【英雄系列2】無敵光晨: 12
「係，IID」
「唔該..我要報案既」
「我懷疑..海豹突擊隊入面既Cobra同國際販毒組織Ouroboros有利益關係」
「響代號Beta-192作戰入面，佢地。並冇殺死Ouroboros響歐洲既頭目Rudy Perez，Rudy Perez仲比左一大筆錢比Cobra入面其中三個成員」
「點解..你會知道咁多野...」
「因為....我都係Cobra既成員」
「咁好，我地會再聯絡你」
「警方翻睇返閉路電視，證實左陳sir唔係你殺既，你可以走啦」
「嗯...」
出左差館，我點起一口紅萬
「小蘭同陳sir既仇...我一定要報！！」我心想
「光晨！到底發生咩事呀？！」
只見阿咲一行三人，仲有阿紫
「咦，你地黎左既...」我吸一口煙
「好彩素素響你個袋度放左個跟蹤器姐，如果唔係我地都唔知道你發生左d咁既事」
「丫你個死o靚妹丫！跟蹤我？！」我不滿道
「因為..阿咲一直懷疑李sir會係果個組織既人，話驚你會自己搵佢」
「無錯，唔關素素事，係我話要既！」阿咲鬥氣道
「咁...李sir呢？」阿紫問
「李sir佢，就係果個販毒組織既人，頭先差佬隊冚左佢啦」我噴出一口煙圈
「唔...唔係掛...」阿紫難以置信:「但係...佢平時好nice架喎，又幫學生」
阿咲:「都話左架啦！咁點解阿紫頭先話你咁急走呀？」
「陳sir call我，話果兩個老師已經醒左，咪叫我去睇下囉，點知果個李sir就黎想殺果兩個老師，就咁比班差佬擊斃左lu」
阿南問:「但係...點解你會黎左差館既？」
「咁我都要黎錄口供架..」
「你頭先講既野，真係既？」阿咲再問
「真架..」
「咁...林sir同miss張...」阿紫問
「阿紫你放心，佢地兩個醒返架啦，不過就仲響醫院同緊差佬錄口供」我掉低煙頭
「呼..好彩..」阿紫鬆一口氣:「咁我返去先啦，如果光晨你有咩消息既話，麻煩你，同我講丫」
「嗯，我知啦」
回家後
「光晨！光晨！！」
阿咲拉住我
「做咩事呀？」我問
「你唔駛再呃我啦！你肯定同果個李sir有關係！」
我反駁:「哈，岩岩響差館咪同左你地講囉，我咁岩響度咋！」
阿咲認真道:「果個李sir，係咪你殺既？」
阿南:「唔係下話，光晨點會殺人呀，雖然佢好好打姐」
「係囉..光晨先生咁好人，唔會咁做架」素素都幫我講好說話
「你地唔駛講啦！」
阿咲接住再道:「我頭先..聞到光晨你身上有血腥味....係同我叔叔死果陣既味一模一樣...」
仆街，睇黎紙都係包唔住火
「冇錯，果個李sir，係我殺既」
「吓？」素素同阿南都馬上瞪大雙眼:「點解..你..」
我從雪櫃拎出一罐黑啤:「你地係咪好想知...點解我明明殺左人都冇事？點解我要殺李sir？」
「我依家就一次過講哂比你地睇」我望住阿咲:「阿咲，你準備好未？」
「我地慕容家，係由港英政府親自委任，所有既子孫都要擔任秘密警察...你地可以當係依家既super hero既」
「雖然依家比中國統治，但係呢個傳統依家有繼續落去」
「我老豆當年就係慕容家最強既秘密警察，甚至強到可以得到..『殺人執照』，顧名思義，即係合法殺人既證明啦」
「但當年，我老豆殺左一個想強姦少女既有錢佬，比cctv拍到，然後就比全個香港警察通輯，港督都保佢唔住..」
「而更可恨既係，慕容家既人冇一個幫佢，最後佢只好帶住我去美國」
「而呢個殺人執照，係可以由做仔既我繼承，咁解釋到，點解我殺人會冇事啦」我飲一口黑啤
聽完我一大輪既故事，大家都要消化下
「即係話，你依家殺咩人都冇事？」阿南問
「原則上係，只要唔好好似我老豆咁，殺d太過出名既人就得啦，哈哈」
素素問:「咁..光晨先生你個爸爸呢？」
「唔撚知佢啦，我入到大學之後，有日佢話要去巴西一趟，之後就唔見左佢....不過應該仲在生既」
「咁，果個李先生既事又係點架？」阿咲繼續問
「當年，我大學畢業，搵極都搵唔到工，直到有一個人搵我，拉攏我加入一個叫Cobra組織」
「Cobra係隸屬海豹突擊隊既暗殺部門，佢地就係睇中我有殺人執照以及自細受訓練既身手」
「Cobra...就係果個十條蛇圖案既組織？」阿咲握緊拳頭
我吸一口氣:「...嗯，不過，肯定唔係我殺死你叔叔既」
阿咲:「點解....？」
「因為半年前，我被IID強制保護緊..」
素素問:「IID？」
「International Intelligence Department，一個鮮為人知既國際情報機構」
「點解要強制保護？」
「因為，我係Cobra既叛徒」
「本身，Cobra只係一個擁有9個成員，負責暗殺恐怖份子頭目既部門」
「但係，響一次行動入面，我發現參與既三個成員，冇殺死到Ouroboros響歐洲既頭目Rudy Perez，相反佢地仲有收左Ouroboros既一大筆錢」
「響我調查之下，我發現Cobra一直有同Ouroboros合作，收錢幫佢地殺死所有敵對販毒集團既頭目，好等Ouroboros鞏固自己既地位」
「當我知道之後，當然係馬上退出呢個濕鳩Cobra啦」
「而正當我想向IID舉報既時候...」
阿咲都聽得好緊張:「點...點呀？」
「你地響一場商場展開大屠殺，引我過去」
「再響我面前，殺死我女朋友小蘭」
阿南:「即係...半年前果一單..」
「係2016年6月24號，波士頓Goodwill Plaza屠殺慘劇，對外公佈當然係寫呢件事係恐怖佈子所為啦，但實情就係，Cobra既人要我付出代價，先會搞呢一場屠殺」
阿咲同素素都聽到雙眼通紅
「之後，IID怕我會被Cobra既人追殺，就拉左我去強制保護，咁我就響佢地既保護下生活有半年，期間冇哂Cobra既消息」
「果個李sir，就係Cobra既成員:7號，佢頭先正正就係想去殺死果兩個老師」
「好好彩，我成功將佢殺死，阻止左佢既陰謀」
「咁陳sir...」阿咲問
「佢...中左槍...已經死左..」
「所以...為左小蘭同陳sir，我一定要報仇」
「咁...阿咲，你信唔信我？」
阿咲雙眼水汪汪
「我....我信...」
「如果........你係殺我叔叔既人既話，你一早就響第一日殺左我...」
我笑道:「丫跟左我幾個禮拜醒左喎」
「咁...阿南同死o靚妹你地呢？」
「我條命，係光晨先生你救架，無論點，我都會信光晨先生...」素素眼神堅定
阿南笑道「咁我地識左咁耐...緊係信光晨你啦」
「哇屌..你地咪咁肉麻啦屌」
我接住道:「但係...呢d事我暫時唔想比阿紫知，我唔想拉埋佢落水，可以嗎」
阿咲:「嗯，不過我有條件...你以後，有咩事都要同我地講」
「哈...真係比阿咲你激死，好啦好啦」
既然都比阿咲識穿左，咁只好講哂所有野比佢地知啦
我只係應該，佢地唔會後悔
「各位同學，相信大家都知道，你地既班主任，林sir同miss張已經好返，聽日佢地就將會返黎」我同阿咲道:「即係話今日，將會係我同miss lee最後一日教你地」
「吓..唔好啦...」美寧同小緣等等既女同學都十分失望:「慕容sir你教得咁好，又有心...」
「各位唔駛咁既，如果你地數學有咩問題既話，都可以whatsapp我架」
最後一課，各位女同學都好熱烈咁問問題
多到我都答唔哂咁濟
「登~登登~登~登登」
https://www.youtube.com/watch?v=yDETNSA-u6M
「好！今日就講到呢度，放學！祝各位學業進步！」我講出最後既祝福說話
「慕容sir..」d女同學講到好似喊咁
「放心啦，我地總會有機會見既！」我帥氣道:「好啦，各位同學，再見啦！」
正當我準備出班房，美寧同小緣都追出黎
「慕容sir，多謝你呀！！」
我拍拍佢地兩個既頭:「唔駛...你地兩個咁靚女，記得要識個靚仔男朋友呀！」
一出到走廊，阿咲已經等緊我
「miss lee，做咩你唔入去同班同學講再見呀？」
阿咲嘆一口氣:「唉，佢地都唔鐘意我...」
「咁你就唔岩啦miss lee...」
「慕容sir...」
嘉嘉響我身後出現:「李sir...係咪已經..」
「聽人講，佢依家已經比警察拉左啦，應該呢世都唔會見到佢架啦」唔通同佢講係我親手隊冚佢咩
「慕容sir...」嘉嘉低頭:「直覺話比我聽，你唔係個普通老師黎..」
「哈哈..係咩...不過你估錯啦張嘉嘉」我拍一下嘉嘉既膊頭:「你比心機讀書啦，不過都唔好逼得自己太緊，得閒要休息下架」
「嗯，多謝慕容sir」嘉嘉終於露出笑顏，丫又幾得意架喎
出到學校
「呼，要同呢間學校講拜拜啦..」我點起香煙
阿咲叉起雙手「喂呀你老師黎架，咪食煙啦！」
「車，都出左學校啦，食返支冇問題姐...」
「比d學生睇到就唔好啦..」阿咲細細聲講:「咁依家，我地要點樣呀？」
「你講Cobra？我一早諗左計啦，我尋晚...」
「喂，死o靚妹...」
溫緊書既素素問:「光晨先生..做咩呀？」
我拎出一部3310
「呢部係我果日隊冚李sir之後，響佢身上偷返黎既手機，但入面似乎lock左，你幫我解開佢」
素素接過手機:「哦..我知啦」
「死o靚妹...你幫我做咁多犯法野，唔驚咩？」
素素望住我:「只要係光晨先生叫我做既，我都一定會幫你架」