超級月亮: 第八章：男孩子初接觸

《第八章： 男孩子初接觸》
「你要唔要去左洗手間先？」米高問紫月。
「好呀，去定先，一陣太驚我實唔敢去廁所」
到了洗手間門口，米高和紫月分別進了男女廁。
這個看似極度平凡的舉動，卻令紫月感覺不習慣。
從來，紫月和朋友/戀人也是邊談天邊去洗手間的。
但這次，當米高離家紫月行向男廁方向時，紫月突發發現，原來男孩和tb是不同的！ 紫月好像離開了自己的comfort zone一樣，開始去探索這個未知的世界。


「我以後唔敢諗做激光喇！我驚我眼球真係會爆呀」紫月和米高終於看完Final Destination。




「傻妹，邊有咁易死丫，有既我會保護你既！」
紫月的心突然跳得很快，呼吸也開始困難，要努力提醒自己不要忘記呼吸。
但身體是誠實的。紫月的臉已經通紅，米高不可能看不出來。


突然，遠遠出現了一個熟悉的身影。
紫月知道阿卡來了等她。
阿卡一定是放心不下紫月，所以一直在附近靜候。

「我走先喇，星期一見啦！拜拜」紫月急忙告別。




「我送你丫不如」米高提意說。
「唔洗喇，我突然有啲事要走先喇！」

行到轉角，紫月便見到阿卡。
阿卡好像平日一般溫柔地對著紫月微笑，好像只要紫月在，她的世界便完滿了。
「好唔好睇呀套戲？」阿卡問。
「幾啦，不過都係頭兩集好睇啲。不如我陪你睇多次丫」
「遲啲出碟我地一齊再睇咪得囉！」
「係呢，點解你會出現既？ 我咪話唔洗等我囉！」紫月心底其實很害怕阿卡剛才看到自己單獨與男孩子看電影，唯有先出招，要占上風位置。
「我掛住你....番去又無野做....咪睇下撞唔撞到你囉.....」阿卡很怕紫月會發脾氣，她根本不想紫月會有一刻的不愉快。紫月比她自己更重要，只要紫月開心，她什麼也不介意。




「下次唔好喇。我真係唔想俾媽咪知道呀....佢又會迫我去外國讀書架！你係咪想以後要long D 丫？」
「唔要呀唔要呀唔要呀！ 你去到咁遠，我一定接受唔到，之後會傷心過度而死亡，之後做鬼飛黎搵你架！」
「痴線！好恐怖囉你！變態架你！」
「你係我最愛既女人！呢世都係！」阿卡突然認真地望住紫月說。

這刻，紫月知道自己仍然很愛阿卡。但剛才的臉紅，是因為突如其來的甜言密語嗎？是因為那種前所未有的新鮮感嗎？ 還是，其實紫月也會對男生有感覺？

上天要考驗人類，總會不停重複同一個課題。
其實這次只是挑戰阿卡和紫月感情的第一個小測驗....