《廿一歲個年，我成為左隱世富豪》－大結局: 第二十六章：失去
我即刻換左套西裝，衝過去叫藍心起身。
「藍心，起身啦，有急事。」
「咩事？」藍心警覺性都好強，唔會訓係張床到，而係即刻去換衫。
「我以最簡短既語言同你講，阿怡，佢係我新款耳機上放置左炸藥，報導指我地同ISIS合作，係有預謀咁造成耳機爆炸，但係我未睇到咩死傷報告，返到公司應該有。」
「咁大鑊？我地快啲行啦。」
「藍心，記住帶部電腦上車，幫我覆一覆啲人。」
「知道。」
藍心換完衫，我地就即刻衝出去，往公司出發。
「前面有記者，我兜去後面，幫我叫保鏢同保安。」
「知道。」
「咦，總裁好似兜左去後門喎。」一大群等候已久既記者衝過去後門，保安亦做到野，將佢地隔住，我唔會係我咩都唔知既情況下同市民交代。
「點解總裁唔同我地解釋既？」
「係咪真係同恐怖組織合作啊？」
「有無人同我地市民交代下啊？」
「同佢地講，一個鐘後開記者會。」
「知道。」
「誠翔，立即入我房。」
「我入去先，你揾埋穎心幫你睇下所有關於我地既新聞報導。」
「穎心？佢今日無返公司喎。」係喎，佢好似連我個信息都無睇到。
「唔緊要，我揾人幫你。」
「好。」
「阿仔！你搞咩啊！！」即使我老豆幾大聲咁喝我，我都係一面冷靜。
「我咩都無做過，你點講都好，清者自清。」
「無？而家個個矛頭都指向你，你有得抵賴咩？」
「同你講野真係好辛苦，毫無道理可言，你就係因為外界消息而斷定我就係兇手？」
「你個次搞傷白陸我都算，但係今次你搞到公司咁樣，我真係忍受唔到。」
「我會將你係天聲集團既總裁職位革除，暫時由白陸代任。」
「咩話！」
「我無你啲咁既老豆，信個外人都唔信自己個仔，你贏晒啦，得未！」
返到辦公室，藍心依然好努力咁睇緊資料，但係，我已經再唔係咩總裁。
「誠翔，你無比你阿爸罵嘛？」
「我再唔係天聲集團既總裁，將會係白陸代任。」
「點解啊，點解你阿爸咁對你？」
「我都唔知。」
「唔緊要啦，等陣你想講咩就講咩啦，我知道你係清白既，將你心中最想講既都講出黎就得啦。」
「嗯。」
我預備左一陣講稿，但係都係放棄左，選擇提早開記者會。
「歡迎大家黎到記者招待會，我係王誠翔先生。」
「今日叫大家黎，係想同大家，全球市民講清楚，作為天聲集團總裁，我從來無同任何恐怖組織有合作，聯繫等等；我地集團聲譽一向良好，國際地位亦好高，我再次澄清，我地天聲集團從來無同任何恐怖組織有聯繫，如果事情屬實，我地將會嚴懲。」
「而耳機爆炸導致咁多傷亡，我地深感抱歉，並會為死傷者作出最大既賠償。」
「咦，總裁你咁講，即係代表公司上下可能有人同恐怖組織有聯繫啦。」
「我只能夠講唔排除。」
「係咪射波比啲下屬，等自己甩難啊？」
「我唔知咩係射波，但係如果我真係有做到既話，我一定會負上最大責任。」
「點解耳機比人放左炸藥都唔知既？係咪檢查不足，定係國產野信唔過？」
「世界上好多野都係由中國大陸製造，包括大家用緊既日常用品，食物等等，都係大陸製造。」
「今日既記者招待會到此完結，多謝大家黎臨。」
「咪行住。」
「你已經唔係天聲集團既總裁。」
「下，到底咩事呢請問？」記者開口問道。
「佢已經被革除職位，而我白陸，就會暫代佢既職位，直到揾到新人選。」
「點解王誠翔先生頭先無講到既？係咪掩飾自己已經被炒？」
「咁你頭先講既野咪已經無晒公信力囉，被人抄係咪因為真係同恐怖組織聯繫？」
「我無可奉告。」
「就等我話比大家知道。」
「無錯，佢就係幕後黑手，控制所有野，包括叫恐怖組織ISIS去放置炸藥落啲耳機到。」
「阻阻大家，唔好意思，我地係國際聯盟警察，請問邊位係王誠翔先生？」
「我係。」我慢慢走到人群前。
「你好，我係國際聯盟高級督察，我地而家正式拘捕你，懷疑你同恐怖組織策動以及發動恐怖襲擊，與恐怖組織有利益輸送，以及其公司產品導致大量傷亡，你需要被帶去中國。」無錯，中國已經成為左國際聯盟警察總部，係咪好可笑？
「無問題。」
「你將會係今晚被押到去北京，只能夠帶衫，日常用品，其他電子產品一律唔準帶。」
「而且，我地正式宣布，要求天聲集團停止製造，售賣以及會必須回收所有新型號耳機，而且我地會對所有舊款耳機進行抽樣檢查。」
「明白。」
「麻煩晒。」
望住遠處仍然站立既藍心，已經淚流滿面，我個心都好痛，對唔住，藍心，無辦法保護你。
「哈，太好睇啦，係時候揾機會捉埋佢另一個秘書。」
「知道。」
「特別新聞報導，今日，天聲集團總裁被捕，因為懷疑與恐怖組織策劃以及發動恐怖襲擊既罪名，被國際聯盟警察押到北京既總部，而其職位亦立即被革除，由白陸先生代替。」
係黑房裡面，有四個人。
「睇黎，我地烽火聯盟咁就少左個對手。」Dennis講到。
「喂，係未啟動計劃之前，我地四個都係聯盟，都係合作夥伴。」
「對唔住。」
「咁即係話，我地要補救返件事？」
「無錯，我相信誠翔佢唔會咁白痴，搞到自己咁既地步。」阿天講到。
「嗯，我地聽日每人交一個計劃書，提下有咩辦法救佢。」
「好。」
「同埋要將真正搞呢單野既人揾出黎。」
好可惜，搞呢單野既人就係烽火聯盟其中既一個人。
「喂，欣橋？」
「做咩打比我？」
「你覺唔覺得，誠翔件事，無咁簡單。」
「的確唔簡單啊。」
「唔係，我係指...」
「你想話，係我地四個人當中，有人係幕後黑手？」
「而且你既然揾得我，就認為我唔係啦。」
「甚至你就係個幕後黑手，係到扮揾兇手。」
「講笑啫，咁你覺得係邊個？」
「嗱，我純粹覺得架咋，我覺得係阿怡。」
「其實，我都覺得係，頭先成程，佢地皺晒眉頭，仲無咩講野，我地話提議幫誠翔既時候，佢即刻成個人變得好緊張。」
「好，既然我地都咁覺得，唯有我地兩個合力，將佢消滅。」
「唔錯，既然違反我地條例，就理當消滅。」
烽火聯盟第一條盟約：係未啟動計劃前，五人皆為合作夥伴，不得傷害其他四人利益，聲譽，地位，生命。如犯此例，立即踢除聯盟。
（聽日中午十二點發放第二十七章。）