［人性/有甜］- 屍•家•馬鞍山（隔日更新）: Chapter 585 - Suki 的思念

「無論點都好，我都多謝妳先...」我向 Suki 道謝。

「嗯...」Suki 只是輕聲回應，「不過好彩阿 Keith 一啲都唔似你，四處留情...」

雖然我心裡明白，但我亦無謂將真相告知。

「話時話，唔知阿 Keith 而家點呢？」Suki 突然說道。

看來，她真的十分想念 Keith。



但她這樣卻令我感到有點無地自容，因為身為他親哥哥的我，竟也沒有特別去留意他的情況。

可能，直覺告訴我他不會有事。

只好這樣去為自己開脫...

「雖然暫時未搵倒佢，但係我好似感覺倒，佢係唔會有事...」我堅定地答道。

「嗯...」Suki 看似仍有所牽掛，「總之，多謝你...」



「吖！」Suki 突然回頭說道，「我會幫你... 因為見倒你，就好似見倒阿 Keith 一樣...」

她停頓一下後說道，「我真係希望，你同 Vicky 可以喺埋一齊...」

「嗯... 我應承妳...」我誠懇地答道，「我一定會好好對 Vicky 嘅...」

「嘿嘿... 聽住先啦！」Suki 報以微笑後，便轉身離開。

於是我繼續前往 Clara 的房間，拿取望遠鏡後便返回 Clara 所在。



「嘩！乜你攪咁耐㗎？」看似半醉半醒的 Clara，半合著眼向我問道。

「哦，我撞倒 Suki，同佢傾咗幾句...」我一邊説著，一邊已急不及待的提著望遠鏡向外觀看。

雖然望遠鏡設有夜視功能，但由於船艙內的情況被窗簾遮蓋，而船外又沒有任何人的蹤影，這使我無法解認 Clara 所言非虛。

看來，我只能等待天亮後再觀察。

「咁而家，你答得我個問題未？」Clara 突然向我追問。

「哦？」我彷彿已經忘記了，她所問何事。

「我問你，你一直生存到依家，究竟係為咗啲乜嘢呀？」她再次提出問題。

究竟，她是否真的已醉？



「我諗，我係要保護自己心目中，重要嘅人...」我想，這是心底裡的答案。

「嗯... 可以有值得守護嘅人，係一件好事...」Clara 說得有點感觸。

很明顯，她仍掛念著已故的未婚夫。

說罷，她又再次醉得不醒人事...

既然無法在 Clara 身上知道更多，我只好為她蓋上一件衣服後，便先行離去。

「阿 Roy...」原來，Clara 並沒有睡去。

「你... 之後要打算點做？」她追問。



「哦？我唔係好明妳嘅意思...」我想確定一下她的所問。

「嘿嘿... 我嘅意思係，你打算番你個老豆同細佬度，定係...」她挨近我問道，「加入我哋個陣營？」

她的一言令我感到吃驚...

究竟，她知道的，究竟有多少？

「妳講咩呀？我老豆一早已經唔喺度啦！」我反駁道。

「超！你唔洗喺我面前扮嘢喇！」Clara 不屑地答道，「你老豆根本就未死，佢仲係... 仲係異生教嘅教主添！」

雖然這可說是預計之內，但由她的口中道出，卻又令我感到有點不安。

「佢哋不斷壯大勢力，睇嚟好快，佢哋就會作出行動...」她進一步解釋道。



「作出行動... 即係點呀？」我追問道。

「佢哋一早已經有稱霸世界嘅決心...」Clara 答道，「而家，只係等緊一個好時機...」

看來，那些集結的喪屍，那隻石頭怪，真的是為了這終極一戰。

不過，我又應該怎樣做？

「咁如果要阻止佢哋，我又可以點做？」我借勢問道。

我想，她還是要我加入她們吧！

「唔...」想不到，她竟沒有立即回答。



「其實...」她貼近我耳邊說道，「我都唔知可以點做...」

這一刻，我實在無法理解她心中所想。

「妳... 咁係乜嘢意思...」我想問過明白。

「我... 其實都唔可以幫倒你...」Clara 答道，「因為我開始懷疑，自己一直做緊嘅嘢，倒底係啱定錯...」

她的神情，看似有著不少的委屈與事情，包含在其中...