《再來一次，然後成為英雄》: 24.亞瑟之死

「你嚟左啦?」一位金髮碧眼的大美人著著一身白中帶金的哥德式晚裝，坐了左法式餐桌的盡頭，淡然地說。
「好耐冇見。」我平服了心情，在了在她的對面。
最後的晚餐開始了……
「如果係你應該會明，我地所追求嘅嘢，雖然唔同，但本質都係一樣。」
然而，當時的我並不明白。
「哈，我只係一介武夫，並唔清楚你口中所謂嘅理想鄉會帶來啲咩，但有一樣嘢我可以肯定，就係因為你口中嘅理想鄉，我曾經嘅愛人同兄弟一個個咁死係我面前，而我今次嚟，並唔係用英雄嘅身份，我只係戰爭嘅亡魂，要嘅只係結束呢場戰爭以求安息，以祭英靈殿上嘅摯友，戰爭係時候結束啦。」我呼了一口氣。
修羅之道，歷千劫而不怠，心為惡鬼，身作劍。
羅剎mode on。
「哈哈，可以嘅話，係打之前，我仲想同你好好咁傾一陣，就好似三國中我最鐘意嘅一段咁樣，由我煮酒論英雄。仲要，其實可以嘅話，我都唔想再打落去啦，我都攰啦。」亞瑟握住了她的王者之劍……Excalibur，可是身上感受不到一絲殺意，她只是微笑著說，宛如一個普通的少女般。
於是我亦消去了殺氣，再次坐下了。





「你知唔知點解我識中史又識廣東話?」
我搖了搖頭。
「咁係因為，我其實係一個香港人，二百年前我只係一個好普通嘅少女，我唔係真正嘅亞瑟王，只不過係因為有某一日我發現身體入面寄宿住聖劍，就係不知不覺間打交打到變左做一個濕鳩王者，真係諗起都好撚想笑。
本來我只係比普通人更加有正義感，比普通人強大，睇到一啲其他人睇唔到嘅光嘅普通MK妹，鍾意識下FD子，行下街，唱下K咁，到後來冇啦啦比神秘組織追殺，無奈之下學識左戰鬥，然後每一次使用力量我都會由一個MK妹變成一個鬼妹仔，再到我第一次拔出聖劍嘅時候，我見到果一位亞瑟嘅理想鄉，一個好靚好舒服嘅地方，果一刻，我先真真正正背負起亞瑟呢個名。」
「吓，你講真架……我地係同鄉?」
「呃你做咩呀」
她接著說。
「其實我知架，所謂理想鄉根本唔會實現，果一位亞瑟最後嘅結局已經說明左一切，但係當我發現嘅時候已經太遲啦，戰爭一旦開始左，就唔再係我一個人可以停止……」
說到這裡，亞瑟好像有一點面紅……




「其實本身都停到嘅……如果唔係你個衰人嘅話。」
「吓，怪我嚕?(普通話講)」
「唔係你個衰人嘅話，人地一早就同左洛仔結婚生仔啦，仲得鬼閒打仗咩。」
「洛仔?喂～我唔明喎。」

「哼唔，洛仔就係殺死你條女嘅人，但係佢係無辜架，佢只係比人控制左心智先會咁做，但你……
你竟然係佢同我表白，臨錫落去果一刻，突然衝出嚟，一刀斬死左佢，咁我仲點會放過你呀，嬲起上嚟一時忍唔住咪殺返你身邊果兩個兄弟囉，點知咁樣打一打就打左兩百年架啫。
屌，搞撚到老娘做左兩百幾年人都冇拖拍呀，知唔知我幾撚傷心呀？」
「吓，等等先，比人控制？你講清楚好喎。」
突然一股殺氣湧至……




然後我突然失去了意識……
然後在我回復意識的一剎，亞瑟倒了在我的懷內，我們的下半身都消失了。
一切是來得多麼的突然……
「喂，亞瑟……」意識快要斷開了

「你把劍鞘呢……」沒錯，Excalibur的劍鞘是世上最強的治癒寶具，只要有它……
「嘻嘻，睇嚟我地要死係一齊啦……呀，如果你係洛仔就好啦。」亞瑟吐出了一口鮮血。
手上的Excalibur連著劍鞘一同碎掉了。
她的金髮碧眼漸漸變回了黑色，一個港女的面孔叱，可是依舊有著那一種高傲的氣質。
「你……」
「哈哈，我都話我本來係個ＭＫ妹囉。」
「喂，知唔知係邊個做？」

「唔知，我地應該係世界上最好打嘅人，可以一下ＫＯ我地兩個嘅人根本唔存在。」
「即係……」




「嗯，係神做……」
「喂……」亞瑟說
「嗯？」
「我好凍呀。」
「咁岩嘅，我都係。」
「我地係咪會死？」
「我諗……應該會掛，成個下半身都冇左喎。」
「吓，我唔想到死仲係老姑婆呀。」
「屌，我夠唔想要我老婆守寡，仲有個未出世嘅仔呀，唉。」
「做爸爸啦，恭喜喎。」
「哈～」
意識還剩下多少呢……
「喂，不如你係呢一刻開始做我老公呀，咁樣好似浪漫啲。」
沒錯，亞瑟她正伏在我的懷內。
「我有老婆啦，仲有你唔憎我咩？」




「你呢？」
「哈，又好似唔係太憎，打左咁多年，幾憎都打到淡啦。」
「咪係囉。」
她接著說「喂，可唔可以攬著我，好似愈嚟愈凍啦。」
「嗯。」我盡了最後的力，將手放了在她的背上。
「唔該，真係諷刺呀可，打左咁多年，最後竟然好似一對殉情嘅情侶咁死埋一齊。」
然後，大概是神智開始不清了，我說了那麼一句。
「你唔係我老婆咩？」
「哈，你肯啦咩？」
「當係滿足你最後願望啦，大家咁熟。」
「哈哈，好嘢，唔洗孤獨終老啦我。」
「哈哈，恭喜你。」
「老公～」
「咩呀，老婆。」
「冇呀臨死前想叫一次啫，嘻。」




「傻妹～」
「我叫……琴…琴嘉…呀」
「琴嘉……」
然後我就這樣死去了……
跟一個最了解自己的宿敵，在相擁中消逝，也算是不錯吧。