［人性/有甜］- 屍•家•馬鞍山（隔日更新）: Chapter 343 - Keith 的任務

King 的說話沒能把我動搖，因我一早已經下定了決心。

「King，你都係放開佢先啦！」我向 King 說道。

「咩話？你咁做一定會後悔！」King 怒吼著說。

我怕 King 會發難，於是作出戒備。

可是，King 卻沒有做出我預計之內的行為，只是乖乖的從芷蕾身上褪了出來。



芷蕾亦立刻把握機會，從地上爬了起來。

「挑！唔聽我講，衰咗唔好喊！」King 只有自顧地說道。

芷蕾急急把散落的衣服取回，匆匆穿上便開門準備離去。

「Roy，多謝你！」她向我道謝後，便頭也不回的離開。

此刻的心情帶點複雜，希望我這一注並沒有下錯。



我亦沒有留在這裡的理由，於是我亦回到我的臨時家中。

等著等著，我開始坐立不安，心裡害怕芷蕾回去把援兵帶來。

個人安危事少，只怕我無法找到解藥拯救 Carey。

我想這個心情，一直到明天才能獲得放鬆。

「咯咯咯...」不知過了多少時間，外面突然傳來敲門聲。



我不知道來者是否善類，只有立刻加強戒備。

我戰戰兢兢的前往大門，在防盜眼窺探下，看見門外站著的只是芷蕾。

我立刻把門打開... 幸好，並沒有像我預期一樣，有多人潛伏在門外，一湧而上去把我制服。

「做咩呀？怕我帶人嚟捉你呀？」芷蕾看到像驚弓之鳥的我，打趣地對我說道。

「冇吖...」我只有尷尬地回答道，「呀！係呢，妳有事搵我？」

「唔... 不如入去先講...」看來她不想給其他人偷聽到，我們的對話。

「頭先唔係咁方便...」很明顯，她在暗示 King，「不過，有啲嘢我要同你交待清楚...」

我著她一起坐下，洗耳恭聽。



「我想同你講，個阿 King 絕對唔係好人...」芷蕾壓低聲音向我說，「佢特登潛入嚟，係另有目的...」

這個我十分清楚，但就我們剛才的所見所聞，這裡的人也不見得好。

「咁太師知唔知？佢好似好重用佢咁...」我有點疑惑，「明知佢有問題都放佢喺身邊？」

「太師一定知...」芷蕾淡淡地回應，「只不過太師好似有另一套諗法...」

難道，太師想要將計就計嗎？

「咁妳呢？妳話自己唔係太師嘅人，不過就長期喺佢身邊，咁妳嘅真正身份又係咩人？」我想先弄清楚她的身份。

「我同 Keith 都隷屬國家安全部。潛伏喺太師身邊，係要搜集佢密謀造反嘅證據...」芷蕾解釋著。



「咁妳係忠於自己國家啫！唔代表妳係好人吖！」我想看她怎樣回應。

「其實係咪好人真係咁緊要？喺而家嘅時勢，咩叫做好人？」她反問著我，「政府就一定好，市井流氓就一定係衰？」

「我反而覺得，咩人對自己有利係重要啲...」芷蕾補充，「咪當比多一個選擇自己囉！」

我想，她亦說得不無道理。

就連自己，也無法認清是忠是奸。

我又何必執著，只要對自己好便成。

「咁我幾時可以見番阿 Keith？」這個是我的深切願望，因為我渴望與他重逢之餘，更想他替我解答一系列的問題。

「唔... 佢而家幫太師出咗去做啲嘢，任務一日未完成，都未知幾時會返...」芷蕾回答道。



「不過唔洗擔心，你哋總有機會見嘅！」芷蕾看我目無表情，於是安慰著我說。

「咁妳講唔講得，佢出咗去做啲咩？」至少，也好讓我知道他的情況。

「唔... 都可以嘅！」芷蕾想了一想後答道，「不過，一定唔可以同其他人講...」她貼近我耳邊，輕輕的說。

不知有意無意，我深深感受到她溫暖的吐息，正穿越到我的耳窩之中。

「我諗你已經知道，我哋依家進行緊一啲乜嘢嘅研究...」芷蕾仍是輕聲的對着我說，「而阿 Keith 嘅行動，就正正同呢啲研究有關...」