［人性/有甜］- 屍•家•馬鞍山（隔日更新）: Chapter 583 - 一枝煙

我若有所思般沿著走廊前進，內心卻是一片空白。

為何，強烈的內疚感會突然湧至？

究竟是什麼觸動了我，那一早已經埋沒了的良心？

走著走著，便走到了二樓的露台上。

一個口吐著煙霧的身影，正倚伏在欄邊，往遠方凝視著。



「Clara？」一向靈敏的 Clara，卻竟然沒有發現那，靠近到身旁的我。

「哦？阿 Roy...」她的眼神帶點恍惚，「係你呀？」

「要唔要整飛？」她毅然遞上了一包香煙，「喺屋入便搵嘅...」

我有點猶豫，因為我沒有吸煙的習慣。

但想了一會，我還是拿出了一根。



「叮...」清脆的火機聲響起，嗆鼻的煙霧便隨著呼吸，一直從咽喉直竄肺部。

「咳咳咳...」看來，我完全無法駕馭這吞雲吐霧的感覺。

「嘩！乜你咁渣㗎，哈哈！」Clara 立刻嘲笑著我，「飲番啲嘢喇...」

Clara 遞上了一罐啤酒，我亦不加思索，便灌到了口裡去。

「嘿嘿！你唔驚我落咗春藥咩？」Clara 趨前看著我說，「我同你好似有啲嘢未做完喎～」



隨著她的靠近，濃濃的酒氣亦撲鼻而來。

我打量了一下四周，發現已經有數個空空的啤酒罐，被棄置在地上。

「妳醉喇... 我陪妳返入去先...」我隨即攙扶著她。

「我冇醉！」豈料她卻一把將我推開。

「我問你，你一直生存到依家，係為咗啲乜嘢？」想不到，Clara 竟然問了一個這樣深奧的問題。

「吖...」而我，一時也無法回應。

「當初我接受呢個任務，唔多唔少係比 James 影響...」Clara 開始娓娓道來，「但係... 阿 James 又...」

說到這裏，Clara 又再拿起啤酒灌下。



我依稀記得，James 便是之前在富寶被人殺害，與 Clara 充作夫婦的拍檔。

「算啦，人死不能復生...」我只能以平常心般安慰著。

「算？我點算呀？佢係我未婚夫嚟㗎！」Clara 吼叫著，「佢就咁揼低我，得番我自己一個...」

看來，她真的喝醉了。

否則，她決不會將心底話告知。

「都唔係吖，妳仲有一班隊友撐妳㗎！」以防萬一，我要確定妳真的喝醉，才決定是否進一步去問，一些更深入的問題。

「哈哈！隊友？」她不屑地答道，「唔好話佢哋只係聽命於組織，就算真係傾得埋，你都唔想交心...」



「就算你同人混熟咗，佢都會一個一個咁離開你...」說罷，Clara 將啤酒一飲而盡。

想不到，光哥的事情影響她那麼深。

「酒呀！我要酒呀！」Clara 一把將手中罐擲掉。

雖然知道她不應該再喝，但我還是把新的一罐啤酒遞上。

「咯...」Clara 拿起啤酒，便毫不猶豫的往嘴裡倒。

「光哥嘅事，我好對唔住...」我想，應該再為此向她道歉。

「嗯...」她只是淡淡的回應，「生死有命，只可以怪佢唔好彩...」

「嚟，飲啦！」Clara 竟舉罐向我說，「當係敬阿光嘅...」



「佢而家，個情況點呀？」我亦有點擔心他的情況。

始終，他現在的情況，不多不少亦因我而起。

「阿光佢... 應該過唔倒今晚...」Clara 說罷，又再大大的喝了一口。

「......」我一時也說不出話來。

「你唔洗咁內疚喎～」她打量著我說，「嚴格嚟講，佢唔算係你嘅同伴...」

「同埋佢冇諗清楚對方係邊個就攻擊，佢自己都要負番一定責任。」她進一步安慰著我說。

「多謝妳...」我只好向她道謝。



「不過點都好，起碼仲有 Dickson 夾得埋吖...」我想，是時候進一步試探一下。

「哈哈！嗰個 Dickson...」Clara 不屑地說道，「佢而家應該喺隻遊艇上面，同啲女風流快活緊啦～」