《廿一歲個年，我成為左隱世富豪》－大結局: 第二十三章：聖誕之夜（二）

「就咁對住個海飲酒好似有啲悶。」

「咁你想點玩？」

「不如，我地每人輪住講故仔，要估下個故事係真定係假，估錯個個要飲晒成支，估中既就講故飲。」

「講咩故事都得？」

「係。」







「好，咁就我講先啦。」

「係我地去西班牙既個個旅程，我見到一對老夫婦，佢地兩個已經分別都超過一百歲，經歷過好多戰爭，一齊過，分離過，但係佢地對大家既愛都係無改變到，但係好可惜，係戰爭裡面，佢地生左個仔，個仔被炮火摧殘左一生，幾歲就離開左世界，佢地兩夫婦好後悔無好好保護個仔，更無機會帶個仔一齊去玩樂；而個仔生前最鍾意就係足球，所以佢地兩夫婦係每年阿仔離世個日，都會去到阿仔離世既地方，踢一場波比個仔睇，但係佢地身體漸漸衰老，再唔能夠做激勵運動，只可以互相傳波，甚至連用力踢粒波都好艱難，見到去佢地咁樣，我行過去，希望幫到佢地，所以叫一班西班牙球員係個到踢一場波，為佢地離世既仔表演一場精彩既球賽。」

「更可惜既就係，係我地返黎既第二日，佢地兩夫婦就一齊離世，去揾佢地失散多年既仔，共聚天倫之樂，兩夫婦能夠白頭偕老，真係一生修來既福氣。」








「嗯，好感動...」見到藍心真係有啲眼淚係眼眶停住，藍心都係一個感性既女仔。

「感動完，你覺得真定假？」

「我同你去西班牙，都未見過你做咁多野，但係故事真係好逼真，而且我就唔信你係咁短時間內作到個故事出黎。」

「所以我覺得係真既。」

「呵，傻妹，飲啦。」





「下，點解啊。」

「個故事我作出黎架咋，我自己都無諗過可以作得咁好。」

「第一次玩，都玩得唔錯喎。」

「到你啦。」

見到藍心真係將成支啤酒灌落自己到，有啲唔忍心，下次都係唔比佢咁做。




「好，呢個故事，係關於我，一出世，我就生於一個貧困既家庭，住劏房，而且屋企人關係好差，老豆成日掛住去賭錢，揾女人玩，阿媽就正係識同人打麻雀，屋企成日都剩低我一個人，所以我選擇左做街童，周圍遊蕩，見到邊到有野玩，有交打我就埋去；更加慘既係我成為左屋企人既出氣袋，老豆無錢，打我，阿媽數錢，罵我，一係就佢地兩公婆打交，日打夜打，差唔多日日都要警察上黎，我真係寧願死，都唔想再夾係中間，甚至覺得呢個世界好唔公平，點解有人一出世就係富豪個仔女，有人就要生於劏房？不過無辦法，為左平衡世界，呢個都係逼不得已，有人窮，就有人富，到到街童沒落既日子，大家開始揾野做，一係就屋企好有錢，一係就去做勞動力工作，但係我，學歷又無，女仔一個，有咩啱我做？所以，我係十五歲個年，加入左黑社會，幫手運毒，淋紅油，都可以賺到幾百蚊，叫做生存到落去，不過一啲超越底線既野，我係唔會做。」





「我每日返屋企，屋企人依舊係到打交，罵交，甚至一返黎，老豆就揾凳打我，打到我瘀晒，我真係忍受唔住，我嘗試自殺，食藥，吊頸，我都試過，不過，我真係唔得，我放棄自殺，因為我係到諗，無理由咁後生，咩都無做過就要離開那個世界，咁咪好可惜？我決定揾份兼職做，不斷做，即使幾攰幾辛苦都好，我都堅持住，知道有一日，有一間黑客公司既人上黎我屋企，殺左我老豆，我非常之嬲，衝埋去打佢地，佢地無還擊，仲話要請我去佢地公司做野。」

「我心諗，佢地無端端會請我做野？仲殺左我老豆？唔通佢地知道我好憎我老豆？其實，即使個老豆既衰都好，佢始終都係你老豆，所以我無接受邀請，加入佢地公司。」

「不過，係無幾耐，阿媽佢急性心臟病發，需要好多錢做手術，我立即將之前比我既卡片攞出黎，話要加入佢地公司，點都好，我都成功加入黑客公司，不過我唔明白點解佢地會揀我，甚至識我。」

「入左公司做野無耐，就出左糧，果然係黑客公司，人工都六位數字，加上我只係個新手，咩都唔識，不過我都立即攞晒啲錢去幫阿媽做手術，可惜都係敵唔過病魔。」

「之後既日子，就係我一個人努力咁生存落去，我係公司越做越順，地位都不斷提升，由我銀行賬戶既幾百蚊，慢慢升到去幾百萬，甚至幾千萬。」

「直到識到你，我已經開左幾十間公司，不論係黑客，殺手，武器，軍火，科研，公關都好，財富已經用唔盡，不過我最著緊既都唔係錢，而係...」

「係咩？」





「恕我唔能夠講。」

「個故事好明顯就係你親身經歷，我可以話係假咩？」

「好囉，我飲。」

「咪住，要飲一齊飲，唔通要你一個人飲晒咩。」




係呢一晚，我地講左好多自己既野比對方聽，之後講既野全部都係真，藍心呢個女仔好堅強，我好欣賞佢，甚至可以叫做鍾意左佢，只怕，佢唔鍾意我。








我地都飲左好多支啤酒，終於都頂唔順，飲到周圍既人都走晒，個天氣越黎越凍，我亦將大摟披係訓係我大髀上既藍心。不久，我都訓著左。