《廿一歲個年，我成為左隱世富豪》－大結局: 第二十五章：聖誕禮物
今年既聖誕節，我收到人生最好既聖誕禮物，就係藍心，佢係我第一個女朋友，我會好好愛錫佢。
「夜晚八點，有行山人士係落山途中發現有傷者暈倒在低，送完後情況穩定。」我同藍心食緊飯既時候，報導緊呢個新聞。
「我今晚去揾佢，你跟唔跟我黎？」
「好啊。」
「你有一項新信息。」
「我今日有野做，要早返屋企。」呢個信息係穎心send比我既。
「OK。」
「係呢，你揾白陸做咩？」
「揾佢講清楚。」
「叫佢唔好再搞我地烽火聯盟既人。」
「但係，阿怡佢可能都會繼續揾白陸架喎。」
「咁無辦法，阻礙我贏既人都要死。」
「天聲集團公佈業績，係單一個個禮拜，最新耳機型號售出量達二億三千萬，凈賺三百萬億。」
「唔錯，難得有咁多人肯換耳機。」
「咁之前個啲耳機入面既生化系統仲有無效？」
「會有少少存留係人體到，不過最多都係只會整死一個人，未去到完全發揮功效，去控制一個人。」
「係佢啦，捉住佢。」係穎心返屋企途中，就係屋企樓下，比人捉走左。
因為就到屋企，穎心既保鏢已經離開，令到呢班人有機可乘。
「救命...！」
「叫都無用，上車！」
「喂？請問你地放好晒炸藥係耳機到未？」
「無問題。」一千個黑衣人正係中國一間耳機製造廠到將天聲集團新款耳機放置微型炸彈，而真正既中國員工，全部被殺，呢班黑衣人，就係烽火聯盟最大既敵人，ISIS。
「好，咁聽日我要係新聞見到你地。」
「無問題。」
去到醫院，查問白陸住係邊間病房，警方唔肯講，我唯有比幾十萬佢，估唔到個制服警員又肯要，真係傻，之前啲差佬收親都百萬起。
「白陸。」
「你地...唔好過黎！」
「你行埋黎我報警！」
「唔好意思，出面個差佬已經比我收買左。」
「你想點。」
「點解你要搞我。」
「口口聲聲入黎話幫明雲集團，要威比你老豆睇，而家就針住我，你係咪想整死我？」
「無錯，我就係要整死你，我一開始講既全部都係假既，入黎你地公司，都係阿怡既意思，都唔怕會埋比你知。」
「佢比幾多錢你？」
「佢一蚊都無比我。」
「佢話會將你烽火聯盟既位置剝去，比我代替你。」咩話，要踢走我？
「你覺得你憑咩代替我？錢又唔夠我多，權力又唔夠我大，就連智商都唔夠我高，信唔信我而家就殺左你？等你連出返去既機會都無。」
「黎啊！殺左我，阿怡仲會揾千千萬萬個人黎對付你。」睇黎，阿怡佢目標已經釘實係我。
「你睇住黎，我最憎就係老人家，你屋企個個，睇實啲啊。」
「王誠翔！你唔好搞我阿婆！你殺左我都得，但係你夠膽掂我阿婆一條頭毛，我點都攞條狗命換你一命！」呵，呢個垃圾既弱點就係佢阿婆，一個完美既人，唔可以有弱點係敵人手上，否則，你只會不斷保護個弱點，最後只會成為一個廢柴。
「穎心，記住聽日我會動議你入董事會。」
「呵，原來聽日佢要擺你入董事會，睇黎無呢個機會啦。」
「我地走，記住睇實你最愛既婆婆啊。」
「啊！！！王誠翔你去死啦！」
佢將玻璃水樽掉落我到，我一槍打爆個水樽，玻璃散落一地，不過介傷左自己。
「有無事啊，誠翔？」藍心即刻捉住我隻手，用紙巾包住傷口。
「狗男女，走啦！！」
「我地走，唔使理佢。」
「嗯。」
「你無野嘛？」
「傻妹，少少野，又唔係成隻手斷左。」
「喂！唔準咁話自己，如果你真係斷左隻手點算。」
「無架，咪好似楊過咁囉，不知幾犀利，而且無論點都好，小龍女都係一直咁愛楊過架啦，係咪先。」
「係。」
「乖。」我錫左藍心個壓頭一下，然後就拖住佢隻收離開。
「企係到。」
「咩事呢，阿妹？」
「你地兩個又無返黎訓，去左邊到玩。」阿妹好似個阿媽咁，皺晒眉頭咁望住我地兩個。
「我地去左慶祝聖誕節啫。」
「不過，我地真係一齊左。」我親自將呢個消息話比秋婷知。
「真係既？」
「太好啦！阿哥終於同Venus姐姐一齊啦，阿哥終於同Venus姐姐一齊啦！！」
「使唔使咁激動啊，又唔係你拍拖。」講到呢到，阿妹立即靜左落黎，唔通佢有野瞞住我？
「咁Venus姐姐日日都可以係到訓啦？」
「傻妹，我都無話同你阿哥結婚。」
「下...搞錯啊，做咩唔結埋婚啊...」呢個阿妹真係。
「我地好攰啦，琴晚都訓得唔好，我地上去先。」
「噢...琴晚你地訓得唔好！而家又一齊上去訓。曳啦。」
「你再講我掉你出街。」
「Venus姐姐，阿哥好惡啊，你唔忍心我訓街架，係咪啊。」
「係啦係啦。」
「你地兩個真係，唉，我上去先啦。」
「你啊，成日蛤你阿哥。」
「邊有喎，嘻嘻。」
誠翔上去之後，我都跟住上去，估唔到個傻佬真係好攰，入到佢間房，衫又唔換就攤落床到。
我幫佢蓋好被，就離開佢間房。
「你獲得四百三六項新信息。」
「你獲得三千二百個未接來電。」
凌晨五點鐘，誠翔比其中一個電話通知嘈醒。
「副總，請你盡快返到公司！」
「誠翔，你睇下你做咩黎？！」
「我已經盡快叫啲記者唔好報導，但係新聞流通得實在太快...」
「我將會同你地公司中斷合約。」
咩事啊究竟。
滑向一項唔係信息通知，見到各個國際級傳媒報導天聲集團耳機發聲爆炸，據了解係有意放置炸彈，更有恐怖組織承認事件，天聲集團可能與恐怖組織ISIS有聯合並合作，聯合國政府介入調查。
「最新一項信息。」
「聖誕快樂！遲來啲聖誕禮物！」呢個信息，係阿怡傳送比我。