［人性/有甜］- 屍•家•馬鞍山（隔日更新）: Chapter 344 - Jacky 的秘密

「研究？妳係話嗰啲大肚婆？」我想確認一下。

「乜你見過好多研究咩？如果你當我自己人，就咪再嚟試探我！」芷蕾看來有點氣憤。

「冇... 我都想 re-confirm 吓啫...」我只得無奈地答道，「費事一陣講咗一大輪先知估錯...」

「Okay～ 係，就係嗰啲大肚婆...」她好像接受了我的解釋。

我立刻屏息靜氣去細聽，因為這也關乎 Janice 的安危。



「你知道邊個係 Jacky 啦？」她問。

我聽罷有點驚訝...

不過再細想一下，若然我一直在她們的監視之下，我曾經與何人接觸，她們一定也瞭如指掌。

「嗯...」我直接了當地答道。

「佢算係一個陰差陽錯下異變嘅品種...」芷蕾把它形容得像鬼怪一樣，「而最恐怖嘅一點，係佢擁有極速嘅繁殖能力...」



聽到這裡，我有點不安的感覺。

「佢精子嘅活躍同成長速度，係正常動物嘅幾十倍，所以佢哋進入咗母體之後，就會極速成長...」芷蕾繼續解說。

我立刻想到 Janice 的情況，「咁大概要幾耐，個 BB 先會出世？」

「唔知... 所以我哋仲觀察同研究緊...」芷蕾無奈地答道，「不過照我哋嘅推論，應該只要一個月...」

一個月？



那這裡豈不會變成滿街怪物的世界？

不，這裡原本已經怪物滿街。只是，若然全部都是跟 Jacky 一樣的怪物...

一隻已經難以對付，若果它們的數量大幅增加...

「吓，咁過多一個月，咪通街都係好勁揪嘅怪物？」我簡直不敢想像。

「呢樣都未算係最差嘅情況...」看來芷蕾仍有更壞的資料未說，「你哋係咪喺山洞遇過一隻類似 Jacky 嘅怪物？」

「嗯...」現在的我，只能點頭回應。

「佢係 Jacky 嘅傑作...」她說著都帶點震抖，「而且估計只有一日大。」

「唔係化？」我覺得不可置信，雖然那怪物確實沒有 Jacky 那麼強，但我和 King 也是花了不少心力才能把它擊倒。



但實情是，它只是個出世才一天的嬰孩。

但我立刻產生了另一個疑問，當時離警署事件只隔了數天，剛才不是說過要一個月才能孕育出幼兒嗎？

芷蕾也好像看出了我臉上的疑惑，便向我解釋道，「呢樣就係恐怖嘅地方...」她小心翼翼地敍述，「我哋估計，隨著注入母體裡面嘅精子增加，佢哋提供嘅營養係會加速胚胎嘅成長...」

事情太不可思議，我亦只有目定口呆的份兒。

「唔好話你，我都覺得不可思議...」芷蕾亦表示吃驚，「不過我哋對啲孕婦嘅研究，亦印證咗呢點。」

「佢哋體內嘅胚胎有唔同程度嘅生長，而由我哋嘅調查所得，呢樣又同佢哋 比 Jacky 侵犯嘅次數有直接關係...」她再補充。

我一時間消失不來，只能下意識地提問道，「所以你哋就派阿 Keith 去消滅 Jacky？」



「嗯... 你可以咁講，不過我哋都叫佢唔好勉強...」芷蕾說，「因為我哋之前派過另一隊人去，結果死傷慘重...」

「而根據啲生還者講番，Jacky 佢好似犀利咗好多... 所以 Keith 今次去，主要都係評估吓佢嘅實力咁。消唔消滅倒 Jacky 都係其次...」她補充。

聽到這裡，我開始擔心 Keith 的安危。

若然 Jacky 也跟我們一樣，可以透過與女性交合而增強力量。我想，它一定已經再進化到另一層次。

「咁不如聽日去搵佢？我始終有啲擔心...」無論如何，我也不想自己的親弟弟慘遭毒手。

「你唔洗咁心急...」芷蕾卻一副氣定神閒的樣子，「如果聽日再冇消息，太師一定派人搵佢哋，到時再自薦都未遲...」

「不過...」其實我巴不得馬上就動身。

「不咩過吖！」芷蕾把我的話打斷，「你入嚟唔係要攞解藥㗎咩？你未經太師批准就走出去，就等於自己放棄！」



我承認自己是衝動了一點，但 Keith 的事情，也是刻不容緩。

「更何況你自己一個去，都唔一定幫倒手。咁倒不如聽日乖乖哋做足太師嘅要求，求佢比咗解藥你先啦！」芷蕾提議道。

雖然不想承認，但她說的也正正是實情。現今的情況，亦只好跟著她的說話去做，才是最妥當的做法。