《廿一歲個年，我成為左隱世富豪》－大結局: 第十一章：冤家路窄
「叮噹。」門鐘響起，睇黎藍心已經起身。
「早晨，咁早既？」
「八點啦喎，邊到早。」咁又係，旅行唔係攞黎訓覺，早起都有早起既好處。
「落去食野？」
「唔使落去，我地叫左room service，間房風景咁靚，唔係唔對住個景食早餐下話？」
「都好啫。」
梳洗完，我叫藍心再過黎，一齊坐係露台食早餐。
「好有味道。」
「咩好有味道？」
「我已經完全陶醉於巴塞隆拿既風景，毫無摩天大廈，睇住外面有精緻雕刻既建築物，教堂，加上風和日麗既天氣，無所不在既太陽，呢一餐既早餐真係特別。」
微風不斷吹住我地，藍心既秀髮更被吹到有啲散，但係睇住藍心撥頭髮係一種享受。
「係呢，食完野之後，我地去邊？」
「去睇風景，周圍行。」
「唔知今日凍唔凍呢？」藍心問到。
「應該都幾凍，你著多件衫，唔好冷親。」
藍心食完早餐就返房，話要著多件衫，返黎既時候，手上攞住條頸巾。
「嗱，送比你架，我織架，戴住佢啦。」我望住條白色既頸巾呆左，估唔到會有女仔為我織頸巾。
「多...多謝你。」
「我幫你戴。」
藍心企係我面前，將頸巾環圈住我條頸；雖然天氣有啲凍，但係藍心比我既溫暖已經覆蓋左寒冷。
「行啦。」
「嗯。」
我地第一站就係加泰隆尼亞音樂廳，望住外面宏偉既裝橫，已經叫人目不轉睛，讚歎不已。
「我好鍾意呢啲雕刻，望住呢啲雕刻，藝術，就不禁叫人佩服人類既智慧。」
入到去，見到些少教堂馬賽克既特色，五彩繽紛。
雖然十二月係旅行季節，但係唔知點解，旅客好似好少，定係全部去晒香港？
「過黎啊，誠翔。」
「唔，唔錯喎。」係我地前面既就係演奏廳，燈飾非常誇張，一盞燈大到有幾層。不過下就無表演，有啲可惜，唯有下次再黎，睇下同表演有無緣分。
「藍心，幫我係背囊到攞支水比我。」
「唔該。」
當我飲完水，再望返演奏廳既時候，手上既水變成一杯紅酒，身更穿上一套西裝，而藍心就著左一套晚禮服，望返落去，一排有一排既紅鄧上已經坐滿觀眾，
而隱約見到一個鋼琴家，彈奏住土耳其進行曲，彷彿個個人就係莫扎特，而再睇清楚啲，觀眾既衣著都好似係十八世紀時候既人所著；將心情化為顏色，穿係身上，華麗既服裝，竟然今日能夠比我一覽無遺。
「誠翔...誠翔。」
「係！」
「做咩發白日夢啊？」發夢？原來只係發夢，但係莫扎特既鋼琴聲好似無離開過我腦海，一直徘徊。
「無，我嘗試將自己帶入個個年代既人啫。」
「咁你有無見到莫扎特？」
「呵，莫扎特唔係成日黎西班牙。」
「行啦，痴線佬。」藍心笑住同我講。
太陽已經比早上更強，係馬賽克玻璃折射入黎，睇黎午餐既時候到啦。
「藍心，肚唔肚餓？」
「少少啦，今朝個早餐有啲豐富。」梗係豐富啦，正統歐洲全式早餐喎。
「咁我地食少少野，飲杯啤酒啦。」
「好。」
黎到一間樓上酒吧，終於見到一啲現代啲既建築物，所以上左去睇下，又比我地揾到一間酒吧。
「你好，我地酒吧只係比貴賓進入，唔好意思。」聽到貴賓呢個詞語我好反感，如果係香港我一定揾人處理呢個公關。
「我就係貴賓。」
「噢，誠翔！」有個識講廣東話既鬼佬叫我個名。
「你係？」我問個鬼佬。
「比佢入黎先。」
「係既。」
「唔識我唔緊要，亦都好正常，我就係你耳機公司既分國經理。」
「西班牙係你處理？」
「係啊，亦都係第二銷售高既國家。」的確，單單係西班牙已經賣左九億個耳機。
「多謝你。」
「唔使，點解誠翔你咁得閒同女朋友黎西班牙玩既？」女朋友...藍心聽到呢個字顯得有啲尷尬。
「佢係我秘書，見聖誕咪過黎玩下。」
「唔緊要，黎，我地過去貴賓區。」
果然，貴賓先可以入黎，因為全場都係供應緊同一個牌子既啤酒，而且呢款啤酒既價錢都算係冠絕全球，不過就全部免費，睇黎啤酒商既老闆都在場。
「幾好飲喎。」藍心攞到啤酒，迅速開左瓶，就飲左大半支。
「梗係好飲啦，知唔知佢地公司既銷售比得起我地公司既耳機銷量架。」睇黎呢個分國經理已經飲醉，耳機同啤酒既銷量攞黎比較，小學生都知道比唔到。
透過半塊落地玻璃，挨係露台邊，包攬西班牙全地既風景，可惜只係日頭，相信夜晚會更靚。
「我去揾返我啲朋友先，你地慢慢。」
外國人走左之後，藍心先開聲同我講野。
「返去我會炒左佢。」藍心突然認真起黎，令到我有啲不知所措。
「嗯，我明白。」相信藍心炒佢有一定既原因，我亦無謂爭議。
「係呢，我地今晚有咩做架？」
「秘密。」
「仲諗住你會唔記得添。」
「想探我口風？無咁容易。」
聽到出面有啲爭吵既聲音，我同藍心互望，亦同步行左出去。
「個個咪白陸？」藍心首先發現，我係人群中都見到佢。
「你唔可以入黎架，先生，老闆講明左，我地好難做。」
「白陸先生佢都係天聲集團既人，點解呢個鬼佬入得，白陸就唔入得？」白陸既保鏢用西班牙話同公關講。
「咪住，王誠翔，乜咁啱既？」睇黎白陸已經發現左我。
「估唔到係西班牙都要見到你。」白陸仍然站係酒吧外，而我就係酒吧入面同佢講野。
「既然你係到，我飲啤酒既興致已經無晒，我地走啦。」
「明明就係人地唔比你入黎，可笑。」
「咩話！」白陸令轉面，但係保鏢就先衝上黎。
「點？係咪想打我？」
「放開佢。」
「真係搞笑，黎旅行都要帶保鏢。」
「唔好再比我見到你，走！」
掌聲不知為何而起，更陸續有歡呼聲。
「唔該晒你，幫我趕走啲無謂人。」有一個著西裝既後生外國人行左過黎。
「啊，唔記得介紹自己，我就係呢個啤酒商既老闆。」
「你好，我係天聲集團*既總裁。」*請參考人物角色關係表
「哦，果然係青出於藍，咁後生就做早總裁。」
「你都好後生啫。」
「嘻嘻，多謝，睇黎我地之後一定有大既合作空間。」
「嗯，一定。」
「藍心，夠鐘走啦。」
「睇黎，你地今晚都去喎。」啤酒老闆同我講。
「唔好講，我諗住比個驚喜佢。」我走過去係佢耳邊講。
「好，咁等陣見。」
一個共同既地點，活動，係西班牙，除左酒吧，就係球場。
「上車啦。」
「你識西班牙啲路咩？」
「唔識，所以唔係我揸。」
「哦，有備而來喎，睇黎等陣既景點都係你親自預備架啦。」
「醒目。」