［人性/有甜］- 屍•家•馬鞍山（隔日更新）: Chapter 304 - 無奈的方法

我給素恩使了個眼色，便再次開門踏進洗手間之中。

我用力搭著 Carey 的雙肩，然後使它安坐在坐廁之上。

它亦毫不客氣，咬住了我的手臂便瘋狂拉扯。

當然，它無法把上面的肉拉開。

我沒有理會，只是用力的把她按住，素恩亦配合地，用繩把它牢牢的固定在坐廁上。



一就準備就緒，我才把按著它的雙臂移開。

素恩的結繩技巧看來也不錯，單憑外觀，已看得到這個繩結弄得異常扎實。

下一步便要找糧食給它，一時三刻、我和素恩也想不到那裡才能找到新鲜的肉。

尤其是現在，只有軍人滿街的日子。

「King，我想同素恩出一出去...」我向 King 交待一下，便打算再次出發。



「咪住先，你唔係諗住捉個活人番嚟，餵比佢食呀嘛？」King 攔著我說。

「係... 呢個係唯一比佢生存落去嘅方法...」我說罷便想開步離去。

「你要咁做我唔會阻止你，不過你有冇諗過，咁樣真係幫倒佢？」King 再三勸阻，「不如咁啦，我哋傾吓先，之後再決定點做啦！」

可是，我還是打算堅持出發。

「阿 Roy，不如我哋都係傾吓先啦...」豈料素恩也幫忙勸阻。



我本想自己一個往外闖，但當我想到要素恩跟我冒險時，我也開始改變了主意，打算聆聽一下他們的意見再作決定。

「好多謝你肯停落嚟大家傾吓...」King 走過來搭著我的肩膀說，「咁先至叫一 team 人嘛，哈哈！」

「咁你係咪有咩好方法？」我想他極力阻止我，應該內心已有計劃吧！

「咁又唔好講話係咩好方法...」King 解說道，「不過，唔知你知唔知，喪屍就算唔食嘢，都仲可以生存七日咁耐...」

「呢樣嘢我知...」我回應道，「雖然佢唔會死住，不過要我睇住佢好肚餓咁，我忍唔倒囉！」

「你嘅心情我都明，不過有樣嘢要攪清楚，喪屍嗰種食慾，同人類嘅食慾唔同...」King 繼續解釋道，「人類係為咗生存而進食，所以基本上食飽咗就已經滿足咗人類嘅要求。」

「但係，喪屍就好唔同。因為機能退化同病毒嘅影響，佢需要賴以維生嘅肉其實只係好少。」

「而冇咗消化功能嘅內臓，就變咗負責儲存吞咗落肚嘅肉，為寄生係人類體內嘅病毒提供所需嘅能量。」



「同埋，佢哋需要嘅係鮮活人肉。所以人類如果死咗一陣，啲喪屍就會慢慢對啲唔生鮮嘅肉，失去興趣...」

「而為咗傳播病毒，控制住大腦嘅喪屍病毒，又會重新刺激起寄生體嘅饑餓感，再去襲擊其他活人。」

「我想問，呢個係你嘅推論，定係你睇過啲乜先知道？」我忍不住插話問道。

因為，若果一切都只是推論，我亦無謂浪費時間再聽。

「其實呢啲係 King 同我加埋嘅推論...」Clara 加入討論，「不過我哋並唔係亂咁講，佢哋係 base on 我哋各自嘅資料同觀察而推斷嘅...」

「所以，就算唔係百分百準確，都應該唔會差太遠...」Clara 補充道。

「妳同佢交換咗情報？」我覺得有點不可思議，疑似專業間諜的她，竟然和 King 交換情報？



「嗯...」Clara 毫不猶豫地答道，「喺而家咁嘅環境，你覺得仲有咩可以人信得過？警察？政府？自己嘅組織？」

「我諗，素恩應該都感同身受...」Clara 看著素恩說，「可以信賴嘅，就只係得身邊日日見住嘅人...」

素恩聽罷笑得有點尷尬，但也微微點頭的和議著。

看來，我只有靜下來，與她們商討解決方法。

「咁阿 King，如何我真係想救番佢，你覺得有咩方法？」我虛心求教。

「唔... 我諗佢暫時唔會有事...」King 也樂意回答道，「與其治標唔治本，不如就同我一齊，搵啲血清返嚟。」

「雖然我哋唔係一百個 percent 肯定啲血清就係解藥，但至少，佢哋係我哋唯一嘅希望...」

「我應承你，如果搵倒啲血清，我一定會比啲你救咗條女先！」King 再次搭著我的肩膀說道。



「好！一言為定！」我實在想不到更好的方法。

「不過話時話...」我追問 King，「如果真係俾你攞到啲血清，你會點用？」