救爸行動1986(穿越)(愛情)(親情): 7
~「...喂...之後去邊呀?」交完鞋之後家良問。
「...要走啦...應承左阿媽搭六點半船返屋企呀!!!」阿晶好無奈咁講。
「...且...阿晶走即係小強都走啦，寶如呢咁?」家良好無引咁講完再望一望姑姐問。
「...吓...諗諗吓我都好似同老豆講左坐佢船返去添。」姑姐諗一諗之後答。
「...吓...咁即係散band啦。」家良好無奈咁講。
「…阿文你呢...返屋企?」家良再問阿文。
「…既然大家都要返去嘅，咁我都返去溫吓書啦。」阿文講。
就係咁...我地全部人就坐返港鐵返銅鑼灣再轉巴士返香港仔啦。
不過阿文呢...去到銅鑼灣並冇落車，之後搭巴士果陣，
我忍唔住問姑姐先知道...原來阿文係住喺淺水灣架，
姑姐話佢去灣仔轉61號巴士喎，原全真係有錢仔...唔怪得氣質都真係唔同啲啦。
巴士好快就返到香港仔巴士總站，家良同我地分道揚鑣之後我地同阿晶阿強佢地就一齊行出去海旁度啦。
好快我地就行到返去阿嫲隻住家艇度。
「…到啦...寶如...，係啦...阿宜好高興認識你呀...
下次我地再出去玩過啦。」阿晶微笑住咁同我地講。
「…咦...阿晶你地唔跟埋我地船嘅?」我好疑惑咁問阿晶。
「…阿妹你唔知架啦，阿晶同阿強佢地係住榕樹灣果邊架，
同我地唔順路。」姑姐即時解答我嘅疑問。
「...哦...原來係咁，咁好啦...我都好高興識到你地呀...一言為定啦...咁下次我地再玩過!!!」
就係咁...我禮貌回應完阿晶佢地兩個之後就同姑姐行返上艇啦。
所有人已經返哂離，而家坐哂喺度，一行到入去...所有人都啤到姑姐行一行，
我望一望櫃上面個鐘，咦...喂...乜成六點半架啦，
頭先搭巴士果陣都好似聽到姑姐話阿爺平時六點就開船，
依家遲左成半個鐘難怪成家人都怒啤姑姐啦....死啦...
唔會連我都鬧埋掛...淆淆地底添...。
「…鄭寶如...又係你，次次都搞到要成家人等你一個!!!」果然...姑媽搶先開火。
「...對...對唔住囉，最衰頭先塞車啦，咁我又冇錶...睇唔到幾點吖嗎。」
姑姐用輕佻嘅態度回應姑媽，睇得出佢兩個關係都唔方好架啦，
鬼咩隔成十年...幾個代溝啦。
「…你唔識問阿宜幾點架?」姑媽指一指我手上嘅錶講，
係喎...我自己都唔記得我自己帶住隻g-shock添...，啲時間都仲未校返準...，
估唔到我帶左成日都冇人留意到有咩問題，唔通果陣已經有g-shock?
「…且...大姐你針對我...就算我唔遲到你都搵到借口鬧我架啦。」
姑姐而家擰歪面咁繼續挑戰姑媽...好似有啲過火位喎。
「...你繼續駁嘴囉，第時出離社會做事果陣你就知...比人縱到壞哂，
你冇用架啦...一世留喺漁排囉。」大姑媽起勢咁鬧...說話入面都幾多骨吓，
但係都聽得出...其實佢係用心良苦嘅，今次真係姑姐唔啱又冇理由咁都仲要撐嘅...。
「...算啦...細妹知錯架啦，好啦...開船返去啦。」
阿爺笑笑口咁出聲打完場，睇得出阿爺真係好縱姑姐...。
鬧完之後，所有人就跟住阿爺過船，一上到阿爺隻船，
大姑媽同大姑仗就行左入房，阿爺就入左去開船，而我地其他人就坐哂喺度...。
「…daddy...。」我走左埋去阿爸側邊坐。
「…阿宜你同阿妹去左邊呀，你知唔知我好擔心你架!!!」阿爸細細聲咁喺我耳邊問我。
「…er...去左太古城。」我答。
「...仲要去到咁遠!!!如果唔小心比差人捉住就係咁大架啦!!!」阿爸越講越爐氣。
「…...er...。」我唔知點答佢好...淨係dup低頭聽阿爸嘅訓示。
「...唉...對唔住...我語氣重左小小。」阿爸見到我咁，停左落離...語氣變返溫柔咁講。
「...唔緊要架...daddy你繼續鬧我啦。」我講...因為見到阿爸咁關心我...
我一啲都唔嬲，反而有啲開心添。
「…吓...er...我...我都唔係鬧你，我只係...我...係驚你有事姐!!」
阿爸窒左一窒，之後口都震埋咁講。
「…嘻嘻...其實你...覺得我個人點呀?」我仲係笑笑口咁問阿爸。
「…吓...咩野點呀??咪女仔一個囉!!」阿爸面都紅埋啦...嘻嘻...好可愛呀!!
「...咁你...冇見我成日有冇掛住我呀??」唔知點解...我會無啦啦問左個咁嘅問題.....
可能係我自己太掛住阿爸，所以都覺得佢應該會掛住我掛。
「…吓!!!...」阿爸嚇到成個人彈起左，之後好尷尬咁行左去駕駛倉度啦。
唉...唔知係咪嚇嚫佢呢，早知就唔問啦。
之後阿爸都冇行返出離，返到漁排食飯果陣，阿爸佢更加係唔敢望我添，
睇離今次真係嚇嚫阿爸啦，所以我都收斂左唔敢再夾餸比佢...。
食完飯洗完野之後，大家就輪住去沖涼啦，因為費是要人等我嘅關係，
所以我等到所有人沖哂我先走去沖，大家知我沖唔慣凍水涼架啦，
所以自己膽粗粗咁行左去廚房果邊煲熱水啦。
其他人亦都不以為以咁坐左喺大廳度睇電視，係啦...唔講唔知喎，
原來果陣漁排已經有電視架啦，放喺個大木箱入面嘅，
牛龜咁大部但係個螢幕就細得可憐...而且仲係黑白畫面嘅添...，
個影像起哂雪花咁我都完全睇唔清楚佢地到底喺度睇緊啲咩，
但係佢地又好似睇得好清楚咁...完全唔覺有咩問題咁喎...，
我就冇咩興奮啦，而且冇佢地咁好眼力...。
至於而度嘅環境呢...都算係咁架啦，起馬有部發電機發電先啦，
中間一個大廳，然後圍住有四間木房仔，一間房就姑媽一家訓，
第二間房就係阿爺阿嫲，第三間房呢就係姑姐同我，而第四間房就喺最外面一條木伸左出去咁，
其實依間房就係廁所啦。至於阿爸同阿叔呢...係冇房嘅...只係夜晚喺個廳度訓地下架姐。
而廚房呢...，其實嚴格離講唔係一間房，只係大廳行出去嘅一個轉角位離姐。
我一個人坐左喺度，慢慢咁等待緊我果煲熱水，
好彩果陣已經有石油氣咋...如果唔係就要燒柴架啦。
等吓等吓...無啦啦有人喺我後面雙手攬住我條腰...我開頭以為係姑姐，
下意思望一望後去先發現原來依個人係....。
「…喂...縮開你對死人手呀!!!」竟然係輝叔個死色狼，
而家雙手攬住我，而且仲成個人貼哂埋離，因為驚...
驚動阿爺佢地，所以我細細聲但係用好惡嘅語氣喝令輝叔。
「…嘻嘻...攬多陣先啦。」輝叔依條粉腸應該訓練有素，
完全無視我嘅說話，而且仲好輕描淡寫咁繼續攬住我...
塊面仲貼左埋離用個鼻不斷係我條頸附近索我啲頭髮囉...頂佢!!!
「...死開!!!」我一肘打左落去佢條腰度，之後條粉腸先肯縮開。
「…洗唔洗咁呀，你食我老豆住我老豆，比我攬吓都唔得??」輝叔好無引咁講。
「...你都痴線...又唔係食你!!」我好惡咁答。
「...唔好再喉住我阿哥啦，佢有拖友架啦...不如跟我啦。」輝叔繼續輕佻。
「...痴線...我對你大哥冇野，而且有冇野都唔會跟你囉!!!」我好緊張咁答。
「...咪扮野啦，你對住我大哥成日發姣，仲問埋哂啲肉麻問題，
諗起都作嘔啦...你仲夠膽話冇野!!!」輝叔繼續質疑。
「……。」我比佢質到唔知點答，呆哂咁坐左喺度...。
「…跟我啦...我唔會好似大哥咁悶，跟住我好刺激架喎!!!」輝叔嚫我發呆再一次攬埋離...。
「...喂...仲離喎!!!」今次佢攬得仲實，我點fing都fing唔開佢...點算呢。