［人性/有甜］- 屍•家•馬鞍山（隔日更新）: Chapter 584 - Dickson 的去向

「妳咁講係咩意思呢？」我緊張地追問著 Clara。

「哈哈！咩意思？」她喝下一口酒，還抽了一下煙後說道，「你係真唔知定假唔知呀？」

我洗耳恭聽...

「呢個 Dickson，一直留喺我哋隻遊艇上面，日日風流快活啦！」Clara 指著遠處的海邊說道。

「吓...」我立刻衝往欄邊往外望，卻只看到漆黑一片。



「乜都睇唔倒喎！」我向她回應道。

「咁夜，乜人都訓曬啦！仲等你咩！」Clara 看來有點不耐煩，「嚟啦，快啲陪我繼續飲啦！」

我再望向那個方向，但還是漆黑的一片。

沒有辦法，只好再跟 Clara 暢飲。

「咁妳點知道 Dickson 佢喺嗰度？」我喝了一口啤酒，便再次向她追問道。



「嘿嘿！你真係好想知喎...」Clara 滿臉通紅地答道，「好！見你咁熟，我就靜靜雞話你知啦！」

「阿光有個望遠鏡，而家放咗喺我間房度...」她慢慢地靠過來，在我耳邊說道，「我頭先就係用佢見倒嘅...」

聽罷，我立刻飛奔去她的房間之中。

但當我走到一房間之前時，我卻忍不住要把腳步停下。

面前這一個，便是 Vicky 的房間。



究竟，她有否跟阿聰，做過一點越軌的事情？

想著想著，耳朵便漸漸的跟房門貼上。

「咔嚓...」可事不湊巧，房門竟然在這個時候被打開。

我立刻對雙腿運勁，才不至於失去平衡，跌倒在地上。

「阿 Roy？」Suki 以奇怪的神情看着我問道，「你喺度做緊啲乜呀？」

「我...」我該如何回答？

「嘿嘿！我知喇...」Suki 探出頭看著我道，「你想聽吓 Vicky 有冇對你唔住哩？」

「我... 我祗係咁啱經過之嘛...」我只好勉強以此為藉口。



「哦！咁好啦！」Suki 隨即步出房間，「唔該借借，我想去 toilet...」

我立刻把握機會，窺看房裏面的情況。

阿聰雖然仍在房中，但他只是席地而睡。

反之，Vicky 正安穩地睡在大床之上。

「唔使望喇...」Suki 不屑地回頭向我說道，「你估 Vicky 會好似你咁咩！」

說罷，她便頭也不回的繼續往前走。

「Suki... Suki...」我立刻走到她的身後，「唔該妳幫幫我吖！」



「你又想我點呀？阿 Roy 少？」Suki 看來十分不滿。

「我...」想不到，我竟然開不了口。

「你唔好話我聽，你諗住叫我幫你睇實 Vicky 喎！」Suki 質問道。

「吖... 係...」我尷尬地答道，「咁妳可唔可以幫我？」

「吓！你都幾厚面皮嘅喎！」她仍是有點不滿。

「Suki 姐，我求你幫吓我啦！」我半蹲在她面前，再三哀求道。

「哼...」她的態度看來有點軟化，「她憑咩叫我幫你吖？」

「就憑我... 對 Vicky 係真心嘅！」我咬緊牙關地答道。



「哈哈！我真係唔覺喎～」Suki 譏諷道，「你啲女多到，十隻手指都數唔曬啦！」

「我知道我唔抵幫，不過有啲嘢，係連我自己都控制唔倒...」我誠摯地解釋道，「就好似頭先咁，Irene... Irene 佢比喪屍𢱑傷咗，只有我可以救倒佢...」

「咁嗰個 Aki 呢？」Suki 追問道，「佢唔係中咗乜嘢病毒喇嘛？」

「係！我認我衰...」我只好認錯，「不過，一直以嚟，我都係真心愛 Vicky 㗎！」

「嘿嘿！不過你除咗 Vicky 之外，仲有好多好多女朋友呢！」Suki 看來沒有放過我的打算。

「總之，我最愛嘅，只會係 Vicky！」我斬釘截鐵地答道。

Suki 一時沒有回應...



「好... 我可以答你，Vicky 同阿聰應該冇嘢嘅...」Suki 想了一下後回應道，「不過，而家冇嘢啫，我唔擔保以後都唔會有嘢...」

「呢樣就要睇你，之後對 Vicky 點喇！」Suki 補充道。