【校園】【微甜】三日兩夜生前死後的宿營: 生前(17): 亡命鬼屋

小雅聽到我突然大罵嚇親，但係她到猜到一二 回頭見到我怒氣沖天既樣唔敢再問，只係拍拍我隻手示意要向前行去第一間鬼屋。
我地既逃脫計劃好簡單，入去一瞬間就逃隊轉身跑掉返宿舍，雖然對呢組人唔好意思，一來我唔想再留在阿草既視線範圍內，二來講真我怕鬼屋，鬼屋外表不點可怕，畢竟係臨時搭出的帳篷不過係裏面既尖叫聲一浪接一浪無停過，我聽到都覺得怕，好似係搭起帳篷連住三間特別室一路直行之後係三間特別室分路走，所以同一組唔會有機會走到另外兩間鬼屋。

我記得之前學生會特別補充裏面有寶藏搵到會有大禮送，而且只係單獨送比搵到既人，禮物係神秘既無人知，所以每個人都好期待，不過管它係咩我只要離開到就得。終於到我地入去，我同小雅打眼色，點知前頭既人入左去我地準備逃脫時，係門口把守既人突然掀開帳篷口，陰陽怪氣同我地講：「歡迎黎鬼屋裂縫世界，哈～哈～哈………」
 
我大抽一口氣，結果嚇到唔記得跑走要繼續向前走，小雅既反應同我一樣，她大概無諗會有人站係帳篷內面既入口睇水，走不了就只好向前行，我緊緊捉實小雅隻手臂，管得條規矩要我搭咩膊頭，我緊閉雙眼咩都唔敢睇，小雅雖然對我感到無奈可是又無可奈何，我都感覺到她有少少震抖著反而捉到我更緊，連她都怕既話我更加唔使講，不過原來唔係呢回事：「小雪，你有無覺得好凍？帳篷裏面應該無裝冷氣。」我著阿條比我既外套唔係好覺，加上我都驚到咩都sense唔到，但係小雅只係短袖衫，同埋據她所見附近又無乾冷出煙，真係好奇怪！

雖然戶外活動既帳篷好多時都會有冷氣另外加在頭頂，不過一來一般都係一d大型活動係戶外，二來主辦單位好心裝上去，三來活動多數玩足一日同埋人數超多先會準備d甘高質素既機器，依加只不過係高中生活動又係臨時加建無理由做到甘足啊？我稍為半開眼望下周圍好似真係無冷氣機，不過小雅拍拍我手：「可能連我都被氣氛影響左，睇黎今次活動準備得好足，害我都緊張埋一份。」

我忍不住笑左，難得連鬼唔怕既小雅都會認真起來，就係我甘諗果陣我眼角瞄到有個人臉同脖塗左超白粉底上下眼線畫極粗一頭灰黑爆炸頭蹲係地方，著拖地黑色長袖長袍遮住手腳，加上周圍都好暗基本上都睇唔到佢，突然佢站係我面前亮起電筒照著佢自己塊面，睇清楚d佢仲塗左黑色係嘴唇開口合起兩排黃牙，「嘩！！！」我嚇到成個人彈起退後唔小心踩到後面既人隻腳失平衡訓左係佢胸膛，隻鬼好開心對我笑得更燦爛，下一秒又關上電筒再次與黑暗為伴，冷靜落黎之後我發現自己靠左係後面既人，即係阿草身上，佢扶我站直但係無講咩只係搭住我膊頭示意我繼續向前行，呢個時候我先發現，小雅呢？




 
我明明捉到她實一實死都唔放手，頭先跌倒都記得無放手，但係我無為意到，阿草係扶我起身時故意推走左小雅，她本來一手捉住我一手搭住前面膊頭，結果我嚇親失平衡手稍微鬆開左她然後被阿草推走，一片黑暗中又唔熟路好難再搵返對方，前面既人走得快小雅她在轉角位就已經見唔返我既身影，回頭搵我對她黎講有d危險，因為我地無手電筒，拿手機出黎萬一鬆手或者被人撞掉左就真是神仙都幫你唔到，周圍環境又黑又亂又唔熟路，跟住前面既人行完全程係明智既決定。

儘管如此，好姊妹係唔會放棄我，就算電話好緊要，她係轉角見唔到我一刻其實已經打電話比我，點知重點是我見到前面又黑又唔見左小雅，我驚到雙手抱頭蹲係地下唔敢動，都無留意電話係度響，管得阿草又哄又拉我就係賴死唔動，腦袋裏只有一個想法：我要出去！！！
 
大概阿草都無諗到我會變成甘，點叫都唔願動，結果係其中有個扮鬼既學生會成員見到我地兩人停滯不前，主動帶我地離開鬼屋，學生會成員捉住我手腕拉我起身慢慢帶我走捷徑，終於我冷靜落黎聽到不停震既電話，我一聽手機：「你終於肯聽電話，你究竟去左邊！？做咩轉頭就唔鬼見左你？」
「我都是啦，一起身就唔見你，嚇到我坐係邊唔敢動。」
「你真是……依加呢？去緊出口定點，我好似就行完，應該都攞唔到咩獎。」
正常啊，一組人唔見左兩個，一到出口就知結果，咯！我好似踢到地下有D野，於是我蹲下來睇，學生會成員見我無啦啦蹲低以為我唔舒服即刻用手電筒照向我呢面，我手拿住地上那個東東，上面寫住「寶藏」兩個字，我諗起一開始學生會有講過搵到寶藏會有大禮送，「嘩！誤打誤撞甘都被我搵到寶藏，上面仲寫住『1號』！」
我對住電話另一頭既小雅高呼，她好似無咩反應，反而係學生會成員聽到我講「1號」撲過黎要搶走寶藏，我閃身後退半步，學生會見搶奪失敗笑呵呵對我講：「同學，果個係普通無用裝飾道具，你比我得啦！」




完全一副笑裡藏刀既樣子鬼信她，應該係鬼都唔信她，一定有古怪，我都唔理會不會迷路，拔腿轉身就跑，見到有路就向前衝，都唔知轉左幾多個彎先發現阿草跟住係我後面一齊跑，同埋手機仲連接緊小雅果頭。

「小姐啊，你平安無事既話至少都喂兩聲比我知你仲未死，我就黎捉住三間學校既會長一個一個嚴刑拷打問清楚究竟係邊個諗埋D甘既遊戲，同埋搵呢條捷徑出黎。」聽到好姊妹既聲我鬆口氣，順便回一回氣，望望手機既通話原來我逃命般全力跑左差不多三分鐘，她絕對係超級擔心我。

「對唔住啊，我都無諗過會發生D甘既事。」呼，好累，估計要再跑都無咩力，等等同學生會話我搵到寶藏收埋禮物就返宿舍沖涼訓覺。
「你依加係邊，近唔近出口？」我見到不遠處有光應該係出口，「我地依加出去出口，到時再碰頭。」
「好，我等……咪住，『我地』係個？」
「我無同你講咩，頭先阿草跟住我後面跑。」
「小雪你快跑去出口，快！」但是呢句說話我已經聽唔到，阿草佢突然用手臂拑住我條脖，用布蓋住我既口鼻，不出一會我就暈倒不醒人事，任小雅點樣係手機大叫都無反應。