［人性/有甜］- 屍•家•馬鞍山（隔日更新）: Chapter 305 - 暫別 King

「嗯...」King 想了一會後答道，「既然你問到，我又唔怕話俾你知...」

「如果真係比我攞到啲血清，我一定會留返比自己用囉！到時就冇人可以打得贏我，哈哈！」

他答得看似說笑，但我覺得這也可能是他的心底話。

無論如何，首先要找到血清再說。

面前的我，也只有這一個機會...



「好喇，大家都攰喇，有咩聽日瞓醒再講...」King 說罷，便打算起身離開，「我呢，今晚訓梳化就 okay 喇，順便幫你哋睇水...」

他刻意讓出房間給我們其他六人休息，於是我們便分別安排了 Clara 與 Vicky 同房，亦方便照顧。Janice 則跟 Kimi 一起。

而我跟素恩，便住在我家的主人房。

眾人分配好房間後，便拿了之前存起了一點的食物和水，便各自返回房間休息。

我們亦要習慣一下沒有水、電的日子，沒有了梳洗的清水、照明，只依靠著外面射進來的點點月色，使屋內不至於漆黑一片。



沒有充足光線的照耀，為本來已經沉重的心情，顯得更為複雜。

這段日子令我習慣了淺睡，只睡了一會，已經不想再睡下去。

我不想打擾難得熟睡中的素恩，於是便開門出去往客廳走走。

「喂！瞓唔著呀？」警覺性很高的 King，已經發現我的存在。

「嗯... 呢排習慣咗訓得少...」我淡淡地回應。



「吖，你出嚟就啱嘞！」站在窗邊的 King 揮手向我示意，「你過嚟睇吓！」

我帶著懷疑走到窗前張望，很快便給遠處的燈光所吸引。

「嗰邊應該係白石高爾夫球場，係咪？」King 指著那遠處的空地。

「嗯...」我簡單應答一句，便繼續張望。

「全個馬鞍山都烏燈黑火，係得嗰度咁光猛。」King 繼續說道，「好明顯，有大件嘢攪緊。」

「你想過去望吓？」其實他的意圖十分明顯，我只是想確認一下。

「係！」King 爽快地回應，「其實我頭先已經想去，仲諗住晏啲叫醒你嚟接我更。不過而家你醒咗，就最好啦！」

「嗯... 不如我哋一齊去？」我回應道，「好似有個照應好啲...」其實，我也想一探究竟。



「唔洗喇！」King 推搪著説，「你都係同我睇住嗰幾條女啦，留佢哋幾個喺度，分分鐘渣都冇得淨...」

「唔怕，有 Clara 姐喺度... 仲有素恩，佢都打得吓...」我不覺得，她們就如他說那樣弱不禁風。

「嘿嘿！你真係覺得，可以生存到今時今日嘅人，仲係一啲小嘍囉？」King 笑說道。

「而家淨番低嘅，一係就好打得，一係就聯群結黨。兩樣都唔係好嘢。」King 再補充道。

他說的不無道理，雖然這裡看似安全，但難保已經有人潛伏在附近，伺機而動。

「同埋必要時，我可能潛入去睇吓佢哋咩料，帶住其他人好唔方便...」King 好像在說我。

「唔... 睇係我都冇得 say no...」我無奈地回應。



「嘿嘿！係...」King 得意地答道，「其實我慣咗自己一個行動，比較方便啲！」

「你放心交你條女... 吖，唔係，係哎呀表妹比我㗎嗱？」不知怎的，我好像有心挑釁他一下。

「你好似知我好多嘢咁喎！」King 卻好像沒有被嚇倒，「不過咁又點吖？今時今日，呢啲嘢已經唔再重要。」

我還在咀嚼他的説話，他卻已經準備動身開門離開。

「吖，仲有一樣嘢...」King 突然轉身向我說道，「Kimi... 我表妹好似有啲唔係咁開心，可以嘅話，幫我開解吓佢...」

我想，我大概知道是什麼原因...

「雖然咁講好似好怪，不過你都係小心啲啦！」雖然我與他算不上朋友，但 King 既然與我有著同樣的身份，感覺上就好像是同伴一樣。

不知他是否也有著同樣的想法



大門關上，King 亦暫時離開。

屋內再次回復平靜，仍無法再次進睡的我，突然再想起 Carey 來。

「吼...」不知道 Carey 是否已經感到我的存在，隔著洗手間門，我已經聽到它的低嗚...

「吼～」我把洗手間門打開並內進，它便再次激動得掙扎大叫起來。

「Carey...」我把洗手間門再次關上，以防她的叫聲把其他人吵醒。

「我係阿 Roy 呀！妳仲記唔記得我呀？」我問著，眼淚已經奪眸而出...