超級月亮: 第十章：同居生活

《第十章：同居生活》
阿卡鼓起最大勇氣（仲大勇氣過當初表白）問：
「不如妳搬黎同我住丫？」
紫月先是呆了一呆，不知道應該怎樣回應.....
「但你住咁遠，我點番學呀？仲有練完波都夜啦....我又要坐車出番去.....同埋你阿媽都未接受我....上次我去你度過夜，你阿媽啤實我呀....」
「我.....打算租大埔一個單位.....咁.....你咪可以又近番學，我地又可以成日見囉！」阿卡明白，如果不找個解決方法，她和紫月的關係一定會愈變愈差，但她實在不捨得這段感情。
「但俾租好貴架....你份工又唔係搵好多錢...得唔得架？唔好為左我而搬出黎啦。你阿媽實憎死我...」
「得啦，無問題！有個朋友個婆婆有間公屋，但佢已經住緊老人院，所以間屋吉左！佢話平租俾我呀！我諗好晒架喇！同埋，我地一齊住，我可以日日整野食俾你食，唔洗出街食又用少啲錢呢。」
「咁好啦....你要做晒啲家務架！」
紫月再想不到其他原因去拒絕了，只要答應同居這個要求。但她其實很喜歡住宿的感覺，一大班人到大埔中心飲茶食宵，無所不談的大學生活。




但既然答應了，便只好盡情投入享受這個同居生活吧。

由於紫月不可以告訴父母自己搬出去住，她決定照保留宿位，盡可能一星期回去住兩晚，令家人不會懷疑。

同居的生活當然是美好的。這段時光的回憶絕對一世難忘。
由兩口子到ikea選傢具、搬回去砌好後再決定位置，一切也是夢想成真的美事。
而且一早起來第一眼便可以見到對方，然後來一次晨早運動。更會把memo紙周屋貼，上面全部寫的都是甜蜜句子。她們更留了一幅牆來貼她倆的合照。就算是不認識的人，如果有機會踏進這個小窩居，一定也能感受到她們的愛。

這樣甜蜜的生活維持了9個月。不經不覺，紫月也Year 2了。