［人性/有甜］- 屍•家•馬鞍山（隔日更新）: Chapter 532 - 恐嚇

「吖... 都唔算好近，行去都要十至十五分」阿聰答道，「不過點解咁問？」

「嗯... 你試諗吓，西貢同馬鞍山嘅陸路，基本上都已經比政府封鎖曬...」我回應道，「所以要入封鎖區入面，理論上只係得水路行得通...」

「不過，先唔好講班人點可以瞞住其他人，將你哋捉上車帶走，最重要嘅係，要由學校運你哋去海邊，再喺唔俾其他人發現嘅情況下，將你哋送埋上船，都有一定嘅難度。」我補充。

「嗯...」Vicky 點頭表示贊同，「或者佢哋用密斗貨車，直接揸入學校裡面，將暈咗嘅你哋搬曬上車先，跟住再去碼頭送你哋上船...」

「呀！如果唔想比人發現，唯有喺半夜行動...」我亦好像想到了些頭緒。



「唔怪得佢要襯食晚飯時間，先去捉我哋...」阿聰亦附和道。

「不過話時話，我哋琴晚坐船入西貢嗰陣，沿途都冇人封鎖...」我提出自己的觀點，「原來根本就係有人刻意安排...」

「照咁睇，佢哋今晚都有可能經水路運啲人入嚟...」Vicky 推論道，「所以...」

「如果要準確咁搵出異生教嘅所在，呢個會係一個好好嘅機會。」我忍不住興奮地搶答道。

Vicky 點頭認同，只是阿聰好像有點摸不着頭腦。



「異生教？好似未聽過...」阿聰說道。

「捉你哋嚟嘅嗰班人，應該就係異生教派嚟嘅...」於是，我向他簡述了一遍，關於異生教的背景和所作所為。

當然，我告訴他的只是皮毛而已。

「我諗我哋要返番去，聯略 Clara 今晚一齊行動。」我向 Vicky 說道。

「嗯... 始終我哋盲目咁搵唔係辦法...」Vicky 和議道，「搵倒異生教嘅竇，至少都知道其他人會唔會喺佢哋手上先。」



「不過，阿聰佢哋係咪留喺度？」她問道。

我打算待會便回去跟 Clara 商議，以趕在黃昏之前部署好。

那只好暫時把三人留下，讓 Vicky 跟我回去。

「咁比佢哋暫時留喺度先，我同妳返去同 Clara 會合。」我向 Vicky 說道。

「吖... 我諗個 Miss 仲需要人照顧...」Vicky 看著 Miss Fung 説道。

仍然不醒人事的 Miss Fung，確實需要別人照顧。但直覺告訴我，她好像比較擔心阿聰會對 Miss 心懷不軌。

雖然這可以理解，但 Vicky 留低也不一定安全。

更何況大家只是萍水相逢，真的有需要那樣上心嗎？



我領 Vicky 走到一旁，試圖向她道出利害。

可是，她的反應卻是出奇的堅決，認為我們不可以見死不救。

我們若是棄 Miss Fung 於不顧，一旦她的情況突然惡化，後果便難以預計。

而且那個血氣方剛的小子，也很大機會對她伸出祿山之爪。

「放心啦，我會保護自己㗎喇！」

我看著笑容親切的她，使這句話完全失去了說服力。

雖然十分不願意，但我亦慶幸自己，還有這樣一個為人著想的身邊人。



既然她這樣堅持，我亦不便阻止。

但是，我卻決定用另一方法把危機解除。

「阿聰，晏啲你同我一齊出去。」我決定把危險留在自己身邊。

「吓！我乜都唔識㗎喎，出面又咁多怪物，留喺度安全咁多，點解要我出去？」阿聰堅決反對。

「而家唔係問你得唔得，係通知你去...」我嚴肅地向他說道，「你唔去嘅話，就即刻同我躝出呢間大屋！」

「嘿嘿，你估你係邊個吖？你有乜權咁做？」阿聰不屑地答道。

他的態度令我有點意外，但仍是理直氣壯地答道，「我係呢度嘅屋主，我話唔比你喺度就唔比！」

「你咪吹啦！頭先我同凱琪搵倒啲相，你哋根本就唔係屋主嚟！」阿聰繼續挑釁道。



「嘭！」我的拳頭一揮，便使原本佇立在阿聰身旁的實木裝飾，應聲粉碎。

在場的人，都被嚇得說不出話來。

「咁而家，夠理由未？」我擦著拳向阿聰問道。

「夠... 夠... 我隨時行得...」阿聰只能驚慌地回應。

「嘿嘿！咁又唔洗咁急，等陣先啦！」我回頭離開，「行得叫你。」

「O... Okay，冇問題！」阿聰爽快地答道。