［人性/有甜］- 屍•家•馬鞍山（隔日更新）: Chapter 533 - 與阿聰同行

我們就此逗留了一個上午，休息一下，順便補充一些食物。

屋內的食物比預期充裕；看來，住客們並沒有將所有的糧水都帶走。

這段期間，我亦窺看過外面的情況，喪屍數量好像略為減少，亦沒有再對大閘作出衝擊。

我想若要強行離開，照顧自己固然沒有問題，但要阿聰也免遭毒手，便有不小的難度。

當然，我並不是擔心到他的安全，但若然大閘外的危險並未解除，要他勉強同行亦有點不妥。



一直到了中午時份，外面的喪屍才有如收到指令一樣，慢慢往西貢市方向離開。

我見時機成熟，便示意 Vicky 準備出發。

「會唔會係陷阱嚟？」Vicky 感到有點擔心。

「唔洗驚喎！妳都知喪屍傷唔倒我㗎啦！」我自信地答道。

「得幾隻就話啫，一大班喪屍圍埋嚟，幾犀利都死啦！」Vicky 反駁道。



我也十分明白這一點，但現在的情況已經騎虎難下。

「知喇...」我努力令她安心，「我會小心㗎喇！更何況，既然自己有能力，都想盡力阻止悲劇發生...」

Vicky 看著，雙眼泛著淚光。

「哈哈！係咪覺得我好偉大呢？」我向她逗笑道，「係咪越嚟越愛我呢？」

「愛你個頭呀！」說罷，她便把頭靠在我的懷中，「琴晚，我見到你同 Aki 出咗去... 我覺得好唔開心... 所以我今日先會跟埋出嚟... 我唔想你有事，所以... 你一定要安全返嚟...」



「嗯！我應承妳...」我望著她雙眼說道，「妳自己都要小心啲...」

「I love you...」不知怎的，這一刻我很想跟她，表達自己心目中的想法。

「嗯...」她微微地點頭，柔軟的櫻唇迎合著我那慢慢靠近的嘴，輕輕地接起吻來。

這個感覺，以前好像從未感受過。

我們深吻了一會才不捨地分開，雖然沒有經歷過激情的舌吻，但感覺卻是那麼的強烈。

「我要出發喇！」我向她道別。

「嗯... 我等你返嚟...」她殷切的向我說道。

我回頭離開，心情卻是前所未有的沈重。



雖然大家相處的日子不算太多，但這一刻，彼此都已經認定了對方。

「行啦！阿聰...」我向正跟凱琪，依依不捨地道別中的阿聰示意道。

「嚟喇...」阿聰只能沒精打采地回答。

「Roy 哥哥！」一直沒有發言的凱琪，竟也主動的走向我，「求你幫我睇住阿聰吖，佢係咸濕啲，但係佢冇惡意㗎，對人又好好...」

責任，又好像突然多了一重。

可笑的是，我原來就沒有打算讓他有命回來。

「係！一定啦，妳放心...」我裝作爽快答應，然後趨前檢查一下，阿聰自己準備好的裝備。



「呢啲唔需要㗎喇！到時根本唔會用得著。」我把他身上一些多餘的裝置拿走，「嗱！淨係袋住呢把刀，綁緊啲件褸就 okay...」

「記住！喪屍淨係得一個弱點，就係佢哋個頭。」我補充道，「如果唔想死，就只可以對正喪屍個頭或者頸，一嘢插落去！」

「當然，你要肯定把刀抆得返出嚟。如果唔係，都係死路一條...」

「總知，自己執生啦！」説罷我便離開客廳，往大閘走去。

閘外的喪屍竟也消失得無影無蹤；我開始相信，這是個敵人預設好的陷阱。

我跟阿聰一同翻越大閘，重新走到馬路上去。

環看四周，沒有任何異樣。

於是我們便沿著大網仔路，小心翼翼地前進。



「Roy 哥唔好意思，我想問大概要行幾耐倒？」阿聰邊走邊問道。

「呢度行去市中心，大概四、五個字啦！」我回應道，「不過過咗迴旋處有部單車，所以應該可以快啲。」

「做乜呀？唔想行？」我質疑他說。

「唔... 唔係... 我只不過想預計吓要幾多時間...」阿聰惶恐地答道。

「哼！預計？」我不屑地回應，「好多嘢，根本就預計唔倒。」

「就好似...」我向他示意，「前面嘅情況咁...」