【英雄系列2】無敵光晨: 13
「光晨，不如我地今日去Goodwill Plaza睇戲丫，我想睇X-men呀」
「嗯好丫，一陣三點等丫」
「喂」
「聽聞你走去報IID喎，8號」
「係又點呀，2號」
「冇乜點既...不過你聽下先啦」
「砰！」
「help！！help！！help！！help！！」
「哈哈哈，8號，我地依家就響Goodwill Plaza，唔想再有人殺既話，就即刻趕過黎啦」
「光晨先生...」
「咩料呀，死o靚妹，煮緊飯呀」我炒住餸問
「喂呀光晨，唔好對佢咁衰啦！」阿咲不滿道
「光晨先生，我unlock到部電話啦..」
咁快手..一日咋喎
我懷疑:「真唔真呀..」
素素:「真架..我依家比你睇丫..」
「咁又唔駛..死o靚妹你又幾做得野喎」我拎起一隻雞蛋:「一陣送隻太陽蛋獎勵下你啦」
「多謝光晨先生..」素素難得笑起黎
「光晨，其實你心裡面好鐘意素素既，係咪呢！」阿咲奸笑道
「痴線啦你！張如城夠話小學d女幫佢執擦膠係鐘意佢啦，你同佢有咩分別呀！」我怒道
「喂...下星期聖誕節，不如我地今年搞個聖誕party丫」阿咲興高采烈地提議
「好喎，我都好耐冇一大班人慶祝」從房走出黎既阿南亦附和:「如果叫埋阿紫黎既話..」
「你就緊係想啦！我冇咁多時間陪你地癲呀！」
唔係阿咲講起，我都唔知，原來下星期就係聖誕節
「之前阿紫話素素一路都係自己一個人過節，所以我諗住今年慶祝下姐..」阿咲問素素:「素素，你點睇呀？」
素素點一點頭:「...呃...嗯..但係光晨先生...」
「唉..你地自己搞飽佢，你地到時唔好阻住我就得啦」
「喂呀...」
飯後
「o靚妹！」
響房做緊past paper既素素問:「做..做咩呀光晨先生？」
「部電話呢？」
素素拎出部3310:「唔..唔好意思呀光晨先生，我掛住做past paper..」
「得啦得啦，比我睇下先啦」
「因為佢部手機多重加密左，所以我只可以響電腦上面睇到入面既內容」
素素將3310插進手提電腦中
一條短訊隨即彈出
「1218 1400 100026 100019 SW1264 24」
「光晨先生，成部電話，就只係得段野，但係我解極都極唔明呢5組數字」
「唔緊要，我明就得架啦」
呢種係Cobra以前用黎報告黎緊既任務既方法
第一組係日期，12月18號，即係後日
第二組係時間，下晝兩點
第三、四組係出發地點同目的地，用郵政編碼黎表示
100026係大嶼山
100019係樂富
第五組就係是次行動既車輛車牌
而第六組，就係負責既成員
即係話今次既行動，係2號同4號負責！
大嶼山...理論上應該冇d類似貨倉既地方
換句話講，佢地今次應該係負責響機場護送毒品去市區
再一次證明，今次Ouroboros同Cobra係打算全面攻佔香港既毒品市場
「你地睇緊咩呀？」阿咲同阿南響房門問
「冇..冇野呀..」
素素:「我幫光晨先生unlock左李sir果部電話，但係入面淨係得一條只有數目字既訊息」
「你唔係應承左我地，有咩野都要講哂出黎既咩！？」阿咲怒道
「係囉..話唔定我地幫到手呢」阿南道
「屌，你地幫閪到咩，Cobra又派左兩個成員黎啦」
一講呢句，三人馬上靜哂
「吓...」
「咁你地依家明未呀..」我點起煙:「你地係幫唔到我架」
「咁...我做司機都得掛！」阿咲怒道:「我唔想咩都幫唔到手呀」
「明明..話要報仇，但係..我真係唔想..只係可以睇住你...」
原來，阿咲咁自責
阿南:「光晨，我同你咁多年朋友，無論你要點，我都一定會撐你」
屌..gay到你
「唉..無眼睇，你地到時唔好插手阻住我就得啦..」
「喂光晨，係咪真係work架..」響司機位既阿咲困惑問
「有哂車牌number..緊係得啦」我氣定神閒食住煙道
我既計劃係:
大嶼山出市區既話，青馬大橋係必經之路
我地就扮壞車，響橋上面等佢地
「一陣一見到佢架車，我地就跟住佢，到時我就會自己搞掂架啦，你地返去開枱等我打牌都得啦！」我打開車門，用望遠鏡望住有冇SW1264車牌既車經過
阿南問「但係..光晨你有咩符fit架..」
素素擔憂道:「光晨先生你如果有危險既話...」
「咪係囉，一陣你有咩三長兩短，如果我地響度既話，都可以幫你丫！」
「你地咁麻煩架..咦...」
果然，一架車牌為SW1264既黑色豐田七人車，正駛進黎
「哈哈，咁快就到！阿咲準備開車」我踩熄煙頭，走上車
「嗯..但係，光晨你諗住點呀？」阿咲不惑地撻匙
「你唔好理啦！總之你地一陣見到咩，都唔好理，即刻揸架車返去」
我地既車跟響黑色豐田後面，駛到貨櫃碼頭一帶
「嗯...呢度少d人啦..」我戴上慣用既鐵面具
阿南:「光晨，你做乜戴個咁核突既面具呀！」
屌...真係冇人識欣賞slipknot
我爬出車窗，大半個身響車外
三人都比我嚇得半死
「嘩！你做咩呀！！！」
「唔駛驚...你慢慢駛去果架車既右邊就得啦」
阿咲聽住我既話，轉線去到豐田既右邊
「哈！今朝實嚇到佢地瀨屎啦！」
我雙手發力撐，一躍到豐田既車頂
「痴...痴線架你！光晨！！！」