［人性/有甜］- 屍•家•馬鞍山（隔日更新）: Chapter 531 - 小鬼

「咁你哋玩咗成晚，好過癮啦！」我趨前向青年問道。

「喂阿 Roy，你講咩呀？」Vicky 不屑地看著我道，「你估個個都好似你咁，成日諗埋啲邪野咩？」

我想，只是她太單純吧！

但她很明顯話中帶刺，所以我亦不好反駁。

「Okay... 既然你哋入得嚟，咁就比你哋住住先。」我向青年說道，「仲有，你叫咩名？」



「阿聰，多多指教...」他竟也伸手示好。

一輪自我介紹後，我跟 Vicky 便離開房間，順道休息一會。

反正大閘外應該還聚集了大量的喪屍，現在離開也不是個好時機。

我們在偌大的衣櫃裡，揀選了一些比較合適的衣服，以替換身上這些滿布污垢的衣裝。

Vicky 也好像毫不避諱，背著我便替換了起來。



雖然無法把她的胴體看清，但玉背展示出的雪白肌膚，仍看得我心癢難耐。

這一刻，我真想趨前將她撲倒。

「Roy，有樣嘢你會唔會覺得好奇怪？」仍在替換中的 Vicky，微微的回頭跟我說道。

「哦？」我立刻把注意力重新拉回。

「佢哋好似特登將啲喪屍聚埋一齊咁，唔知係咪有啲乜嘢陰謀呢？」想不到，Vicky 也有著跟我差不多的想法。



不過，這也是我想不透的地方。

「其實，佢哋係咪想聚集埋啲喪屍，一齊發動襲擊？」我把內心的推測告知。

「吓？唔通佢哋想將啲病毒擴散開去？」Vicky 回應道，「不過，佢哋可以控制倒啲喪屍去邊咩？」

「嗯... 經過琴晚一役，我都幾肯定班人係有能力控制喪屍...」我答道，「如果係咁嘅話，佢哋真係有可能策劃緊另一場襲擊...」

「咁好有可能，分散嘅喪屍群唔足以突破政府嘅防線，所以佢哋想集中力量衝出去...」我補充。

「咁樣咪會感染埋其他地方？」Vicky 看來有點擔心。

「呢個只不過係我嘅推論，不過，如果個推論係咁，亦唔見得係一件壞事...」我分析道。

Vicky 有點摸不著頭腦。



「因為咁樣代表，政府成功將病毒封鎖咗喺隔離區，冇再向外擴散...」我解釋，「同埋最重要嘅係，異生教班人已經冇其他方法去傳播病毒，淨係可以依賴呢個最終手段...」

「亦即係代表，只要我哋阻止倒呢個陰謀，呢個異生教都應該命不久矣...」

「嗯... 我都希望呢個邪教唔可以繼續害人...」Vicky 亦表示認同。

我們整理好之後，便打算先回到一樓，查看女子的情況。但當我們正踏下梯級時，卻赫然發現，阿聰竟掀起了蓋在女子身上的大浴巾窺看著。

「喂！你做乜呀？」我立刻喝止。

「嘩！」想不到色膽包天的他，卻被我嚇得跌坐在地上。

還好，他只是個好色小人。



只不過，留他於此卻對這裡的女性十分不利。

「佢... 佢係我哋嘅 Miss... Miss Fung...」面對凶神惡煞的我，阿聰只能恐慌地答道。

不知是否錯覺，我覺得他的恐慌都只是裝出來的，到了時機成熟的時候，他便會露出狐狸尾巴。

我依然怒視著阿聰，因為先不說這是否他為求脫身而說出的謊話，就算他所而非虛，亦不代表可以對這女子不敬。

此時 Vicky 亦已經走過來，把剛才從衣櫃拿出的衣服，給女子穿上。

而我的雙眼，卻一刻也沒有離開過這個小色鬼。

「阿聰，你講嘅係咪真㗎？」Vicky 轉向阿聰問道。

「係... 係真㗎，我可以發誓！」阿聰認真的舉起手說道，「佢係新嚟嘅音樂 Miss，主要教低 form 嘅...」



「嘿嘿！教 lower form 你都咁清楚，一定𥄫咗人好耐啦！」我忍不住插口道。

「吖...」阿聰被問得啞口無言。

「咁 Miss 係咪同你一齊比人捉嚟？」Vicky 繼續追問道。

「我都覺得奇怪，因為 Miss 冇參加到我哋個課外活動...」阿聰憶述道，「我仲記得，嗰日佢放學冇幾耐已經走咗...」

「咁即係話，你 Miss 係之後先比人捉嚟...」我一邊注視著阿聰，一邊說道，「你可唔可以話我知，你哋讀緊間學校，近唔近海邊？」