[突發][唔係蛋黃哥]大撚鑊_我一起身發現變左做粒蛋黃: （九）
于珊離開後，我很快的睡著了。
只是，在睡眠期間，我一直處於半夢半醒的狀態！
我聽到有很微弱的聲音在我腦中響起，好像不斷地呼叫著救命！
當我快要被這些聲音吵醒的時候，那聲音卻突然變了！
「逃走！」
話音剛落，我被這聲音驚醒了！
醒過來的我，發現自己整個人都是汗水，額頭上的汗水慢慢的流下，遮蓋了我的眼睛，好不辛苦！
我下意識的想用手把汗抹走，才發現自己的手移動得有點困難。
我定睛一看，才發現自己的雙手前臂，佈滿了白色的灰點！
不！準確點說，是佈滿了白色的硬殼！
我嚇得整個人都清醒過來！
「哇！屌呀！搞乜撚呀？」我稍微用力移動雙手，雙臂像破殼而出一樣，令那些白色東西變得碎裂。
我站了起來，看著滿床滿地的白色碎片，完全不知道應該怎樣做。
然後，才記起于珊跟我說，可以拿這些東西進行化驗！
我才慢慢的把這些白色的東西收拾起來，放進一個透明袋子裏！
由於手臂還殘留著那些白色的東西，我只好先洗澡，然後才去吃晚飯！
換好衣服後，我才記起于珊說過，如果有任何情況，她會告訴我。
於是我把手機打開，卻發現有無數的未接來電。
然後我打開Whatsapp，發現有數個訊息。
「我到了，搵到王馬門再話你知！」10:02
「奇怪！佢地話無王馬門呢個員工！佢地亦都無做你楝大廈嘅租盤！」10:15
「我周圍打聽，都無人識王馬門呢個地產經紀，好古怪！」10:41
「俾我問到D奇怪野！D地產經紀話你住果楝大廈，近呢幾年都無人放租，亦都無人買賣！如果真係要租，可能係同業主直接買賣！會唔會王馬門就係呢楝大廈嘅擁有人？」11:03
「問唔到野，可唔可以借間房我休息下呀？」11:28
然後，她應該致電給我兩次，但我實在太累，完全沒有察覺！
「你應該仲訓緊，我決定去你楝大廈問下其它住客，睇下知唔知王馬門呢個人！」12:00
「小明，我黎到你屋企門口啦！我發現成楝大廈除左你之外，都無人住咁！我依家上多幾層搵下有無人！」 13:04
「我發現有個男人鬼鬼崇崇咁，我決定跟上去！」13:06
「佢佢佢人竹女火戈木竹戈@!#!$!@%@#」14:08
這個便是最後的訊息了，而在最後一個訊息之前，于珊曾多次致電給我！
該不會發生了甚麼事情了吧？
我二話不說，致電給于珊！
「你所打嘅電話暫時未能接通，請你遲D……」我致電了數次，但也是接駁到留言信箱！
然後我嘗試傳訊息給于珊，但只是顯示一個灰色的剔號！
「唔係卦，佢唔會有D咩事卦！」我感到少許不安，不知道應怎樣做！
「應該無事嘅！應該無事嘅！唔好嚇自己！」我安慰著自己，然後離開這個房間。
站在門口前，我凝視著上方。
「于珊話佢會上幾層望下，佢會唔會仲係上面？」
我吞了吞口水，正準備向上走的時候，卻被一把聲音制止了。
「咦，陳生，你係度做咩呀？」一把熟悉的聲音在我背後傳來。
我回頭一看，這不正是王馬門嗎？
「咦！王馬門！點解你會係度架？」我驚道。
「無呀，今日有幾個租客夠鐘交租，咪過黎收囉！」王馬門說。
「咁奇怪嘅，你親自上黎收租都有？」我說。
「有幾奇者，呢度D租客都好似你咁，係交Cash俾我架啦！你可能少租樓唔知道，其實咁樣做好平常！」王馬門說。
「係……係咁架咩？呀，唔係喎，你話D租客打俾你？我尋日打過俾你，話無人用呢個號碼架喎！」我說。
「係咩？無理由架，你俾我睇下你打邊個號碼？」王馬門說。
我下意識的把卡片交到他的手上。
「呀！原來係咁，唔好意思呀，我轉左公司，呢張係我舊公司嘅卡片黎！唔怪得你搵我唔到啦！」王馬門露出一個難以理解的表情說。
「舊公司？就當你舊公司，都無理由電話都轉埋架？」我質疑他。
「哦！無呀，呢個電話係舊公司出俾我嘅，我自己個電話就無轉過！」王馬門說。
「咁……你俾你張新卡片我呀！」我說，我仍然對他有所懷疑！
「好，無問題！」王馬門從他的公事包裏拿出一張卡片，上面寫著另一間公司的名字和電話。而在他拿出卡片時，我隱約聽到好像有一點嘴嚼聲從他的公事包裏傳出來，大慨是錯覺吧！
「呢個無錯啦嘛！咪啦，等我試下先！」我拿出電話，跟著卡片上的電話號碼撥出。
數秒後，只見王馬門從褲袋裏拿出一部手機，這部手機發出響聲的同時，他接了來聽！
「喂！」我小聲的，透過手機來說話。
「我係王馬門！」然後，從手機裏傳來王馬門的聲音，看來這次的電話是真的了！
我掛上了電話，內心充滿了疑問，真的是純綷給錯卡片這麼簡單嗎？
「係啦，間屋住得舒唔舒服呀？」王馬門問。
「吓？哦！都幾舒服呀！」我說。
「住得舒服就好啦！記住呀，一個星期千祈唔好開多過五日呀！」王馬門說，我不自覺的打了個冷顫。
「知……知啦！」我小聲回應。
「咁我去收租先啦！」王馬門越過我，慢慢向上移動！
「我……我可唔可以同你一齊上去，我都想同D鄰居打招呼！」我說。
只見王馬門回頭看著我，眼中像是閃過一絲殺意，然後又回復了平靜。
「咁好似唔係咁好喎，陣間個客以為我帶D咩人上去就麻煩，如果你要打招呼，不如等我走左先打啦！」王馬門說。
「都……都係嘅！咁好啦，我唔阻你啦！」說完後，我裝作向樓下移動，卻襯他不注意，靜靜的尾隨著他！
畢竟我還是很介意于珊的訊息，她說這裏沒有其它人居住！
但王馬門卻告訴我是來收租的，真相只有一個，我要自己找它出來！
我慢慢的跟在王馬門後面，只見他停在某個房間面前，敲了敲門後，隱約看見一個衣著性感的女郎打開了門。
「夠鐘交租啦！」王馬門說。
「又咁快交租？遲下先啦！」一把誘人的聲線傳來，聽得人骨頭也要溶化了似的。
「唔得呀，我要交數呀！」王馬門說。
「衰鬼，唔好咁啦，入黎慢慢傾啦！」那女人好像抱著王馬門，強行把他拉進房間裏。
「你要遲交都得，俾D利息黎先啦！」從門外隱約聽見王馬門這樣說。
「死淫蟲，唔怪得叫我唔好跟住黎啦！原來有特別服務！浪費我時間！」我一邊感到洩氣，原來真相竟是這樣，另一邊則是感到氣憤，怪于珊欺騙了我！
這一刻起，我心底裏已認為，于珊要不是個瘋子，要不便是在玩弄我！
雖然不知道她的目的是甚麼，但此刻我已完全忘記了發生過的怪事，只想著一切也只是于珊對我的惡作劇！
殊不知在我離開這楝大樓時，王馬門正在大樓裏靜靜的看著我。
離開大樓時，我手上還拿著早上收拾好的白色灰塵！
原本我也想拿這袋東西去化驗的，但一想起這是于珊的提議，我便氣得把這袋垃圾隨手丟棄了！
結果，我又如常的來到茶餐廳。
「坤叔，豆腐火腩飯，加一支青島！」我說。
「小明今日晏左喎！火腩飯無問題，但係我地無送青島啦喎，飲返奶茶咖啡啦！」坤叔跟我說。
「吓，唔係卦，咁黑仔？唉，是旦啦！照黎支青島啦，今日想飲酒！」我氣憤地說。
「收到！」坤叔隨後便把火腩飯和青島送過來。
我快要吃完飯時，坤叔如常的來跟我搭話。
「點呀小明，好少見你會主動嗌酒喎！失戀呀？」坤叔笑著說。
「失戀？都未戀過又點會失戀？唉，呢期我真係好黑，無啦啦仲俾個癲婆玩！」我頹喪地說。
「俾人玩好小事者，我日日都俾我老婆玩架啦！」坤叔說。
「唉，唔好講笑啦坤叔！我真係夠煩架啦！」說完後，我又把杯中的青島一飲而盡。
「不過小明呀，你唔好怪坤叔多事呀！我係呢區咁耐，真係有咩怪事未見過，加上坤叔我以前都玩過下D面相呀，掌相呀，道家法家佛家我都有涉獵過！你唔介意嘅話，等坤叔贈你兩句呢！」坤叔說。
「吓？是旦啦，你唔收我咩風水錢就得架啦！」我不以為然的說。
「講呢D，我又係靠呢D呃飯食，梗係唔收你錢啦！等我睇下，你兩目無神，臉色灰暗，加上額頭間烏雲密佈！呢期你應該做咩都唔順利，仲分分鐘會撞鬼添！」坤叔說。
「吓！唔係咁大鑊呀？」我驚訝的道。
「你咪嘈住先，再大鑊D都有呀！」
只見坤叔目光如炬的看著我，仿佛要把我的內褲也看穿似的！
究竟，他看到些甚麼呢？