【英雄系列2】無敵光晨: 14

「光晨！！」

「小蘭！！！你地放左佢呀！！」


「背叛我地Cobra既人，係冇好下場架，8號」

「1號！停手呀！！！」







「砰！！！」
















車上既四人似乎意料不及

當然我都冇比時間佢地冷靜落黎

一個鯉躍，用雙飛腿踢爆車窗








「hello，咁多位送毒品呀？」我笑問

「你..你係咩人呀！？」

奇怪...車上既四人都只係合興既古惑仔...



我隨即再送以一記手刀將後座既其中一個古惑仔打暈

再拉住另一人既右手，用右拳抽擊佢既腋下





「啊！」中招後佢馬上痛得嚎哭

我乘住機會將佢一拳擊昏



前排既其中一人見狀，亦馬上掏出腰間既手槍

我馬上捉住一人既手，一邊想撞甩佢既手槍

另一邊就勒住司機，等佢反抗

汽車亦馬上失控






終於，成功打甩佢既手槍

我再以一記飛踢將佢踢開

另一方面，汽車亦準備剷上石屎防撞欄




哼，無難度啦

我探身出去車窗，一野就跳出車，直飛到防撞欄


你以為我係送死？你真係太睇少我啦





我自細受過嚴格中國武術訓練，響直飛出去既一刻，我一早以雙手撐住防撞欄
呢一下已經可以卸去大部份既衝擊力，之後再打個空翻就可以輕鬆落地

而架黑色豐田，就剷上防撞欄，打埋個跟斗先落地
車上既古惑仔應該唔死都重傷




「呼...」我點起一支香燈，慢慢走到豐田處

我打開車尾箱








乜野都冇...







「點呀，好失望呀？8號」

一把娘娘腔既聲音從後道



「咔！」
一個打扮得不男不女既瘦弱男人及一個健碩如健美先生既大隻佬從車上走出黎

「嘿，原來你地響度，2號..4號」

呢兩個人，正正就係Cobra既兩兄弟，2號同4號！


2號雖然係個死乸型，但其實係一個擅用暗器既高手

而佢細佬，4號最強既就係佢既力量，一拳足以打穿一個人，亦係全個Cobra內唯一一個近戰可以同我一戰既人


「反骨仔...殺完7號，就想殺我地呀？」4號道

「咁都比你地識穿，唉！」我笑道:「不過，以你地兩個既智慧，又點會知道我今次既目標係你地既呢？」


「你...！」

2號制止住4號:「哼！好彩...1號一早知道你響醫院殺死左7號既事，如果唔係，我地一早已經響車度比你暗殺啦..」

「1號...1號都黎左咩」我問


「3、6號仲響南美洲，而5號就過緊黎...所以，我地今次有5個成員黎到香港，幫Ouroboros運送毒品」

2號摸住自己既蘭花手:「Ouroboros既目標，就係中國大陸...我地利用合興響大陸既人脈，將大批毒品送上去...」

「點解你地要講呢d野比我聽？仲有...咁0號呢？」




2號冇答我，就拔出數支毒針，飛向我處

被2號既毒針插中既話，毒素響30分鐘就會曼延全身

而解藥，就只係得2號有


我馬上跳返去車後迴避

「仆街！一見面就咁狼死既」



「對住反骨仔，唔需要比面！！」

4號就如火車一樣直衝過黎



4號一拳擊向黑色豐田

成架車馬上被打至分開

「哼，睇你可以避去邊！！！」



正當4號既拳頭拉弓之際

「4號，夠啦！」

「大哥！點解..」



「佢地..黎緊啦」2號轉身上車:「8號，我地仲有機會再見既，嘿！」
「一陣...慢慢嘆咖啡啦」





「嘆咖啡...up乜鳩呀？」
我聽到r哂頭


我望望自己既上身，已經被一支支紅外線指住

「屌..唔駛咁多把雷射電光槍指住我下話」


響我面前既，正正係幾十個飛虎隊





「骨碌骨碌骨碌骨碌骨碌」

呢杯已經係我第三杯既咖啡


「喂，走得未呀？」

仆街，前面個死散仔唔撚答，串撚到你



而家我正處於西九龍總區警察總部

我就被人困響一間玻璃房度，同無間道入面獎門人食外賣果一幕既一樣

看守我既人有5個，好似當我係大罪犯咁


我慢慢諗返

7號當時睇一睇手機，就去左醫院...
而負責保護果2個老師既正係警察部既人

頭先2號話1號一早知道我殺死左7號既事
並且響差佬黎之前已經閃人



即係話

佢地響警察局入面有線人


咁...到底係邊個呢

佢地頭先話1號都黎左香港，唔通佢...






「咔」

「你地出去先，我想同佢單獨傾下....唔准入黎，唔准偷聽」

「係既madam！」


一個留啡長髮，性感嘴唇既恤衫女性走進黎






「慕容光晨，你好」

呢條女先笑一笑:「我係西九龍總區指揮部總督察，陳理美，今次請你返黎..」


「唔駛搞咁多野啦」我雙手放上枱上

「靚女，我認得你呢個咁sexy既嘴唇.....你就係1號啦，係咪？」