《再來一次，然後成為英雄》: 23.因果
「喂，心仔？」
「喂，肥成，你而家過一過嚟音樂室，有重要嘢搵你……唔係，應該話我要搵你老豆……釋迦。」
「吓，你……點知架，我即刻到，你等等。」
睇嚟係時侯要介紹下肥仔了，肥仔全名楊日成，表面上係一個普通中產家庭出身，實則佢嘅家族係傳奇嘅聖職者一族，而佢老豆嘅真正身份係大名鼎鼎嘅釋迦牟尼，人稱如來佛祖，一位係大戰之中幫左我好多嘅前輩。只係而家嘅肥成仲係修練當中，所以未開發出能力，而且只當我係一個普通人。
不久，肥成就到了。
「哇，詩詩做咩暈左架，仲有你……」
「時間唔多啦，帶左我去見釋迦先啦，我再慢慢同你講。」
「你到底點知咁多架？」
「你帶我去左先啦。」
「唉，你跟我嚟啦。」
然後我揹著詩詩，來到了一間獨立屋，肥成的家。
「老豆，我同學想見你呀。」肥成對著門前對講機說。
「嗯，我知啦，帶佢入嚟啦。」
然後門打開了，我跟著肥成走進了一個房間，然後一位俊俏的男子正在打坐。
「好耐冇見啦，隨心，你地坐低啦。」俊俏的男子開了口。
我放下了背上的詩詩，讓她平躺在地上。
然後我跟滿臉疑惑的肥成盤腿坐了在地上。
肥成識趣地保持了沉默，而先開口的是釋迦「你真係要咁樣做？」
「嗯，只有咁做，先可以保佢性命。」我說。
「唔……的確，幫你唔係問題，只係咁樣對姑娘而言非常唔公平……」釋迦說。
「我知呀，但要救佢嘅話得呢個方法咋。」我說。
肥成似乎終於按捺不住「我可唔可以問到底發生咩事？」
「日成，你記唔記得我同你講過果一個關於一隻惡鬼嘅故事？」釋迦說。
「記得呀，有一個人因為自己嘅愛人被殺而變成了惡鬼，不停咁殺戮，直至一日，惡鬼比一個一直係佢身邊不離不棄嘅一個女仔感化，惡鬼找回了人性，最後成為左一個為世界和平而戰死嘅英雄，而呢位英雄死果陣感動左上天，比左一次機會佢返去過去，拯救呢個世界。」肥成答道。
「隨心就係果一隻惡鬼，呢位姑娘就係被殺果一位惡鬼嘅愛人。而今次隨心帶呢位姑娘嚟嘅目的係要令姑娘失去同佢之間嘅所有緣份，再無交接，連一滴記憶都唔會留低，隨心會變成佢其中一個普通同學，僅止於此。」釋迦說。
「都衰都係果個上帝，將我啲三魂七魄亂咁砌，搞到我一開始出現左雙重人格，拖左詩詩落水。」我抱怨道。
「你地講真架？」肥成說。
「係呀，唔係我無啦啦點會識你老豆呀。」我說。
肥成似乎要一點時間去消化。
「釋迦，當我求下你啦，得你先可以幫到我咋。」
「嗯，我會幫你，但我要提醒你，未來隨時都會變，尤其係強行斬斷一份咁深嘅緣份，後果會唔會如你所願都係未知之數。而且代價會好大……」
「我點都要試下。」
「好，我幫你，不過呢位姑娘對你嘅執念異常地深，而呢份執念只可以封印唔可以消除，如果唔係恐怕佢會喪失心智，所以就算我斬去你地嘅緣份，都仲要祈求佢呢份執念唔好浮出水面，唔係斷開嘅嘅緣會係一瞬間被修補，而且再斬唔斷，到時候我都愛莫能助，所以你最好唔好再同佢有接觸。」
「嗯，我知道啦。」
然後，釋迦唸了一段咒文，抹走了詩詩心中對我的所有感覺，將詩詩對我的愛和記憶還有她的異能都封印了，然後重寫了我跟她的因果，將我徹底的在她生命中淡化中，我跟她曾經相愛的事，只有在場的三人還有穿越時空而來的星儀和擁有未來眼的人知道。
重寫因果的神技是需要付上代價的，這一次的代價是葉隨心這個存在在其餘的所有平行時空中消失了，換言之，別的時空已經沒有可以戰勝黑化亞瑟的可能，我是名副其實的最後希望了，如果我輸了，活不到下一個歷史收束點的話，所有的未來都將會是一片漆黑。
「多謝你。」
「我都唔知我係幫左你定害左你，你身上纏著嘅因果連我都睇唔透……但正正係因為咁，你先有機會戰勝佢，不竟除左神以外，我睇唔透嘅人就只有你同亞瑟……」
「嗯，我唔會再輸。」
「心仔。」肥成開了口
「咩事？」
「我想做你眷屬。」
「吓？咁突然？」
「嗯，因為睇住自己老死拯救世界，但自己就係隔離食花生嘅話，好似好冇義氣。」
「你會死架喎。」
「今次唔會。」
「咁好啦，釋迦你同唔同意？」
「嗯，呢個都係日成嘅命運。」
然後肥成做了我的眷屬，然後他的第一個任務就是幫我送詩詩回家，而我亦懷著沉重的心情離開了肥成家。
在街上亂逛的我，不知不覺間就來到了星儀的樓下。
我坐在梳化上，深深的嘆了一口氣。
「唉～～～」
然後一雙溫暖的手輕輕地幫我按摩著肩膊，使我放鬆下來。
星儀她並沒有說話，而我心中亦找不到合適的話語。
我……累了。
「我有冇做錯？」
星儀從背後抱著了我「冇呀，咁樣做已經係最好嘅選擇，辛苦你啦。」
啊，星儀說謊了呢，我這樣怎麼可能會沒有做錯呢。
我可是漠視了詩詩的意願然後強行改寫了她的一切喔，記憶還有因果絕對是不應該隨便指染的領域喔，隨便改寫真的可以嗎？
當然不可以呀！所以我錯了。
詩詩她再也記不起我的一切，因為我已經變了一個閒人，這件事本身沒有錯，錯的是為了而傷心的我，什麼呀？明明是自己的決定，甩了人家，刪走了自己的一切然後自己卻在傷心？這不是自作自受嗎？你配得起傷心嗎？葉隨心。
沒錯我不配呀！所以我錯了。
最後，我現在身處星儀的家，星儀的懷裡卻不能自拔地想著詩詩的一切，這個時空的詩詩，平凡人時空的詩詩，在我懷中死去的詩詩，滿腦子都是詩詩的身影，這樣做對得起現在抱著你的星儀嗎？
絕對對不起呀！所以我錯了。
錯誤的我就這樣就被原諒了本身已經是最大的錯誤……
可是既然如此，我要怎樣做才是正確？
我想了很久，然後我察覺了，不管我怎樣做都不會是正確，怎麼做都是錯呀！
然後我想起了那個亞瑟，曾經的王者，傳說中的英雄，末世的魔王……
她真的錯了嗎？
她錯了，因為她發動了戰爭，殺了很多人。
可是，我殺的人也不比她少呀。
她錯了，因為她的下屬殺了詩詩。
可是，我也殺了她的下屬呀。
她錯了，因為她的理想鄉的終焉只有一片漆黑。
然後我發現了，亞瑟的錯誤是源自她的理想鄉。
而我呢，我的理想是大家都平安活著，為此我改寫了詩詩的因果和記憶，所以我錯了。
那麼我跟亞瑟又有什麼分別呢？
既然如此，我憑什麼去阻止她去實現她的理想鄉呢？
我到底為了什麼而戰？
大概是接觸了因果的關係，我迷惘了……