《廿一歲個年，我成為左隱世富豪》－大結局: 第二十八章：乘客
「奇月，咁你有咩方法救返穎心？」
「我會派人去救佢，你地放心，但係而家既情況，恕我暫時未能掌握。」
「唔緊要，最緊要係救返佢出黎。」
「咁你地係到等消息啦，你地都唔好出去住，費事你地都比人捉埋，我出去搞埋啲野先，你地兩個係到等等。」
「好。」
「阿妹，果然有眼光，揾到個咁了得既男朋友。」
「嘻嘻，你都係啊。」
「呵，而家笑Venus姐姐啦？」
「點敢喎，驚你報串，阿哥會打死我。」
「有我保護你，佢點敢蛤你。」
「哈。」
凌晨十二點正。
「你而家可以離開啦。」
「唔該晒你地，我會履行我既承諾。」
「嗯。」
「凌晨一點半，由北京飛往中國 香港航班已經準備完畢，乘客可以往３６A登機口登機。」唉，每次聽到中國香港都好刺耳，明明就係一國兩制，但係就係2020年，被中國強制回收；雖然個心就想社會大亂，但係始終都係接受唔到自己由細長大既地方被破壞。
「你好，請問你係咪貴賓？」
「唔係。」
「請你係五分鐘後排隊，我地而家叫緊貴賓優先登機。」
「哦，唔好意思。」以為自己坐民航機都係貴賓添。
既然係咁，去方便下先。
「哎呀。」
「Sorry。」
「我幫你汁返啊。」
「唔該。」唔小心撞到個女仔，個樣好似香港人，而且都幾後生。
「咦，你都有睇呢本書架？」
「係啊，呢本書好少人睇架喎。」呢本書，叫挪威的森林，係好耐以前既一本書，但係而家卻無人會睇。
「我趕時間啊，有緣係香港見啦。」
「嗯。」
撞一撞，搞到去廁所既時間無埋，我都係去排隊算。
第一次坐民航機，感覺都幾新奇，不過一坐埋去就非常辛苦，對腳都唔知擺邊好，真係逼到爆。
「先生，可唔可以幫我擺一擺個行李？」
「咦，係你啊？」
「哈，咁啱既。」原來佢坐我隔黎，而我就係窗口位。
「等我黎。」
幫佢擺完行李，安頓所有野，我先清楚咁見到佢個樣。
矮矮地，有少少肉，不過對於呢啲可愛型既女仔都幾得意。對眼大大，都幾靚，可惜係短頭髮，唔係我鍾意個種，不過難得見到一個女仔襯啡色短頭髮係咁靚。
「係呢，如果我無認錯，你應該係新聞講個個總裁？」
「係。」
「點解你可以返香港既？」
「我要返去攞野，再返北京審案。」
「哦，其實單野真係你搞出黎？」
「你咁問，即係覺得我係清白架啦。」
「如果我覺得你係幕後黑手，我就唔會同你傾計啦。」
「同埋大陸點會比一個同恐怖組織合作既人上機？」講到啲咁敏感既話題，身邊既人即刻望過黎，我亦即刻望風景。
「無錯，其實我有證據指控另一個人有罪，佢地捉我，都係因為我係集團最大個個，要我負責。」
「真係奇怪。」
「算啦，大陸諗咩，我地香港人點會明白。」
「咁個個係邊個？」
「哈，恕我唔可以話你知啦。」
「算，我諗遲啲新聞會報導。」
「DQ689飛往中國 香港的航班即將起飛，請各位乘客扣上安全帶，請勿離開座位，直到紅燈熄滅。」
「飛往中國 香港需時為大約五小時三十二分鐘，香港天氣，陰天。」
飛機起飛，我同樣放空左自己，好享受飛機起飛既感覺。
「你好鍾意睇風景？」
「係架，成日都想周圍去，環遊世界，睇晒全世界既風景。」
「有錢人果然唔同...」係呢句說話到，我聞到酸味。
「唉，係香港做打工仔，每個月最多得果兩三萬，我有啲朋友仲得一，兩萬一個月。」
「真係唔知點樣買到樓，起碼要三十幾年咩都唔買，就買到一棟一千萬，但係得六百尺既樓，唉，我真係寧願攞啲錢周圍玩好過。」
原來，香港市民係咁辛酸，做左有錢人咁耐，已經再感受唔到。
「對唔住，可能你唔會明白。」
「我明，我從前係一個好窮好窮既人。」
「真係？」
「不過詳情就唔好講啦，有失身份。」
「明白。」
「係呢，你做咩職業架？」
「我打兩份工，一份係為自己打架。」
「一日裡面，有半日就做攝影記者，另外個半日就周圍去影響。」記者...？
「唔使驚喎，我唔係娛樂記者，更加唔係亂作野既記者，我應承你，今日我地講過，見過面都唔會話比人知。」
「好，我信你。」
「咁你平時做攝影記者個陣會影咩架？」
「我咩都影架喎，將人民既生活狀況，反映係一張相到，我之前係國際記者聯盟攞過獎架。」
「咁犀利？可唔可以比我睇下？」
「可以啊，嗱。」
相裡面，係天空，有兩排黑影飛過，形狀好似白鴿，但係又好似戰鬥機，而地上既人，有人拍手，有人影個天，唯獨一個係角落既小朋友係到喊。
「好似好深奧，不過幾靚。」
「靚都係其次，最重要都係張相既寓意，每個人都主張和平，但係佢地唔知呢個世界係走緊向和平，定係戰爭，無論點都好，市民都拍手讚好，而唯獨自己坐係到喊既個個小朋友，佢好清楚戰爭帶黎禍害，更加令到小朋友傷心既係，佢既父母，都係佢前面，為左唔知咩而係到拍手，歡呼。」
「你覺得世界好快就有戰爭？」
「係。」
「嗯...我諗每個人都有唔同既原因去理解戰爭既開始。」可惜，係不久將來，我就係個個發動戰爭既人。
「如果戰爭真係爆發，你會做咩？」
「我會做好我自己本分，攞住相機，將一切人性醜惡，善良都影低。」
「哈，世界上已經好少你呢啲咁黑白分明既人架啦。」
「我明白既，係商人世界，非黑即白，無人能夠站係中間既位置，如果係既話，佢應該一事無成。」
「醒目。」
「不過，非黑即白，就會好似我咁，一係就贏好多，一係就比人清袋。」
「做生意係有風險架啦，今次唔得，下次再黎過囉，相信王生你咁犀利，下次一定可以做得更風光既。」估唔到呢個同我差唔多年紀既女仔，會咁識諗野。
「哈，多謝你。」
「咦，你唔怕爆炸咩？」女仔戴上天聲集團既舊款耳機。
「如果爆炸既話，我都無所謂架，人一世，物一世，最多咪下世再黎過。」
哈，真係得意，咁樂觀既女仔都有既？