個都好，計劃既對象就係人類，無一倖免，邊個私自救走親人，朋友，都要立即被踢除，明唔明白！」
「即使你係熒幕上見到你女朋友被坦克輾過，你都唔可以制止，唔可以喊，因為，一個統治世界既人，係無情，係唔需要感情！」
「發動攻擊！」
「Oscar，請你一直同我地聯繫，如果受到頑強抵抗，我地會派多啲人黎。」
如非必要，我都唔想派，因為個啲人，係我地一直係非洲訓練既特種兵，全部殺人唔眨眼，我希望，最後先用得著。
「上啊，我地攻向解放軍！」
解放軍果然係解放軍，反應都好快，十分鐘就出動，可惜，我地既人始終無子彈，利器，強勁既武器，唯有，我地聯盟幫下手。
「請市民放下武器，停止衝擊士兵，警方！」前排警察已經全部倒地，我地用鐵馬壓住佢地，然後衝過去解放軍到。
「高壓水槍，準備！」
「磚頭，汽油彈，準備！」因為太危險，而且實力差距太大，我地暫時唔派游擊隊。
「持槍的士兵們，舉槍！」純正既普通話高叫。
「射擊姿勢，預備！」
睇黎，血腥，槍林彈雨既畫面，都係避唔過。
「投射汽油彈！磚頭！」
「開槍！」
準備開槍既時候，好可惜，被我地制止左。
夜空突然被蒙蔽，馬路上有龐然大物走近戰場，就係投放水彈既直升機同水炮車。
「估唔到，誠翔你咁快忍唔住手喎。」
「哈，無辦法啦，計劃啟動之後，個人無乜血性。」
「大家睇下！需唔需要加派人手係銅鑼灣？」
銅鑼灣Sogo對開馬路，雙行線都出現左反恐小隊，每個人手上既都係荷槍實彈，無情既黑色防毒面罩遮蓋佢地準備展開殺戮既樣貌。
「特種兵，出動！」
「誠翔！」
「你確定？」藍心突然阻止我。
「特種兵，出動！」
「你咁做，只會令無辜既百姓受傷。」
「世界上，無無辜既人，只有無知既人。」
「出動五隊小隊，一架軍火直升機，三架水彈直升機，五架水炮車。」其實，一對小隊，已經可以將一個基地既士兵殺晒，五隊，好似有啲過分，不過，我都係保護市民，有咩唔啱？
望住藍心個樣，非常憂愁。
「你唔似佢地，佢地有屋企人，都要堅持計劃，你唔需要可憐班市民。」
「嗯...」藍心開始想喊，但係我都唔理得咁多，眼前既事為重。
（故事黎到一半，唔知大家覺得點呢，鍾意既可以留個言。）
（近排較忙，出故速度較慢。）