超級月亮: 第九章：大學生活

《第九章：大學生活》
終於放榜了，紫月的成績不算太好，終於入了教育學院（現：教育大學）的小學英文教育系。 由於紫月的家離大埔有一定的距離，紫月成功申請了宿位，展開了freshman的生活。

想不到IED 也有netball team。這是紫月最開心的事！Team cap還是自己的師姐！ 從此紫月和這班teammates便成為了最佳的戰友。努力在inter-school tournament 擊敗HKU和UST是大家最大的目標！

練波、上堂、比賽、補習、回家探父母、傾present、和宿友到大埔墟食宵.....
大學的生活是多彩多姿的。
阿卡寵物店是工作是一週六天的，而放假日子也不定時。
有時候阿卡放假的時候，剛好是紫月練波的日子，她們也未必可以見面。
當紫月趕assignment deadline時，她們更試過兩星期也沒有見面！





「不如今晚我黎屈蛇丫？」阿卡問紫月。
「但我roommate今晚要趕deadline...我唔想趕佢去其他房呀.....」
「下....咁不如你黎我度訓丫.....我好掛住你呀...」
「但我聽朝番8半呀....要take attendance架....遲左十分鐘個professor就收埋個簽到簿...唔夠90%出席率我會fail呢科架....core唔可以fail架....」
「咁算啦....咁你星期六得唔得閒呀？」
「我果日要去hku打tournament,夜晚婆婆生日要趕去青衣食飯呀」
「咁我送你去丫！」
「唔洗啦，我都唔知打到幾點，又驚撞到親戚....佢地個個都坐地鐵去架！」
「但係我地10日無見過喇....」




「我應承你，我趕埋份功課之後陪番你多啲丫！唔傾喇...我要練波喇....錫晒你傻豬豬」
「小心啲喇咁你...love you寶貝豬」

靈機一觸，阿卡突然想到一個解決方法，但不知道紫月願不願意。