【校園】【微甜】三日兩夜生前死後的宿營: 死後(2): 裂縫世界生死戰
我地同時望向發出聲音的方向：「「啊！！」」然後我同阿條同時大叫：「「係你！！」」
之後你眼望我，我眼望你：「「你識得呢個女仔？？」」
搭訕既女仔，白衫黑褲紮馬尾！我知道呢個女仔！
但係，阿條應該唔識她加！
「我叫小梓，我記得你叫小雪，而你係阿條。小雪係跳舞室同大草地見過我，阿條就係我幫你搵手機果陣見過。」女仔簡單兩句就介紹左自己。
「原來如此！多謝你！」我向女仔，小梓道謝。
小梓點點頭，然後無比失落向我道歉：「無必要向我道謝，反而係如果我有睇緊d，就唔會連累你發生d甘既事，真係好抱歉！」
「咩意思？唔通⋯⋯我地跌落山既事你有份搞事？」阿條突然對她破口大罵，嚇到我唔識比反應。
女仔即刻反佢白眼：「先唔關我事！只係我隱隱約約知道少少⋯⋯算啦，我先解釋下依加既情況。」
小梓在地下撿起一條長樹枝，係泥地上畫左個圖。
「我地處於呢度叫『裂縫世界』，係界於生者與死者的中間靈魂存在既世界，由於年輕加上死於意外既關係，死神網開一面把我地留係『裂縫世界』讓我地參加『復活戰』，令我地有復活既機會，既係返去我地之前在生的世界。」
「復活？！」差點掉左下巴！呢d事做得到？
嘛！既然本來要死都死唔去，咁「復活」應該算係小事掛......
「至於掛係脖上呢個玻璃瓶⋯⋯係啊，就係呢個！」
小梓指指我和阿條胸前，唔知咩時候掛左一個類似試管既吊咀，我舉起到眼前，玻璃瓶裏面仲有d藍白色氣體飄浮住。
「裏面裝住既係你靈魂體，如果玻璃瓶離開你超過半米，或者玻璃瓶碎左，你就無法留在裂縫世界，等於死亡！」
她誇張做左個爆炸「砰」既手勢，嚇到我退後半步。
「依加你地既情況就是，靈魂係玻璃瓶，手腳冰凍無熱度，生人死靈都睇到我地，簡單黎講就係似鬼非人既物種！」
我聽落就覺得複雜，阿條卻好快掌握到發生咩事：「甘既係我地依加係『死亡』靈魂，而要『復活』重新變返人類，就要保護玻璃瓶和玩『復活戰』？」
小梓畸點頭：「而決定邊個可以復活，就靠今晚夜d舉行活動—復活戰，又叫生死戰，晚上十二點開始。」她指指手機既時間，距離她講嘅活動仲有大約8小時，「活動內容：存活下來以及攻略地圖，裂縫世界有三個地圖，只要把徘徊係裡面既鬼魂，用呢把槍⋯⋯」然後她唔知係邊度變左枝手槍甘大既野，然後對著地下開了一槍，「射死佢地並且到達終點就可以進入下一個地圖，三個地圖都攻略完並且存活下來就算過關！」
她收起槍：「一枝槍有十五發，有三個彈匣補充，之後無子彈可以係射死左既鬼魂上拿到，或者搶其他人既，加上路上有寶藏，裡面既物品對自己都有好大幫助。」
小梓畫左一個大綱：「射死鬼靈有時會附送禮物或者子彈或者特別技能，可能有可能無；而被鬼靈襲擊會消耗靈魂，被襲擊超過三次或者摔破玻璃瓶就會被強制退出，失去復活機會就真係等於死亡。」
她無啦啦停頓一下，猶豫緊講唔講出下一句說話，不過最後以多講無妨既表情接著講：「每個地圖好似會有隱藏鬼靈，如果成功搵到並且射死佢，就算唔使到達終點都可以直接進入下一個地圖或者直接通關，只不過呢隻鬼靈既出現係傳說級別，聽講要射死佢好大難度，你死左都未到佢受傷，所以最好唔好遇見，唔小心撞到就直接走人。」
她突然拍一拍手掌，然後畫左一個小圓圈：「差點漏左件事，你地可以帶一個生者入黎參加生死戰！」
「下？」咩意思？
「你可以等你想邀請的生者瞓著之後，牽走他既靈魂入黎裂縫世界，帶他參加生死戰！佢既加入有唔少好處加，他雖然唔可以攻擊鬼魂，同時鬼魂亦唔會襲擊他，而且可幫你復原被消耗既靈魂一次，不過之後他既靈魂就會被強制返回自己身體，對他黎講只係發左場夢，但係你就無左個好幫手！」
「好似好方便，佢唔會有後遺症？」
「呢個我唔清楚，到時會再詳細情形解釋。」
唔？我覺得有點奇怪，其實聽到中間我已經覺得古怪，不過唔係活動規矩有問題，而是⋯⋯
阿條見我一面苦惱，以為我聽唔明活動內容，於是他向我簡述一次：「就好似打機甘，只要用槍射死鬼魂(NPC)就得，避開隱藏鬼靈(Boss)，被襲擊超過三次等於死亡(HP值0)，如果有人幫手回血就等於有一次免死金牌(復活)，只要過三關我地就唔使死啦！！」
「太好啦！我地有機會復活！不過我有問題：小梓你點解會甘清楚成個活動既規則？」
「因為我死得比你地早，係我所謂死左果日既第二天有個全身黑衣既女子向我解左所有事，而你地剛剛加入左呢個比賽唔夠一個鐘，應該無甘快有人解釋比你地聽，最快都要等活動先有詳細介紹。」一下子恍然大悟，我不由自主覺得負責生死戰既不知名人士反應慢好大一拍，不過她都有補充：「另外仲有一部分係我男友解釋比我知，所以我應該係所有參賽者裏面最了解既人。」
「你男友都係個活動裏面？」
「⋯⋯唔係，他係兩年前既存活者，以前既一d資料都係佢話我知。」
「原來係甘⋯⋯呃？」既然小梓話佢係兩年前冠軍，甘咪姐係表示佢死左，之後她又死埋？
中間可能發生左好多事，我突然唔知應該講咩好，氣氛變得好尷尬。
好彩她無太在意呢方面：「雖然係個人戰，不過有同伴幫手既話復活機率可以大大提升，所以你地可以跟我一組嗎？直到現在都無人願意跟我分組，因為他們怕同伴之間會起內哄，不過我相信你們無問題！」
雖然係第一日相識，不過她比我感覺係無心計直率既人，我望向阿條，他又望向我仲對我笑，於是我地三人就暫時同組。
「你朋友應該就返，我覺得你暫時唔好提起活動既事⋯⋯畢竟太過難開口，而且解釋也好麻煩。」我明白她有她既道理，反正阿條同我一齊，應無咩問題，唔會穿幫，我估，或許，可能，哈哈！
小梓暫時離開一陣，並且各比左一個係雜物室攞來既對講機我地：「我無手機，所以用對講機聯絡，到左十一點半你地就到⋯⋯有晚小雪係大草地見到我，果度等！」
「呃？小梓你等等！」我話音未完她跑遠到身影都無，我仲想講可以一齊行動啊。
腳步聲漸近，小雅出現係我地面前：「走啊！我地返大飯堂食飯，聽講之後有營火晚會要參加，唔好太遲去！」她面帶陽光燦爛既笑容，剛剛我蘇醒時見到的喊到不似人形既她，太大反差，完全係兩回事，不過淚痕依然清晰可見，我心裏起左霧，假如我輸左，就無得復活，小雅都係會傷心，我重要既人都係會難過，我應該點算？
仿佛察覺到我嘅低落情緒，阿條摸摸我頭：「唔好諗甘多，先做左活動再講，原地踏步都唔會有改變！」
我愣愣望住他，好唔容易講出句話：「你都會講甘有營養既話，唔通撞到頭所以聰明左？」係啊，唯有參加生死戰先可以改變現狀。
阿條白眼：「我一直都甘聰明！」
我：「成績表全滿堂紅係邊個？！」既然係甘，我要贏，復活返去自己的世界！