[突發][唔係蛋黃哥]大撚鑊_我一起身發現變左做粒蛋黃: （十八）
「王……王馬門！」我不自覺的叫了出聲。
「陳先生，你返黎啦！」這時的王馬門，他的裝扮雖然和平時一樣，但此刻散發出的壓逼感，卻使我幾乎透不過氣來！
「你……你係度做咩呀？」我艱難的對他說。
「我？你估下！」他邊說邊慢慢的向我走來，直到來到我面前！
我和他相隔只有一步之遙，原本我的應該要較王馬門高大的，但此刻的感覺，他就像一個巨人般，站在我面前俯視著我。
「你……你究竟想點！」我用盡全身的力氣，發出大叫，我肯定這下叫聲，最少能把方圓二百平方米的人都吵醒了！
說也奇怪，就在我用力的發出叫喊後，我竟感到身上的壓力減輕了不少！
果然這個王馬門，應該懂得幻覺甚麼的！
可別小看我，我可是擁有十年高登巴打資歷的人，這點幻覺我可不會害怕！
「估唔到，你居然可以掙脫到我嘅束縛！」王馬門說。
「束……束咩縛呀！你FF上腦啦，上少D高登啦！我唔驚你架，你究竟想點？」我口頭上說不害怕，但顫抖的雙腳，已充份顯示出心底的恐懼！
「睇黎……你仲係咩都唔知喎！不過，呢個都係我嘅錯，點解會咁唔小心揀左你入黎住！唔通……我地真係避唔開……祂！」王馬門說。
「他咩呀他，佢就佢啦！同埋，你果然有心揀我入去住，點解要揀我？」我激動地問。
「你唔知祂……佢係邊個都唔出奇，因為你仲未覺醒！至於點解揀你，只係因為你嘅背景！估唔到，祂……佢居然係有意派你入黎嘅！」王馬門說。
「你講緊乜呀，我一句都聽唔明囉！你無野講我返上樓啦，好眼訓呀我！」我正想移動時，被王馬門阻止了！
「企係度，我講完我嘅說話，自然會俾你走！況且，你根本走唔出我嘅空間，呢度就算係全能嘅佢，都無辨法知道發生緊咩事！你無發現，頭先你大嗌完，居然無人鬧返你，亦無任何人過黎咩？」王馬門說。
的確，剛剛的叫聲，正常在這個舊區裏，不引起別人的注意才怪！
但四周沒有任何人，連流浪狗都沒有，這……實在有點奇怪！
「你信唔信都好，都唔會阻到我！我今次黎，係俾最後一次機會你……同埋我！」只見王馬門從他的公事包裏拿出了一些文件。
「你……你想點呀？」我警戒著。
「呢度，係你嘅身分證副本，同埋你簽嘅租約！仲有，呢度係你交黎嘅六千蚊！」王馬門說。
「咩……咩意思呀你？」我說。
「好簡單，你只要講一句，你同我地之間嘅契約已經取消，我就會消毁你嘅身分證副本同呢份租約！而你俾嘅錢，我都會退返俾你！之後我保證，係我地嘅國度入面，唔會再有其它……人去騷擾你！亦都唔會再係呢一區做任何野，你可以過返正常嘅生活！」王馬門說。
這個選擇聽起來是不錯的，既可擺脫事件，亦可使這一區回歸平靜！
之前拒絕王馬門的要求，是因為不了解他究竟是甚麼！
現在，雖然是半信半疑的狀態，但心底裏，還是不其然把他和魔鬼聯想起來！
而且，就算他不是魔鬼，也肯定他有甚麼奇怪的能力，現在答應他，也是樂得輕鬆！
但是……
「咪住先！我朋友個細佬，係咪俾你地捉左？」我問。
「你朋友個細佬？我唔知你講乜，我地年中捉咁多人，點會記得！」王馬門不以為意的說。
「我朋友個細佬，就係之前住係同一個單位嘅人！你一定知係邊個！」我激動地說。
「哦，上一個租客呀！我記得佢！呢個時間，應該仲可以捱多一兩日嘅！」王馬門看著手錶說。
「你放返佢出黎！我就應承你！」想起于珊哭泣的樣子，我實在不能就這樣抽身離去！
「哼！你唔好諗住討價還價！我地捉左嘅人，係唔會放返出黎！」王馬門提高了聲線，一種無形的壓逼感向我襲來！
「如如如果係咁，你唔駛旨意我應承你！我已經拎左我身上D粉末去化驗，我有咩事嘅話，佢就會將我嘅野同埋化驗結果公佈出黎！你地一樣無運行！」反正我不答應也是要死的，我就豁出去了！
「化驗結果？公佈我地嘅事？哼！你根本咩都唔明白，呢D野我地根本唔在乎！我地只在乎我地嘅計劃能夠順利進行，先好聲好氣同你講！你唔好以為有祂睇住你就會無事！我地一樣有辨法暪過祂！呢個係你最後一次機會！選擇啦，係應承我地，搬離呢度，確保你同呢一區嘅安全！定選擇唔搬出去，同我地為敵！」王馬門說話時，四周刮起不尋常的狂風，使我連話也幾乎說不出來！
「我！係唔會應承你！」我閉上了眼睛，抵抗著那種壓逼感，拒絕他的要求！
下一剎那，我感到四周恢復了平靜！
我慢慢的睜開雙眼，發現王馬門已經不見了，而在不遠處，看見了數隻流浪狗在徘徊！
剛剛的……真的是現實嗎？
我稍為冷靜下來後，便跑回自己的房間中！
進到房後，我只感到全身都在顫抖著，比起實際受到傷害，剛剛那種無形的壓逼力，更令我感到恐懼！
就在我顫抖著的同時，我的手機發出了聲響，把我嚇得跳了起來！
我離遠的看著手機，好一會兒後，才敢把手機拿起！
原來是于珊給我的訊息！
「你返到去未呀？小心D呀！返到記得話我知！同埋，記住鎖門同搵野頂住度門呀！」
我看著這個訊息，人也感到安心下來！
於是，我鎖好大門，然後又把櫃子搬到門前，才回覆于珊！
「我岩岩返到啦！去左便利店同個同事傾計，依家去沖涼！你訓先啦，我臨訓前會再影相話你知！」這段仿似情侶般的對話，若給別人看到，大概也會誤會吧，只是現在我實在沒有這個心情去FF！
洗好澡後，只見于珊已回覆了我。
「我未眼訓住，岩岩同Vicky傾緊計，佢話有D測試已經有結果！但佢要聽日先返到去睇結果！」
「咁快手？咁聽日一齊去睇結果啦！」
「係呀，咁聽日你醒左就Whatsapp我啦！」
「OK，聽日見！」
我放下手機，仍在思考究竟應否把見到王馬門這件事告于珊！
畢竟整件事並沒有提供任何新的資訊，但……還是先告訴她比較好吧！
「呀，呢間房真係好鬼熱呀！」我打開了冷氣，讓涼風吹拂著我！
「總算舒服D！不過已經開左五日，王馬門警告過我唔好開超過五日，聽日後日點搞呀，咁鬼熱！唉，唔理啦，同于珊講返我見到王馬門先！」
我拿起手機，開啟了Whatsapp，準備把整件事告訴于珊！
就在我開始打字的時候，我感到非常累！
這不尋常的感覺迅速侵襲全身，我的眼皮正慢慢閉上！
我只記得，我輸入了「我頭先見到王馬」之後，便失去了意識！也不確定有沒有送出這個訊息！
然後，當我再次醒來時，我便發現，自己的身體變得非常奇怪！
對，正是故事開始時，所提到的一樣！
我變了一粒蛋黃！
「What the fuck！！！！！！」我大叫著，但不知道究竟自己有否發出任何聲響，畢竟，現在我只是一粒蛋黃！
我不懂如何解釋給各位知道，我是如何知道自己現在的狀態！
我只知道，我真的變了一粒蛋黃！
而包裹在我外面的，除了蛋白外，就是一層堅硬的外殼！
我花了好一些時間，才掌握到，如何透過那層厚重的外殼，看得見外面的景物！
與此同時，我不知道我是否成長了！
當我看得同東西的同時，我感到自己也聽得到了，也能發出聲音！
但看來還不能自如的行動！
那當然了，昨天晚上我還好好的一個活人，有手有腳！
現在只能靠蛋殼去移動，還動不了也不能怪我吧！
不，現在不是想這些的時候！
眼前除了一個廣闊的白色空間外，在我四周的，都是一隻又一隻的雞蛋！
真的是蛋！全部都是蛋！
然後，我還沒有弄清楚發生甚麼事情，便聽到其中一隻雞蛋對我說。
「喂，細路，你新黎架？黎到都唔同大佬打聲招呼？」
天啊，全能的高登巴打絲打老納方丈，我……應該怎麼辨啊？