【校園】【微甜】三日兩夜生前死後的宿營: 生前(16): 完全反面

今次我無認錯人，因為阿條係無可能同我一組，如果佢就早知同我一組佢一早就會興高采烈跑過黎，仲有呢，佢無咩搞驚喜既細胞，唔會話呢頭話唔見面果頭轉角彎就見到佢搞surprise，而且都過左一日，我都識得分開兩個人有咩唔同，但係點解又會變左同阿草一組加，甘樣既話我寧願同阿條一組，最多都係比人話我發閃光彈……
「嘿啾！」天啊！我穿左外套都唔係甘對我啊？d冷氣可唔可以教翻好先啊？？好凍啊！！我終於忍唔住走到台下叫學生會幫幫手整一整個冷氣溫度，但係幹事走過黎話無人知係邊台冷氣教低左，跟住我就問佢地可唔可以全部冷氣既溫度都再整高d呢，佢地又好似啱啱先諗到呢個辦法衝返入後台，我都無野好講走番去小雅旁邊，又要再面對現實，係啊，阿草同我一組喎。

我有點尷尬唔係好敢望過去，小雅於是問我:「不如我地換其他組人好無?」
但係小雅已經擅自同我一組, 我都唔好甘厚面皮再叫其他人換組，只係附近有好多無所事事又愛管閒事既人, 又認樣唔認人，見到我同阿草一組就係咪都走過黎打招呼，叫佢男朋友前男朋友後，如果我地只要好和氣地否定閒人既話就一切安好，最大問題係講到佢好似愈來愈高興，如果剛剛開始我仲覺得同佢有d尷尬既話，我依加完全係暴躁，我真係一d都唔鍾意佢，我甚至當住甘多人面拒絕阿草佢依加都仲可以當正好似真係我男朋友甘，雖然兩個人好似，但係我呢刻已經十分確定，完全係兩個人，終於我忍唔住爆粗：「X你，呢個賤人唔X係我男朋友，只係一個好X似樣既人，XX你地唔X好再亂X叫同亂X認啦！！」
在場既人聽到我甘大聲講嚇左一跳，最大反應莫過於係阿草，佢本來都仲扮哂野解釋緊，見到我大爆發就唔好意思再多嘴灰溜溜走開左，就算無照鏡我都知自己面紅耳赤，小雅反被我搞到笑到合不攏嘴，呢刻我仲有d怒氣瞪著她：「好好笑咩？」
「唔係唔係，我只係覺得你好厲害！睇怕這下你出名，返到學校無人唔識你。」小雅又重提舊事，明知我唔鍾意出頭，不過今次我真係無辦法，話說回來今次宿營我老係做埋d我唔想做既事。
「你就淨係笑，又唔幫下我。」我又忍住唔發脾氣落她度，畢竟她同成件事一丁關係都無，只不過也笑得太過份啦？
「哈哈哈，你甘叻用唔著我幫啦……你睇下，護花使者黎啦！」
我以為她又取笑我，點知我轉身真係比我見到阿條，我既正牌男朋友，他氣急敗壞跑過黎：「你沒事啊？我頭先聽到……你講野。」




佢應該係聽到我爆粗但係唔敢講出黎，怕我仲嬲緊唔小心又點著火，我搖頭話沒緊要事無對我亂來，佢鬆左口氣叫我有咩事再打比佢就走開左，果d得分唔清唔楚既閒人見到我跟同一個男仔傾計都無人再敢問或者搞搞震，我都鬆一口氣，免得影響我既心情，突然間有d慶幸接下來既活動係試膽大會，甘樣我就可以毫無 顧忌大叫尖叫，把我今日積落黎嘅壓力都發洩曬出嚟，太好啦！

其實我甘安慰自己都係因為我怕鬼故，希望我能夠平安無事走完成程！

無論點樣，分組活動開始啦！不幸繼續降臨，搭膊頭跟我尾既人竟然係阿草，我用力把手拍落我既額頭，見鬼去！我完全無心情玩啦，我同小雅講我依加d都唔想玩，她都明白我既顧慮，但係突然間走開又好外眼，於是我地商量係入左鬼屋等大家都無在意對方時就脫隊返宿舍休息，但係無論點樣我都係要暫時同佢一齊，雖然小雅主動請纓企我後面不過她企我前面我會放心d，加上成件事係我挑起只好認命，我搭住小雅，阿草就搭住我後面，係佢隻手放落我膊頭之前，我刻意回頭怒瞪著佢：「除左膊頭之外，你邊度都唔好玷！」哈，真係有效，佢只敢輕輕用指尖係甘而玷到我，甚至乾脆唔搭，直到學生會幹事點人數先做下樣，但係行過去第一間鬼屋中途，我聽到佢壓低聲問我：「小雪同學，之前既事好抱歉，可以既話比多次機會我地兩個重新開始？」

？？？下？？

我諗都唔諗秒答佢：「咩重新開始，我地根本就無開始過！活動之後我唔會再見你，你都無必要再過黎搵我。」我仲要大大聲講都隔離兩三組既人都聽，我決定攤牌反面斷後路，反正我唔係同阿草好熟，又好唔like佢，我要佢唔敢再借故接近我，今次應該明啦掛？





我真係真係講到好白啦！我偷偷地望向後面，只係見到佢低頭無望我，我估，佢真係明啦。

果時我甘諗真係太天真啦！