[突發][唔係蛋黃哥]大撚鑊_我一起身發現變左做粒蛋黃: （八）
「哇，好飽！」我捧著肚子說。
「係喎，估唔到茶餐廳咁抵食！廿零蚊隻炒蛋大過我塊面，我係英國食早餐都無呢D野食！」她說。
「不如我地講返正題啦！」孤男寡女共處一室，正事仲唔係……
「無錯，都係時候講返我細佬單野！其實我已經將大部份嘅野講左你聽！你可唔可以諗下，最近呢區有無咩奇怪野發生！又或者，有無任何奇怪野發生係你身上！」于珊問，我的妄想落空了！
「其實……自從我搬左入黎之後，真係發生左幾多怪事！」我回憶這數天的事，身體不禁微微顫動了一下。
「真係？係咩怪事呀？」她捉著我的手說，我頓時紅都面晒。
「我……我慢慢講返你知啦！」
於是，我把這數天以來，在便利店遇到消失的性感女郎，公事包追雞蛋和公廁裏會說話的雞蛋的事件，都告訴了于珊！
正常情況下，聽到我說這些話，不致電警方把我拉到精神病院，也至少會逃離這個房間吧！
畢竟我剛才說的，除了瘋子外，還有甚麼人能說出來！
但是，眼前這位美女，竟然低頭沉思我那近乎瘋狂的遭遇，這百年難得一遇的情況，真是，真是，真是……
「真係好熱，等我開冷氣先！」我說完後，便把冷氣機打開，感到一陣涼風吹送出來。
「哇，你部冷氣咁勁嘅，一開就咁涼爽！」于珊說。
「係呀，堅勁，仲唔駛錢，邊度搵先得架！」我說。
「不過，呢度真係好有問題！咁平租，又唔駛水電煤，又唔駛交成年嘅租，簡直係引人黎住咁！」她說。
「唉，有事都無計，咪又係要住！係呢，你諗唔諗到D咩呀？」我問。
「諗唔到呀，原本諗住聽完你講會有D頭緒！但睇黎都無咩發現，唯一肯定左嘅，就係呢間屋應該有問題！你住左幾日，有無發現有D咩奇怪？」她問。
「等我諗下先！都有嘅！我記得一開始黎到呢度，就聽到有D怪聲！果種聲就好似D人細細聲傾計咁，但當時隔離屋根本無人，所以無可能係隔離傳過黎，一定係我間度傳出！不過，其實每日返到黎都攰到死，可能係我幻覺都唔奇！另外，呀，我都好似你細佬咁，每朝起身發現自己身上面有D白色嘅野！我自己就覺得果D白色野似殼多過似灰！」我說。
「白色殼？咁你有無留返低D殼呀？」她問。
「我無呀，朝朝早沖涼沖走晒！」我說。
「如果你再有呢D殼出現，你記得唔好掉或者沖走，可以拎去化驗下係D咩黎，起碼多一樣線索！」她說。
「都好喎！我即管留意下啦！但係，我地係咪等於無任何野發現到？」我問。
「現階段都係啦！不過，我地仲有最後一個線索，就係租屋俾你果位經紀！」她說。
「呀！係喎，差D唔記得原本上黎就係為左搵返果個經紀出黎！你等我一陣，我摷下先！」我說，然後在僅有的抽屜裏尋找著那經紀的卡片！
「好！我搵到啦！」我把卡片交給于珊。
「王馬門？佢咪係高登留言果個人？」于珊驚道。
「係呀，不過可能係俾人借刀，應該無人夠膽用自己名開高登卦！」我說。
「咁……你都講得岩嘅！不過重點係要搵到佢出黎先，佢應該最少會知道細佬嘅事！」她激動地說。
「咁你快D打俾佢啦！」我催促于珊，畢竟我也想知道她弟弟的事情，是否和這個房間有關呢？
「好，你等我一陣！」只見于珊拿出她的手機，根據卡片上的電話號碼撥出。
「你所打嘅電話號碼未有用戶登記，Your……」于珊開了擴音器模式，卻出現了這句錄音。
「吓！無可能架喎！點解會咁架？」我驚訝的道。
「你唔知點解嘅話我更加唔會知！」于珊也感到奇怪。
「你會唔會入錯電話，再試下啦！」我不相信這是事實，拿了于珊的手機和經紀的卡片，再次輸入電話號碼。
「你所打嘅電話號碼未有用戶登記，Your……」
「又係咁？無可能架喎！」我不能相信這是事實，那我要交租的時候應該怎樣做？
「你係咪呃我，求其俾個電話我？」她開始有點動怒！
「痴線，呃你有獎咩！係嘅話我一日唔撚理你就得啦，駛撚帶你黎呢度咩！」我想保持應有的禮貌，但我這輩子最討厭的便是給別人屈，所以不禁激動起來！
只見于珊呆呆的看著我，大慨是想不到我會突然動起氣來！
我覺得氣氛有點尷尬，想開口跟她道個歉，正當我準備說話時，于珊突然開口！
「你……聽唔聽到呀？」她說。
「吓？聽到D咩呀？」我問。
「有聲，好微弱好微弱嘅聲音，好似係度求救咁！」她閉上眼，聚精會神的聆聽著。
「唔係卦，我咩都聽唔到嘅？」我也嘗試閉上眼，但真的甚麼也聽不到！
「呢把聲！係我細佬！細佬，你係邊呀？家姐黎左救你啦！」她突然激動起來，並自言自語著，感覺有點嚇人！
「你講咩呀？咩細佬呀？你細佬無啦啦點會係度？」我對他說。
「無咗！佢把聲消失咗！細佬！細佬！」她眼角流出點點的眼淚，像真的聽到她弟弟的叫喊聲！
在我看來，她更像是一個瘋子！但……這兩天的事還不夠瘋狂嗎？
我選擇相信她！
「你冷靜D先！你聽到D咩，你講出黎，我地再睇下有無咩線索！」我輕搭著她的肩膊，然後跟她說。
「我……我淨係聽到我細佬嗌『家姐！家姐！救我呀！』，呢把聲出現左幾次之後就無左啦！」于珊頹喪地說，精神異常低落。
「你冷靜D先！如果頭先真係你細佬把聲，最少證明佢真係無事，你仲有機會幫佢！如果頭先把聲係假嘅，你根本唔駛擔心！兩個情況都無損失架！」我說。
她呆呆的看著我，像在思考著甚麼。
「無論你細佬咩情況都好，你咁嘅狀態係幫唔到佢架！」我說。
「係，你講得岩！但我地依家唯一嘅線索，王馬門，我地根本搵佢唔到！」雖然她看似好了點，但明顯沒有一開始那般的精神！
「你唔駛擔心，電話搵佢唔到者，我地可以去佢間公司度搵佢架嘛！」我指著卡片上的地址說。
「係喎！點解我諗唔到！事不宜遲啦，我地依家行啦！」她像看見曙光一樣，馬上變得精神起來。
「好，我地行啦，哈欠！！！！」我實在很想陪她去找王馬門，但精神狀態看來不太容許我這樣做。
「呀，係喎，唔好意思，唔記得左你無訓過覺添！」于珊不好意思地說。
「唔緊要，哈欠，我得架，哈欠，我陪……陪你啦！」不行了，睡意襲來的時候，根本阻止不了！
「唔好啦！你訓下啦，你夜晚仲要返工！我自己去得啦！嗱，我影低張卡片，有地址我會搵到架啦！我調查完之後，今晚去便利店搵你，話返俾你知個情況咪得囉！」她說。
「吓，但係……」除了有點擔心外，我確實有點想多陪她一下，但精神上卻不容許我這樣做。
「唔駛但係啦，嗱，呢個我個電話，我幫你Save低左，有D咩事我地Whatsapp對方咪得囉！我會Share返自己去左邊俾你睇架啦，咁就唔駛擔心啦！而且，這間公司有名有姓，應該不會有咩危險嘅！」她說。
「咁好啦，我真係好攰，陪唔到你啦！我醒返之後再搵你啦！你自己小心D！哈欠！」我已無法思考現在的情況，真的太想睡覺了！
「咁好啦，唔該晒你啦！今晚見啦，小明！」
她跟我道別後，我實在累得不行了，很快的躺在床上沉沉睡去。
今晚，她會給我帶來一個好消息嗎？