《廿一歲個年，我成為左隱世富豪》－大結局: 第十二章：權力

坐左差唔多一個鐘，路上既車越黎越多，而且方向一樣，到左目的地，大家都不斷揾停車位，不過我地用既係地下既貴賓停車場。

「誠翔，原來我地黎睇波啊？」

「係啊，鍾唔鍾意啊？」

「鍾意啊，我由細個就好想睇波架啦，估唔到你會借呢個旅程帶我黎睇波。」其實我都係第一次現場睇波。

「咁我地上去啦。」







自從係香港黎巴塞隆拿既個程飛機開始，我就對呢個旅程充滿憧憬，到而家，誠翔更加帶我黎魯營球場，都令我好興奮。




我地入到一間房，裡面都幾多人下，好多人都著西裝，聽講球員開波前都會黎貴賓室見我地。









從落地玻璃望出去，都可以睇到全個綠茵球場，更加無隔絕球迷歡呼既聲音。

而今日係巴塞大戰皇馬既日子，歡呼聲顯得更大。








「大家好！」

首先入黎既就係巴塞既領隊，隨後就係隊長尼馬，等等既球員，佢地都逐一同我握手，望住尼馬由一個MK仔，而家都三十歲，成熟左唔少，可惜既就係美斯，恩尼斯達等等既退役球星，已經企係我旁邊，著住西裝同尼瑪呢位舊隊友握手。




「加油！」我係尼瑪耳邊講左聲。

而藍心就同佢自拍，然後球員就落去熱身。




不過有一樣奇怪既野發生左，就係球員離開左之後，美斯，等等既退役球星面露失落既樣，隨後就有四個人入左黎。








「好！歡迎大家黎到貴賓室，而家進行投票，三十位客人，每人寫出自己出既金額，再係備註上寫低你想見到既場面。」到到呢一刻，我仍然唔知發生咩事。

直到我攞到張紙，張紙上面寫住皇馬對巴塞，將想贏個隊剔一剔，入幾多球，打唔打交，幾多張黃／紅牌，全部都有得填寫...原來足球比賽只係一場戲，而劇本就要係我地呢三十個人上揀一個。

而最少金額係三十億...果然，憑贊助，球迷入場，點能夠支持到呢班球星既生活費。




最後我都有填到，相信無人能夠阻礙到我。





而美斯佢地失落既樣，係因為我地咁做，破壞左足球既本質，雖然有好多錢收，但係足球既樂趣，味道卻淡如水。




藍心一直係我身邊，當佢知道左之後，其實都唔係幾開心，但係佢同我講，如果無一個好既編劇，何來會有咁好睇既一套戲？藍心講既都啱既，做人點解要介意本質？開心，快樂咪得，就算係不擇手段，我都在所不辭。




聽到哨子聲，我地企係落地玻璃後，欣賞呢場由我地其中一位編劇所寫既戲。








係上半場，一球都無入到，果然每個都係巨星，演戲都好了得。

到下半場，開始激烈起黎，球員雙方開始有碰撞，多張黃牌衍生，甚至係九十分鐘有兩個球員被罰離場，而呢一個罰球由尼瑪主射，係三十幾碼，遠射到右邊死角，絕殺皇馬。




成個貴賓廳得我同藍心歡呼，因為呢個劇本係我所填，而藍心就單純為佢偶像入波而慶祝。

大家都望住我地，更有人過黎恭喜我。

「恭喜你，第一次拍賣就贏左。」

「多謝。」








「呵，竟然係你贏左。」

「呵，竟然係呢到都要見到你。」就係白陸，冤家路窄真係無錯。

「你究竟寫左幾多錢。」

「點解我要同一個loser講我成功既秘訣？」

「你好野，返到公司，你就唔會咁得戚。」




望住「填寫金額」個一行，我一蚊都無填，真係寫左一句「用你地既實力，你地既心去踢。」，但係劇本的確係我寫，估唔到拍賣會會受我個套。




「我地行啦，等陣又塞車架啦。」

「好啦，場波真係好好睇，不過下次一定要坐係觀眾席，享受更真，更轟烈既歡呼叫聲。」下次？藍心有諗過下次同我再去旅行？




唔知藍心係咪諗到我個心諗咩，塊面有啲紅，低頭就行。