《廿一歲個年，我成為左隱世富豪》－大結局: 第三十一章：計劃啟動
「將會加入烽火聯盟既係...」究竟係邊個呢。
「係空化集團既劉尹樂。」
「我地一齊歡迎佢。」四個人既掌聲，迎接一個女仔加入烽火聯盟。
可惜，加入既唔係奇月。
「多謝大家投我一票。」
「今日黎到呢到，都係大家賞識我既能力，認為我能夠有機會成為支配世界既一人。」
「至於大家最緊張既，都係我地集團對大家既對抗。」
「我會取消一啲對抗咁多位公司既政策。」
「希望我地合作愉快，喜歡既叫我尹樂就可以啦。」
「好，咁如果無咩既話，我宣布，劉尹樂正式加入烽火聯盟，而我地網站亦會更新。」
「麻煩你去一去個邊，我地同你影張相。」
「好。」
我地要求佢帶住小丑面具影相，然後更改我地網站版面，即係比班美國黑客唔小心睇到既登入網站。
影完相，我地亦坐返埋去，其實呢個劉尹樂都幾靚，雖然個樣好似好成熟，而且好高，今日著左套黑色既緊身短裙加黑色高踭鞋，而且黑色電曲既長髮，都比人一種好神秘既感覺，個樣仲好似謝安琪...
「咁，既然五人再次齊全，我地就開始第一步既計劃。」
「就係先統治香港。」
「計劃係今個星期日啟動，尹樂你先唔需要參與，但係我地可能要求你盡一切能力協助我地。」
「好。」
好快就到左星期日，我地五人都預備得七七八八。
「係中環紅棉路有大批市民衝出馬路，阻塞交通，但現場仍未見有警方出現，造成大量汽車停滯不前。」
「係我地攝錄機影到，佢地係打住梁振英落台，要求真普選既旗號。」係2017年普選，梁振英成功連任，更係任期內更改憲法，表示每一個特首可以連任三期，今年佢再次表示想連任，惹起極大部分市民不滿。
「唉，來來去去都係個啲，打黎打去，你覺得邊面會贏？」我地係會議室，枱上全部都係同示威者聯絡既電腦，機器。
「如果我地幫手，贏面咪大啲。」
而家既情況，就係市民同警方僵持，但係市民既武器，依然係雨傘。
「我地派三架貨車落去。」
「好。」
貨車裡面，有木棍，鐵棍，防毒面具，水，食物等物資。
「叫佢地攞到物資之後，即刻發動攻勢。」
係熒幕上，見到我地既人同我地聯繫，答話。
「衝啊！」
大批戴上裝備既市民衝破警方防線，而前排既無裝備警方撤退。
同樣，我地好似第一次既佔領一樣，好似好成功咁，一切都好平靜。
但係，我地將會阻止警察既最後一步，驅散。
「記住，要先發製人。」係我腦海飄出呢一句，我亦知道下一步要做啲咩。
因為計劃已經啟動左，我地烽火聯盟每一日都要開會，集合。
而我地早前五個集團既產品，證實全部都可以進行攻擊，包括耳機，手機應用程式，VR系統，而Dennis公司既產品就係雨，無錯，係人造雨，當然最後最後有尹樂既空氣化武。所有產品已經達到一個無人能夠入侵，騷擾既境界，隨時發動，世界隨時就會大亂。
每一日咁過去，有時無咩必要我地都唔開會，因為佔領地方擴展到灣仔，金鐘，銅鑼灣，天后，中環，砲台山，旺角，油麻地，尖沙咀既漆咸道等等，而且武器，物資充裕，相信警察無長時間部署都唔會搞佢地。
「藍心，我地去食飯囉。」
「好啊，去邊到食？」
「無所謂啊，去旺角囉，趁下熱鬧。」
「好。」
「咪住，我地無得揸車喎。」
「唔緊要啦，搭地鐵咪得。」
「好啦。」
去到中環地鐵站，見到賣票機先知道自己原來無八達通。
「誠翔，你好似無八達通架喎。」
「唔緊要啦，我去買飛。」
「唔使啦，買張八達通啦，方便咁多。」
「嗯。」
「增值一萬。」
「下？」
「增值一萬。」
「唔好意思，我地最多都係增值一千蚊。」
「咁少，唉，求其啦，一千就一千啦。」
係出面既藍心，笑到已經卷埋一舊，乜真係咁好笑咩...
「笑死我啦，邊有人增值增一萬蚊架，你諗住當信用卡啊？」
「我唔知阿嘛，細個連八達通都無。」
「哈，行啦。」
落到去，根本就行都行唔到，加上六，七點既繁忙時間，又有人要去佔領，地鐵已經逼爆，我地等左三班車先上到，差啲搞到我窒息添。
「呼，有位坐喎，你坐唔坐？」
「唔啦，好快到。」
「咁我坐啦。」
「嗯。」
坐左一個站，我見到過婆婆入黎，諗住起身讓座既時候，點知...
「唉，而家啲後生仔，坐左關愛座又唔起身讓座，都唔知佢屋企人點教佢。」
「咪係囉，咩佔中啊，真普選，阻住個地球轉，人哋唔使搭車，唔使返工啊，一啲良心都無，嗱，個啲真係愛香港既人，就會出黎罵佢地啦，後生仔讀書都未讀好，學人搞革命？哈，省返啦。」我都忍住唔出聲啦，我笑住對住個婆婆，讓坐比佢，點解我地既思想可以差咁遠，而家已經係2021啦，仲以為自己係清朝？
「算啦，誠翔，公公婆婆覺得佢地為社會付出左好多，認為我地只係搞亂社會秩序，卻唔知道我地背後真正既目的。」
「無知，的確係好可悲，包括佔領緊既人，佢地唔知道我地利用緊，黎比我地五個人玩遊戲。」
落車既時候，我既怒氣已經差唔多熄滅晒，但係我見到一樣野，再次令我不滿。
「請乘客往呢條電梯到出口。」
「呢條係關愛電梯，先讓有需要人士乘搭。」
「唉，條電梯得個幾個人搭，啲阿婆阿公仲要搭我地呢條，真係搞笑。」
「誠翔，不如我地買起港鐵？」
「無咩興趣喎。」我地去左一間日本餐廳，都幾熱鬧。
「我想整死港鐵。」
「無問題，我聽日同你傾下，而家食野先啦。」
「嗯。」
食完野，我地行去佔領區視察下，都幾平靜，有人係到做功課，溫書，有人拍拖，有人訓覺，唔錯。令我最開心既，就係佢地差唔多每人都帶住我地烽火聯盟既產品，耳機，VR產品係到玩，用緊裝有黑客程式既應用程式。
一切都好順利。
「係呢，我地不如係到影張相啊。」
「好啊。」
我地係行人專用區，我地訓左係到，本身我都唔係幾願意，不過睇過人地影之後，發覺幾靚，就想試下。
「擺啲pose黎睇下啦。」
「誠翔，我地不如錫住影啊。」
「錫住...」我未講完，藍心已經錫左埋黎，我都未試過係咁多人面前錫，仲有人係到起哄話好靚，好sweet。
「影完啦，你地鍾意訓係地下錫就繼續啦，不過要收多啲錢。」
「哈哈。」
我扶起藍心，拖住佢去睇下啲相。
「好靚喎。」
「係呢，幾錢？」
「見你地咁甜蜜，收平啲，三十蚊。」
「嗱，三百蚊，唔使找。」
「多謝老細。」
「仲有，我想將你地呢張擺出黎比人睇，你地唔介意嗎？」
我望住藍心，佢個樣都無咩抗拒。
「好啊，無問題。」
「多謝晒，下次再黎過。」藍心聽到我咁講之後，笑得好甜，好燦爛。
「張相好靚。」
「係呢，張相擺係邊個屋企？」
「你發緊夢啊？你一直住係我屋企，唔擺係我屋企，擺係邊？」
「係喎，咁第時我返去呢？」
「你覺得我會比你返去咩？」
「咩意思喎...」
「即係要你永遠都同我住囉。」
我攬住藍心，再次係街道中心熱吻起黎，無視旁人既眼光。
電話一震，我先鬆開。
「你收到六張照片。」
「嗱，呢張送你既。」呢張就係我地啱啱企係路中心熱吻，比頭先個叔叔用電話影低。
「多謝你。」
「服務唔錯喎，唔單只有硬物相片，仲會send返比我地。」
「係囉，不如我地擺上IG啊。」IG？咩黎...
「咩係IG...」
「唔...一個好似Facebook既社交平台。」
「唉，好難同你就咁講，我地返屋企再整啦。」
「不過，有樣野可以而家搞。」
「咩黎？」
「就係set做wallpaper。」
「我識。」我立即將我地錫個張轉做wallpaper，藍心睇完之後都好開心。
「醒目喎，揀張咁靚。」
「嘻嘻，係人靚啫。」
我地拖手，上左私家車就離開；因為對於地鐵實在太討厭，我都係叫左私家車黎接我地返去。