《廿一歲個年，我成為左隱世富豪》－大結局: 第二十七章：救星？
「唔好咁擔心啦，Venus姐姐，阿哥佢好命，唔會有事既。」
藍心佢返到屋企，依然為誠翔淚流不斷。
「我好擔心佢，好掛住佢，好驚佢會死啊。」
秋婷聽到之後，都哽咽左一下。
「Venus姐姐，不如，我帶你見一個人。」
「咩人？」
「我諗佢幫到我地。」
「好，你快啲帶我去見佢。」
「今日就係大家提出意見解救誠翔既日子，不如阿怡你講先？」
「下？我啊？」
「係啊，你開始先。」
「其實，我就覺得誠翔佢要負責返自己所做既野，我唔認同補救係正確既方法。」
「你咁講係咩意思。」阿天問阿怡。
「誠翔佢自己惹出黎既禍，應該自己處理返，而且係耳機製造過程，應該好小心，唔會比人放置炸藥，但係佢唔係，完全係佢既疏忽。」
「你咁樣，即係講風涼說話，唔表示救誠翔？」
「係，點解佢既唔小心，要我地去補救？」
「其實阿怡都講得有道理既。」Dennis開口附和。
「欣翹，你點睇？」
「根據烽火聯盟第一條盟約：係未啟動計劃前，五人皆為合作夥伴，不得傷害其他四人利益，聲譽，地位，生命。如犯此例，立即踢除聯盟。」
「大家都識字架，係咪？第一句已經講到明，我地為合作夥伴，點可以見死不救？」
「欣橋講得無錯，我認為始終都係要救返誠翔。」
「咁...好。」
「既然係咁，就等我建議下啦，首先...」
「你帶我去邊？見邊個啊？」
「唔好話比阿哥知，我帶你去見我男朋友。」
「下，秋婷你都有男朋友啦？大個女啦喎。」
「靚唔靚仔架，有無你阿哥咁犀利先。」
「Venus姐姐啊，我認真架，帶你去見佢，就知道架啦。」
「乜你唔係鍾意誠翔個保鏢架咩？」
「覺得年齡上有啲差距，同埋我男朋友醒目好多。」
「哈。」
「咦，你阿哥傳信息比我。」
「藍心，放心啦，我會安全返黎，你要好好照顧阿妹。我愛你。」
「知道啦，我都愛你。」
「阿妹而家都唔使我照顧啦，都有男朋友，係咪先。」
「唔好再笑我啦，Venus姐姐。」
「你好，我地係國際聯盟檢察官，我地而家將會釋放你，但係你今日未可以返香港住，我地如果揾到任何證據，將會指控...」
「多謝你受苦，同埋我地為你失去總裁一職道歉。」
「唔緊要，最緊要將犯人捉到。」
「咁，王生你今晚就係到訓架啦喎。」
「無問題。」
國際聯盟肯放我，唔單只係因為錢，仲有我話過我會係一個月之內揾到真正既兇手，佢地都答應左，放我走，撤銷控罪。
「Joyce，唔好意思啊，無辦法聘請你。」
「唔緊要，你都唔想既，唯有等你捲土從來既時候，再請我做野啦。」
「好。」
「Chole，啲證據齊唔齊全？」
「我想等多陣，只怕少少證據唔能夠將白陸同阿怡置於死地。」
「好，咁麻煩晒你。」
係電腦房裡面，Chole處理緊阿怡，白陸同恐怖組織ISIS合作既證據。
包括佢地電話通訊記錄，信息聯繫，會面，合約，利益輸送，炸藥等等，全部都被Chole處理緊。
無錯，Chole就係我真正既臥底，之前所做既一切都係一場戲，扮既都係扮比白陸同阿怡睇，等佢地完全相信Chole，加上我苦肉計，令到自己好慘，失去所有野，都係我意料之內。
「Chole，月尾我要發動第二次襲擊，將王誠翔一鋪清袋。」
「知道，你要我準備啲咩。」
「我要你謠傳消息，話王誠翔一早就係舊款耳機放置更多炸藥，要係國際聯盟抽樣檢查之前，將消息散發出去，而我就會不斷叫人製造有炸藥既舊款耳機，再擺係各國既市場。」
「好。」
「你唔怕，有人監視住我地？」
「我會用我恆金集團既製造廠，同恐怖組織合謀。」
「知道。」
「所以你做既野好簡單，呢到係你上次應得既報酬。」
「多謝。」Chole接上支票，係阿怡離開既時候，將支票放入證據箱到，證據箱會立即將實物，影片，錄音等等傳送到去誠翔既公司，所以，即使Chole呢個證據箱被破壞，都係無阻證據既存在。
「佢就係你男朋友？」
「你好，我叫奇月，係銀河集團既副總裁。」銀河集團？咪咩都玩既公司？
「幸會，幸會。」
「今次秋婷帶你黎，係咪想揾我幫誠翔？」
「無錯，秋婷話你有方法救到佢。」
「其實唔需要，誠翔一早同我講左，佢會係聽日返黎香港，而且唔會被判罰。」
「下，點解既？」呢句野，係秋婷問。
「可能佢無同你地講啦，但係我知道Chole幫佢打脫緊個罪名，而家應該無事。」
「而今日黎，相信都係秋婷你安排，合約呢？」
「係到。」
「咁佢親身黎唔到，唯有佢既女朋友加秘書代佢簽名啦，秋婷你做見證人。」
「知道。」
「份合約係？」
「我誠邀佢加入我地集團，等一切過去，希望佢能夠返去天聲集團。」
「即係你地集團肯收留佢？」
「係，都可以咁講既，不過就無副總裁既位置比佢做，只能夠係分國總經理。」
「好，我會幫佢簽呢份合同。」
合約上面既野都好合理，而且誠翔咁多錢，薪金從來都唔係佢考慮範圍，而佢入左去銀河集團，就會成為中國既分國總經理。
「多謝你，係呢個時候，都肯比機會誠翔。」
「傻啦，我同佢係朋友，何況佢係秋婷個阿哥。」
「多謝你兩個，揾人我一定會好好報答你地。」
「唔使啦。」
「我會自動得到應有既報酬架啦。」自動得到應有既報酬？咁得意既佢講野。
「你地兩個唔好走住，有人跟踪你地。」
「下？」我地係銀河集團既總部，估唔到有人會跟踪我地。
「有兩個殺手跟踪你地，我會打發佢地走，相信穎心都係比呢班人捉走。」
「咩話？原來穎心比人捉左。」
「點解你會知道既？」
「我一直都好留意烽火聯盟既野。」
「你都知道烽火聯盟既存在？」
「當然，就係因為咁，我先識誠翔。」究竟佢地咩關係？