［人性/有甜］- 屍•家•馬鞍山（隔日更新）: Chapter 306 - 坦誠的 Kimi
我曾經承諾保護的人，就這樣以活死人的姿勢，坐在我的面前。
「吼...」Carey 仍是瘋狂的掙扎著。
我再次伸出我的手臂，讓它激動的心情得以安撫。
雖然，我不知道這樣做是否正確。
但在這一刻，又有何人能斷定誰是誰非。
手上的肌肉不斷被拉扯，但我卻十分享受這難得的親密接觸。
「咯、咯、咯...」敲門聲突然從身後的洗手間門傳出。
「阿 Roy，你係咪喺入面呀？」門外傳來熟悉的叫聲。
我喜出望外，立刻撲過去把門打開。
洗手間門打開，外面站著的，卻竟是 Kimi。
「點解，你好似好失望咁？」Kimi 站在門外問道。
「哦！冇，係誤會。」而的確，這是個頗深的誤會。
「我，可唔可以入嚟傾幾句？」Kimi 戰戰兢兢地問道。
「嗯... 妳唔驚就得...」我沒有離開的打算，但可以接受她進來傾談。
「點，妳有咩想講？」我對她打斷我和 Carey 的獨處時光，感到有點不悅。
「吖... 我唔知點講好...」Kimi 尷尬地說道。
「咁不如我問先吖！」我看她欲言又止，於是搶先一步問道，「點解 Carey 會變成咁？」
「嗰日你走咗一陣，就有人拍我哋道門。咁我緊係唔會亂咁開啦，點知 Suki 就推開我，快一步走咗過去開門。」Kimi 開始把故事娓娓道來。
「我想走過去阻止，但係佢已經快一步打開咗道門...」
「道門一打開，強哥、富仔就發咗癲咁衝咗入嚟，一見到我就㩒咗我落地，扯開我啲衫... 之後就見倒阿 Keith 走入嚟，行去 Carey 間房...」
「點知 Carey 可能醒咗，又聽倒出面好嘈，咁啱就喺房走咗出嚟。佢見倒強哥攪緊我，阿 Keith 又行緊埋去，就即刻走咗入其中一間房，攞住把𠝹刀出嚟...」
「不過 Keith 好似完全唔驚，仲越逼越埋。咁 Carey 就用把𠝹刀放喺自己條頸，威脅 Keith 唔好走埋去。」
「而 Keith 起初都窒咗一窒，不過跟住就繼續迫埋去。之後富仔就走咗埋嚟迫我用口，我就乜都睇唔倒...」
「之後淨係聽到 Carey 叫阿 Keith 唔好再行埋嚟，跟住就係佢嘅慘叫聲... 然後就見 Keith 行番出嚟，同佢兩個講入面嗰個死咗...」
「我聽到強哥講咗句乜咁嘥呀之類，就再冇特別再提。但隔咗一陣，廚房嗰邊就傳嚟一啲怪聲，跟住就見倒 Carey 發咗癲咁撲向 Keith，而強哥同富仔都即刻起身攞武器諗住攻擊，不過阿 Keith 已經快一步推咗 Carey 入廁所，閂埋道門...」
「然後 Keith 行番過嚟，就好似煞有介事咁叫 Suki 佢哋三個走。」
「咁強哥就緊係唔肯啦，仲走埋嚟諗住繼續，點知就比 Keith 阻止咗，佢喺強哥耳邊講咗幾句，強哥就同富仔夾手夾腳狽住 Venus 走咗...」
我覺得有點奇怪，他們如此勞師動眾，設計把我使開，目的就只是為了讓強哥他們洩慾嗎？
更何況，他們根本還沒有完事。
他們把原本已經在手上的 Venus 帶走，卻讓 Kimi 留低通風報信，這到底是什麼原因？
「佢哋嚟到有冇咩特別嘢做過？」我好奇的問 Kimi。
「都冇乜特別，不過 Keith 臨走前，就同 Suki 入咗房一陣，但係就唔覺有啲咩奇怪嘢...」Kimi 答道。
難道，Keith 拿走了什麼東西？
「佢哋入咗邊間房？」我想確認一下。
「嗯... 就係你哋住緊嗰間...」Kimi 回應。
這令我更覺奇怪，原本是父母的主人房，又有什麼重要東西可以給他帶走呢？
還是，他放低了什麼？
看來我要回去找尋一下。
但在這之前，我必須再跟她確認一件事情。
雖然答案都已經呼之欲出。
「Kimi，我想問喺大水坑站嗰晚，妳係咪同 Vicky 佢交換咗帳篷？」我單刀直入問道。
Kimi 猶豫了一會，還是認真地答道，「係，之後我仲去咗同 King 一齊，去到天光先走... 嗰日 King 有心設局呃你，所以你見倒嘅嘢都係我哋刻意安排嘅。」
果然，是 King 從中作梗。
但想不到，Kimi 竟也如此爽快的和盤托出。
「咁依家，你可唔可以幫番我一樣嘢？」終於，Kimi 道出令她坦誠以對的背後要求...