《廿一歲個年，我成為左隱世富豪》－大結局: 第十三章：結緣
「我地都黎左西班牙幾日啦，都好似無咩同你影相。」的確，我同藍心分別都成日自己影相，我就自己影個景，佢就自己同個景影，甚少合照。
「係囉，唔知係咪唔肯同我影。」
「邊係。」藍心再次一拳打攞我隻手到。
「不如我地去前面個噴泉影？」
「好啊。」
行到去前面，發現個牌寫住「情侶噴泉」。
我地互相望住對方，不知如何是好。
「我地快地影啦，人哋就黎當我地係景點添架啦。」
「嗯。」
我地自拍左一張相，亦都係我地第一張既自拍，藍心笑都好燦爛，好自然，好有陽光氣息，而我係佢身邊就好似好違和。
「做咩笑得咁唔自然架。」
「無辦法啦，同咁靚既女仔自拍，有少少緊張。」
「呵，幾時變得咁口甜舌滑。」
我無理藍心，就帶住佢行去食野。
「我地今晚去食西餐咩，做咩特登返酒店換衫既？」
藍心企係我房門，著左一套藍寶石晚禮服，高貴得黎亦能夠襯起藍心，係絕配。
「係啊，我地今晚約左特別既人食一餐特別既晚飯。」
「係？就等我睇下有幾特別。」
其實今晚我地約左個係背後幫我做野既人出黎，相信藍心都認識佢。
去到第二間酒店既西餐廳，亦係一棟難得比較摩登既建築物。
「Hi！誠翔！」
「志明！好耐無見。」
「佢就係我女朋友，叫做穎心。」
「咦，你咪藍心？」原來志明都認識藍心...
「咁啱既，志明。」
「你地兩個識架？」
「係啊，我地以前踢波識架。」
「哦，咁就啱啦，我地坐低先啦。」
呢到既裝橫好華麗，金黃色既燈光，亦襯托返城市一盞一盞既燈光。
「係呢，你地兩個黎左西班牙幾耐？」我問到。
「黎左半年啦，我地不斷向西班牙國家科研部入侵，想攞更高科技既化武，但係每次都被擊退。」
「既然係咁，你返黎香港先啦，有更重要既野等住你地兩個做。」
「好。」其實，佢地兩個係明雲集團既分國經理，一直都係西班牙處理事務。
「誠翔，你諗緊咩？」
「無啊，諗緊食咩啫。」藍心用懷疑既眼神望住我，睇黎我係瞞唔過佢。
「要一份芥末海鮮炒飯。」西班牙既海鮮炒飯聽得多吧，芥末海鮮炒飯的確好有風味，我特別鍾意。
「係呢，誠翔，你個新耳機發布會搞成點？」
「仲有時間，我會慢慢處理。」
「阿明，你唔使擔心誠翔喎，佢比你更有才能架。」講完呢句，穎心凝望住我對眼幾秒。
「咁又係...」
食到差唔多，志明開聲同藍心講野。
「藍心，今晚不如我地去飲杯？」我吞左啖口水，雖然藍心唔係我女朋友，但係個心酸一酸。
藍心望住我，但係我逃避左佢既視線。
「好啊，無所謂啊。」
「誠翔黎唔黎？」
「唔啦，有啲攰，想早啲返去休息。」
「咁好啦，咁穎心就拜託你送佢啦。」
「好。」
「你今晚自己小心啲，唔好咁夜返，戴住佢，唔好冷親。」我將藍心送比我條頸巾幫藍心戴住。
「嗯，咁你送穎心返去啦。」
係私家車上，我放空左自己，唔知點解有啲沮喪，係咪因為藍心去左同阿明飲野？定係我只係唔習慣佢唔係我身邊。
「驚藍心比阿明食左？」穎心一開口就射中我個心，彷彿流緊血一樣。
「無。」
「你鍾意藍心？」
「我只係唔習慣佢唔係到。」
「真係？」
「做咩咁八卦。」
「為我朋友關心下啫。」
「不過唔該晒你地。」
「做咩無端端唔該我地？」
「多得你地，耳機係西班牙既銷量先會咁高。」
「仲有個外國佬都幾好啊。」
「我諗住炒左佢。」
「咁西班牙分國經理咪無人囉？」
「唔使擔心，但係你同阿明，都有特別野幫我做，如果你地唔願意，可以隨時返西班牙。」
「係咩？」
「返到香港就會知道。」
「好。」
「我到啦，再見。」
「等陣。」
「做咩？」
我同穎心一齊落車，唔知點解今晚唔係幾想咁早返酒店。
「我想行下。」
「我陪你。」
「你唔怕咩？」
「阿明佢都無咁早返。」穎心咁樣講完，我個心仲唔舒服...
「Sorry。」
「唔關你事，唔使道歉喎。」
「其實你份人都幾好啊，咁照顧身邊既人。」
「係咩，我覺得自己對人幾苛刻。」
「例如呢？」
「我逼到人死。」
「咁...咁你都有你既原因既。」
「嚇親你添。」
「其實，做集團既高層，係要釋放下啲壓力。」
「即係你同意我殺人？」
「我...」
「講笑咋，如果我要殺，我一定唔會殺你。」
「點解既？」
「因為你肯聽我講野，陪我行囉。」
「哈，呢個副總真係搞笑。」
「咪走！」
「哎呀。」穎心比個男人撞到，好彩我身手夠快，攬返住穎心，先無令佢跌低。
「唔好意思。」
「唔緊要，你都係扶我啫。」頭先攬一攬穎心條腰，發覺佢好好攬，有一種奇妙既感覺係到。
「歐洲真係好多賊仔，我住左西班牙半年，差唔多每次夜晚出去都會見到警察追賊既情景。」
賊仔...賊仔...好多賊仔...我唔係賊仔！
「誠翔，誠翔。你無事阿嘛？」
「無，可能頭先嚇親啫。」
「睇你心不在焉咁，隨時比人打劫啊，快啲返酒店啦。」
「嗯，等我送你去酒店門口先。」
「早抖啦，我諗我地香港再見啦。」
「嗯，香港見。」
上返私家車，諗返起自己中學做賊仔個樣，對比起自己而家既身份，覺得好羞愧，好樣衰。
（聽日中午十二點正出第十四章。）