【校園】【微甜】三日兩夜生前死後的宿營: 死後(1): 無法形容的感覺

【姓名】：小雪
【性別】：女
【得年】：17
【登錄/死亡時間】：2XX8年9月27日當地時間16點38分17秒
【登錄/死亡地點】：青年新村
【登錄/死亡原因】：頭部撞擊重物致死
【登錄次數】：1次

【遊戲開始時間剩餘......8小時22分43秒】





唔………我覺得頭好痛，想摸下個頭又動彈不得，想開眼又咩都見唔到，黑糊糊一片，有開等於無開，究竟點解我會係度.......
咦？我記頭先唔係跌左落山崖咩？
唔通我真係死左！？
但係………但係我有意識啊！
有無人可以話我依加咩狀況？？

就好似有人聽到我既問題，突然間我前面變出左一個人，真係變出黎！明明頭先咩都無黑漆漆一片！

變出黎既係個女仔，應該同我差不多年齡，一身黑衣，她當住我面，機械式無感情起伏對我講：「小雪，已經證實死亡，17歲，未成年，因此可獲參與【復活戰】名額1個……已被強制參加，多謝你既支持，歡迎黎到【裂縫世界】！」然後她就突然消失左。





？？！？？！！？

如果我無幻聽，我聽到係「證實死亡」……甘姐係話我死左？甘……點解我又思考到？仲有，咩係復活戰？裂縫世界啊？？
周圍附近咩都感覺唔到，無人無氣息無色彩，我只係覺得，好似要被黑暗吞噬，好恐怖！！
「有無人可以話我知發生咩事！！？」我忍不住尖叫出黎，同一條問題問左幾十次都無人應我，好驚好可怕，比阿草果晚捉住我仲要命……

呃？？阿草佢捉住我？
究竟係咩時候既事……
唔係，阿草係邊個？！我個頭諗到愈來愈亂，痛到就快要爆，最後我崩潰到暈左。
「……小雪……」




暈之前我聽到有人叫我……
啊……好似係阿條叫我………
阿條係邊個…………
………
……………
我記得啦！
係我男朋友！

「……雪……小雪……小雪！！」
唔……頭好痛，聽到好多人叫我，陽光好刺眼眼張唔開，仲有人不停搖我搞到我好想嘔。
想起身但係身體好重動不到，最後唔知邊遮住D光我終於可以開眼，因為背光一時三刻睇唔清楚係邊個，但係坐係我旁邊既人一下子撲過黎害到我又差D因為衝擊而再次暈低！

不過果個人甘做情有可原，她一把鼻涕一把眼淚激動甘抱住我：「嚇死我啦！我仲以為你死左，全身凍冰冰，明明連人工呼吸都幫你做埋都無反應，簡直以為你唔會再醒！嗚嗚……」
她捉住我死都唔放手，怕一放手我成個人就會暈死去。
直到另一個人拍拍她膊頭勸道：「小雅，你先放手，我仲要幫她檢查下有無受傷，你去同老師講我地之後既活動都唔玩要休息。」




把聲好沙啞低沉，我差d認唔出呢把聲，心頭一震轉過頭去，係阿條！
雖然男聲點都唔會尖過女仔，但係我記得佢把聲都無甘沙甘低，除非......

一直抱著我既小雅，聽到阿條既說話難得甘乖乖放開我，擦一擦眼睛鼻水，然後急忙跑開去，而其他本來圍係我旁邊既人都東西各散，呢個時候只有我同阿條，陽光普照烈日當空下，他跪係我前面，比小雅更強烈十倍既力度摟住我，我第一時間嚇呆做唔到反應，唔係因為佢既力度，而係佢全身冰冷到，好似無著羽絨係雪藏凍肉冰櫃剛剛出黎一D熱度都無。

而且，我●都●係●一●樣●凍●冰●冰，難聽D講句，好似屍體既僵凍！

當初我以為只係小雅比較熱，所以無覺得自己原來係甘冰！
係冰冷僵硬，唔係凍甘簡單既感覺，佢抱我重複住同一句話：「對唔住！小雪......對唔住.......小雪對唔住......」佢抽抽噎噎對我講，我呢刻唔知點算好，好多怪事衝擊到我唔知應該點反應好，但係至少呢刻回抱返他，希望佢冷靜落黎，點知佢喊得仲誇張收唔到聲.......

阿條大喊左十五分鐘，终於轉為細聲抽泣，男兒有淚不輕彈，直覺話我知，一定有問題！
我諗小雅應該都差不多返黎，所以係她返黎之前我必須要搞清楚事情，無論係醒之前的幻聽定係依加身體既感覺。
於是我深吸口氣，強忍住淚水慎重甘望住佢 ：「阿條，我……係咪死左？」
阿條停頓左一下，然後用力點頭之後又忍不住再喊。





原來，我真係死左！

感覺又空虛又實在，原來大概事實過於衝擊而導致腦海一片空白就係呢種感覺，見到阿條又喊到唔收聲，其實我先係想喊果個好無！而且話我係死左，點知我依加又係青年新村，仲可以同小雅阿條講話？

我強打起精神，捉住腦海唯一一絲理智問佢：「阿條，把你知道既一五一十話哂比我聽好無？你話比我知跟住落黎我地要做d咩……」

佢聽到我過於冷靜的聲線，自己都唔好意思再喊，抹乾淚水擦掉鼻水開始解釋佢所知既一切。

不過係佢開口之前，突然有把女聲響起：「你男朋友應該都係一頭霧水，等我解釋啦！」